أشعار الأراجوز

أنا عايزة أعمل حركة نسوية، ويكشفوا فيها عليك وعليا، نفهم التفاصيل ونشوف النتيجة،  صحة أقاويل ان الست نكديه، هي الحقيقة ولا تهويل،  ووعد يا جميل لو طلع التحليل، المشكلة فيا هنعمل تسوية، أرجوك متقوليش  تاني كلمة احنا، ممنوع منع  من النهاردة مفيش  غير نون النسوة، مش الجمع  أيوة خلاص مفيش  أي حاجة تسوى، كل الدمع  أنا عايزة أعمل حركة نسوية، كل الستات تضم كده عليا، الامر عاجل والظلم بين، اتهام بالباطل قال ايه قوية،  حاجة تجنن أي عاقل، خليك عادل مرة ياعم الراجل، صفي النية بنفس سوية، 

مش طالب منك كنير، غير عليك بس تطمني، كفاية اعرف انك بخير، والدنيا معاك تمام  لا هعاتبك ولا تعاتبني، لو عندك دقيقة وفاضي،  بعد اذنك بس تكلمني، من صوتك هعرف الكتير، من كلمة سلام  أنا بده والله راضي لا هفتح مواضيع لا قديم ولا جديد،  هتطمن على أخبارك  ولو فيه حاجة ناقصة لك  ولو فيه حاجة اعملهالك من بعيد لبعيد،  مش سامع بقالي فترة، أي حاجة خالص عنك، دؤ الناس بتخبي قاصده، عشان تمنع القرب ولا ده بطلب منك، يا سيدي أنا والله، مش هزود تعبك، لو فيه حاجة حصله، هساعد زي الغرب وأمشى بعدها طوالي

معقول  نسيت خلاص، ده انت على بالي على بالي  على طول،  نسيت  طبعاً مش هتقول، ولا هيفرق معاك مين لسه بهواك  مشغول، مبتعديش ساعة غير وافتكرلك موقف بنا، مبتعديش دقيقة مش مبالغة والله دي الحقيقة،  غير لما أقول دلوقتي هيكلمنا يلا عيش بعدي وافرح واتهنى والله بتمنى، تعيش سعيد مش مجاملة مني دي أكيد، صعبان بس عليا إنك مش هتفتكرنا

كان بنا أحلى حاجات، قول وقول ماتعدش،  كان بنا حب كانت حلوة الأشواق، كان بنا أغلى ذكريات،  بس بعد الفراق مبقاش غير الرسميات،  وكل واحد نازل كدب،  وبيثبت ويقول ماشتقتش ونلهي نفسنا في حياتنا وشغلنا، وكأن اللي فات ولا يخصنا، وكأنه فات والواحد محبش اللي بنا ده عمر بحاله، و حسيت إني مكبرتش، غير لما بعدنا ولما قولنا نسينا،  طلع الحزن زي ما قالوا، استفرد بينا وفضلنا نقول وماله، ولما مع نفسنا قعدنا،  علينا لامت ليه مصبرتش

بيحب الغموض، وكل طريق لمشاعره كده مسدود، بيحب الغموض، حاطت على قلبه نضارة شمس، متشوفش منها هو بيبص ومبسوط، ولا قلقان و مخضوض  وبعدين معاه دوخني وراه و لففني، السبع لفات، وبعدين يا ناس بحبه وخلاص عاجبني، فيه كل الصفات،  بيحب التنكر، يبقى الموضوع عاجبه بس بينكر، بيحب التنكر،  وكل يوم عايش بشخصية شكل،  هو بس محكم العقل مش اكتر، خايف يحبني اكتر 

مكنتش اتمنى  الحكاية اللي مابينا  تموت بالشكل ده والعمر يفوت، وانت مبقتش موجود  معايا لحد النهاردة، باردة  علاقتنا والدنيا مباعده، وكل واحد مبسوط،  أسف كلامي صريح بس مش تجريح  هو محدش حاول ليه صحيح، يخلي الخيط مربوط و على العموم  طول ما الشمس بتطلع كل يوم، شكراً على أوقاتنا اللي كانت سوا،  وضحكتنا اللي من غير هموم  شكراً على حياتنا اللي عدت هوا،  وسكتنا اللي مشيناها كل يوم سنه سنه  النهاية قدام عيننا بتحصل  لا أنا سألت ولا انت بتسأل، والسلام بنا بيتقل، لو اتفتحت سيرتنا قدامنا  بقينا بنكمل عادي كلامنا، مبقناش حتى نمثل،  كام مرة سمعنا  فيها اخبارنا  والناس شافونا ولا اتأثرنا، أهو كلام واتوصل

