أغنية بنت مين ومين

ده سن السكين لسانك،
هنا ع المسكين قدامك،
ده سنين في إنتظارك، 
أصوم أصوم وأفطر كده عليك، 
انت مجنون وعقلك مش فيك، 
ده بعدك ولا حتى في أحلامك

انت مش عارف أنا مين، وبنت مين ومين،
وعيوني اللي متلونين، بيشوفوا الناس نوعين،
نوع يتخطف خطف،
والتاني يستاهل العطف،
وانت بقى ملكش وصف، ولا تتشاف بالعينين،

مش نفس المستوى، 
ولا بنتنفس نفس الهوا،
ولا معقول نكون سوا، 
ده مفيش بنا أي لغة حوار،
انت يا مجنون يا بتحب الهزار،
وفي الحالتين محتاج تاخد دوا