أغنية بدون كلام

سلام بدون كلام، تايه وسط الزحام،
ممنوع يوصل ممنوع يحصل،
والإيد في الإيد، لازم من بعيد لبعيد،
ويتخطف زي السرقة، والناس نيام،
لازم يكون متفصل، على قدك يا أحلام،

ده بيصعب عليا الشوق،
لما يروح يقابل شوق، ياخده على جنب يداريه،
عن كل اللي حواليه، يقوله بتعمل كده ليه،
يبص له من تحت لفوق، 

سلام بدون أشواق، ومفيش استثناء،
مسموح يكون لو قدام الكون،
عادي وهادي، وكل عين في وادي، 
ولا ينفع يطول، ولو بالإتفاق، 
يحرم لقا العيون، يحرم سلام العشاق،