أغنية كل الفرص

خلصت كل الفرص،
والزمن ضرب الجرس،
يفوق القلب اللي اتجاهل، 
كل العلامات الحمرا
كان شايفها مؤامرة
والناس عاملين نمرة
مسمعش خلاص يستاهل، 
ياريته سمع وخرس 

ترجع فين ترجع لمين، كل العناوين 
اللي تعرفها من خوفها، 
طلبت الحماية من صاحبها، 
القلبي المسكين ما انت قلبك شرس 

خلصت كل الفرص،
والزمن ضرب الجرس،
يعلم العاشق ما كان جاهل،
وبيبلع لحبيبه الزلط
فضل يأوح ف الغلط
لحد ما فهم و اتظبط
بالجراح مش بالساهل،
من الحزن اتلدع واتقرص