غنوة والله بني آدمة

مرهقه 
زي ورقة شجر قدام الريح، 
مهزقه 
يمين وشمال ومينفعش تصيح،
لا بصحيح انا داخله ولا آلف معركة 
يا ناس ما كفاية بقى

ليه حياتي كلها مشاكل، حد عليا بيتواكل،
وحد شايفني بتاكل، و رسمة في فنها
ده انا والله بني آدمة، مش تخصص خدمة،
وتلخصني في هدمة، وتحكم عليا منها

خلصانه 
ومبقاش عندي وحياتك صحة،
و بأمانة 
حواليا ناس واخدين فسحة،
من مصحة و حطني معاهم في نفس الخانة
وأنا عاقله مش عيانه