أغنية لو مطرحك

مبتعرفش في العربي، 
غير الكسرة غير الشدة،
مع إن فيه حتى ضمة وفيه عطفة،
والكلام عشان يطول ليه مدة،
ونبدأه تملي بالفاتحة،
ليه في الحب نخبي،  زي مافيه يا قلبي، 
ألوان غامقة فيه برضه فاتحة،

أنا لو مطرحك، هجري بسرعة عليا،
والشوق في عينيا، يقولي هفضحك 
أنا لو مطرحك، مش هسيبك في شدة،
ولا أتكلم بحدة، هحبني و بشدة 

مبتعرفش في الحساب، 
غير الطرح غير القسمة،
مع إن فيه لسه جمع في الحسبة،
لكل اتنين ليهم في بعض قسمة،
واحد جنب واحد رسمة،
تترسم على الأبواب ما بقوا خلاص أحباب،
بيضربوا الفرحة والنتيجة بسمة،