أغنية خط أحمر

كل الكراريس في فلسطين ورقها أحمر 
كل البيوت كل الميادين لونها أحمر 
كل الحكاية من ٤٨ مكتوبة بالدم الأحمر 
الدنيا أبيض و اسود و رمادي
إلا الناحية دي خط أحمر 

كانوا أربع عيال للشط رايحين،
يلعبوا كورة سوا حبة حلوين،
هب الغيم هبا مع قتالين القتلة، 
هجوم هجوم والعيال هما دفاع،
رجع اتنين واتنين منهم وداع، 
وجريت الناس تلم فتافيت الماس،
راح شهيدبن وفضل شاهدين، 
يحكوا الحكاية طول السنين لناس تانيين

ماعادش حد بيطير طيارات ورق،
ما الهوا بطيران تاني اتسرق،
وبقت السما والأمطار صواريخ ونار، 
بلا أضرب ضرب والولد يلم الحبل،
قبل ما يتحرق منه وقبل وقبل،
وعاش وطنه في أوضة سكنوا،
وقت القلق الكل هناك اتفق،
ع الدعاء هو اللي فرق مع اللي سبق

وبنت بضفاير أحلى ما في الكون، 
قاعدة مع صاحباتها حبات الزيتون، 
والصافرات تدوي بري وبحري وجوي، 
قصف كثيف مخيف محدش يخاف،
قالتها بالعيون ما احنا بنك الأهداف،
كتبت اسمها ثلاثي على جسمها، 
بكذا لون وكأنه درب من الجنون، 
ده العمر كله يهون شهيدة راح أكون



تعليقات

إرسال تعليق

المشاركات الشائعة من هذه المدونة

أغنية ماتحاولش

ماتحاولش تبقى حد تاني، عشان تعجب حد تاني، لو عايزك يحبك عمياني، لو يقبل بيك زي ما انت، يتفضل جداً اهلا وسهلاً، يشوف حقيقتك يقول عجباني انت حلو من جواك، دي كل الحكاية باصص في مرايا مش بتاعتك  أختار صح اللي معاك، أستنضف المرايا تشوف بالنهاية تعجب بصورتك  محدش يكره يبقى أحسن، كل القلوب فيها كده عيوب مين ينكر طب ما يتغير هو يمكن، قلبه معيوب تعدله انت المقلوب وفيك يشكر 
قراءة المزيد

أغنية مش عايزك تحبنى

يا حبيبي بحبك وانت بتعذبني،  أنده على اسمك ولا تجاوبني،  وعلى قد مسافة بعدك، تلاقيني تملي في ضهرك انا عايزك بس تكون معايا،  نص ما انا معاك بكون،  مش عايزك تحبني اكتر، ولا تحبني بجنون، كل اللي نفسي فيه يكون،  ان احنا مع بعض نكون،  يا حبيبي مش كتير والله عليا،  ان احس معاك بشويا حنية،  مش عايزك تقولي بحبك، كفاية عليا احسها بقربك  يا حبيبي مش عايز منك هدية، يكفيني انك تحس باللي بيا،  ولو صعب تحسني بقلبك، خليني في بالك وعقلك
قراءة المزيد

أغنية هفهمك غلط

مش افترقنا، وعلى حسب ما افتكر ده مكنش طلبي،  بس اتفاقنا، طب ليه قلبتي الدنيا لما حب قلبي، تاني بعد فراقنا،  غيرتي لما لقيت روحي،  و افتكرتي إنك كنتي زمان روحي، طب ممكن تروحي عشان هفهمك غلط، زعلتي إني حبيت بعدك، دلوقتي ليه ما انتي حبيبك جنبك،  ولا كان عندك ليا لسه فيه خطط، مش انتهينا، كانت أيوة قصة حلوة وخلصت ببعاد، في عينينا، بصي وقولي ده كان بالنسبة لك استعباد،  و مستغربة إزاي نسينا
قراءة المزيد