أغنية إن كنتوا أيام

إمتى كبرنا وازاي وفين،
مين يرد تعالولي بقى يا سنين،
و إن كنتوا أيام اتحاسبوا، 
مين بيضرب العمر في اتنين،

أبو العشرين حرساه العين،
لما بيحلم بينهج 
ولو فكر بيعرق و ف الشغل بيغرق،
مخدوش في المنهج
أبو التلاتين ماشي بفولتارين، 
وكام نوع مضاد
وكيس مليان علاج ودهان، 
وبيتسند ع الولاد

أبو العشرين طلعلوا شعرتين،
كده ع الجنب بيض 
بيسرح فيهم عشان يداريهم، 
سلم للزمن تفويض 
أبو التلاتين أنجح الناجحين،
ماشي جنب الحيط 
بيروح شايل ومحمل تقايل، 
بطيخة وجبنة وبيض