غنيوة زي ماهي

لسه زي ماهي حلوة، 
حلاوة مش معقوله،
لا اتغيرت ضحكتها، ولا عينيها ونظرتها،
لسه كده زي الصورة،
بتاعتها اللي معايا من ساعتها،
وقت الطفولة من سنة أولى، 
اللي شايلها وانا كلي، أمل تملي، 
والأسباب مش مجهوله،

قربت منها وسلمت، 
ما أنا ياما حلمت، وكلمت نفسي طول السنين،
رسمت واتخيلت، فرصة تجمعنا احنا الاتنين، 

بعد السنين دي إزاي، 
لسه كده زي ماهي، 
وأنا غيرتني الأيام، بس مع السلام،
عرفتني من عينيا،
أوام وفضلنا نتكلم كلام، 
واللي فيا قولته في ثانية،
اللي خوفت أقوله زمان، أنا من زمان،
بحبك اد الدنيا ديا، 

قربت منها ووقفت، 
معقول يعني الوقت، دلوقت بيجري مني ومنها
بعد ما اتوفقت، وقابلت حب حياتي كلها