أغنية اقفل ع الموضوع

اقفل ع الموضوع، وسيب الموجوع موجوع،
اسفك مش مقبول،
والتمثيل ممنوع، 
وكلامك كده على طول، ع الجرح بيزود ملح،

لسانك ده بينقط سم،
عينيك دي زي الوهم،
وقلبك معندوش ريحة الدم،
دي الدموع مش محتاجه شرح 
كل الناس بالجمع تتلم، ولما تقسى تبقى قسمة،
إلا انت زي الطرح 

إنسان معجون في كدب،
على كل لون انت يا حب،
وقلبك شاطر في النصب،
ميت جوع بسببك أنا للفرح 
كل الناس بتعرف تحب، اللي بلسم واللي بيرسم،
إلا انت زي الرمح