أغنية فيها إيه

فيها إيه لو قررنا، نهرب من السجون، 
اللي جوانا ونكون 
على هوانا وكيفنا
نسيب مكان بالكدب مليان،
نبقى غيرنا ونختار الزمان،
وناخد السجان معانا كمان،
ماهو برضه زينا مسجون،

كل واحد يختار مصيره، 
والحرية تصبح ممنوحه،
اللي عايز يبقى لوحة،
واللي يبدل روحه مع طيره،
واللي صفحته ممسوحه،
ميكتبش فيها حد غيره،

فيها إيه لو وقفنا، الحروب لمدة يوم، 
و نروح في النوم 
مطمنين على أروحنا
ويلعب العيال عمال على بطال،
لا نسمع ضفنا ضريبة ع الخيال،
ولا يبقى دجال بابا المجال،
ولا نبقى تارجت وقت اللزوم،