أغنية مش انتي

قبل ما أجي وأصارحك، 
كنت صاحبك كنت في صفك،
إنسان مالوش مثال، جدع يتعمله تمثال،
ده الكلام اللي فيا اتقال حسب وصفك،
ولما اتشجعت وجيت واتكلمت، ساعتها ليه 
ردك عليا كان غير ما توقعت، 
كان عكس تماما اللي حلمت بيه

كأنك اتبدلتي وبقيتي مش انتي،
قولتي واتهمتي قلبي بحاجات مش فيه

قبل ما أروح و أقولها،
كنت عندها السند و في ضهرها،
وأقرب واحد ليها، الحماية والأمان حواليها،
ده اللي كان في عينيها طول عمرها،
ولما اتشجعت وجيت واتكلمت، ساعتها ليه
معملتش حساب ولا فكرت، 
مش كل واحد بتبان الحقيقة في عينيه