خلينا ناخد شويا بريك، الله يخليك  حبة هدنة مقولتش ابدا نقطع، خلينا نهدي شويا الأمور،  الله يخليك  بدل ما احنا في بعضنا بنقطع، الحكاية عماله كده بتسوء، والحب بينطفي بالتدريج  ظنونك فيا هي اللي بتسوق، عمال يختفي بنا الشوق، بلاش تشوفه تهريج خلينا للعقل مرة نسمع كلامي ليك مش معناه، خلاص اننا كده بنسيب، ولا بدور على طوق نجاة،  مكاني هنا جنبك والله،  لسه متمسك بالنصيب  لسه مستني اننا نرجع

انا هسيبها كده والعة، فايتها مالطة بناسها الأونطة، خليها تخرب انا مش هكدب، دول كانوا غلطة،  اديني أهو بصححها، والناس كلها سامعة، هخلص منكم خالص، يلا بناقص، ده الدم في عروقي غلي، اللي بنا مقاطعة هخلص منكم خالص، يلا بناقص، هتشوفوا لايف محمد علي،  في مذبحة القلعة  ناس داخلة وناس طالعة، عامليني محطة لفيني بشنطة،  وعايزيني أشكر على حبة سكر، جوة كيس شطة،  أظن كفاية كده، كتر حساب ومراجعة، 

أهو جه بالسلامة يا ماما،  ملك الدراما الدراما،  ده الراسي والعاقل،  يا سلام طيب وجميل مش كلام كده يعني سد خانة ولو سألته حاببني، مش بيجاوبني،  مش بيحب يعمل مشاكل بيسكت والسكوت طبعاً علامة أهو جه بالسلامة يا ماما،  ملك الدراما الدراما،  وفي راسي عامل،  اخرام وسايبني في البيت بالأيام  رابط على عيني غمامة ولو رجع يتحسد، يادوب شويا نكد  ويقعدني زي عبلة كامل  من بعد ما كنت زي اليمامة  أهو جه بالسلامة يا ماما، ملك الدراما الدراما،  جاي يثير قلاقل، الدنيا يرمي السلام كده وثانية واحدة وتشتغل الاسطوانة مش سامعك نايم، وفين الأكل يا هانم وهو من فرحتي واكل ٣ طقات وشبعان ياما 

سلفني شويا برود، من كل اللي عندك  علمني حبة ردود،  تشل كده زيك  يبقى وانت موجود،  استفدت حاجة منك علشان مش هتوحشني هتوحشني، وخلاص هتطير بتكة مني بالكتير،  غيب وغيابك عليه مش مأسوف  انت مش هتوحشني هتوحشني،  وانا كده هروح لسكة ترد الروح، مفيهاش جروح ودموع ولا خوف بس قبل ما نسلم، عندي استفسار  بتحب إزاي يا معلم، جروب بنات كتار ادينا يعني بنتكلم، سليني ف المشوار 

يا حبيبي بحبك وانت بتعذبني،  أنده على اسمك ولا تجاوبني،  وعلى قد مسافة بعدك، تلاقيني تملي في ضهرك انا عايزك بس تكون معايا،  نص ما انا معاك بكون،  مش عايزك تحبني اكتر، ولا تحبني بجنون، كل اللي نفسي فيه يكون،  ان احنا مع بعض نكون،  يا حبيبي مش كتير والله عليا،  ان احس معاك بشويا حنية،  مش عايزك تقولي بحبك، كفاية عليا احسها بقربك  يا حبيبي مش عايز منك هدية، يكفيني انك تحس باللي بيا،  ولو صعب تحسني بقلبك، خليني في بالك وعقلك

انت عمال فيا تقطم، وأنا تعبان منك و محطم، مشاكلك بقت كتيرة وليه أخبي، همومك بقت تقيلة على قلبي، بقت ولا جبال المقطم، طلبات طلبات  ولا كأنك بتعمل اوردر  وكلامك ساعات  ولا كأنك مدير بيأمر لو تفتكر زمان أوقات  هقولك حاجات  أقلها تبقى ده الله يرحم  بالبعاد البعاد بتهددني والمفروض اتخض واتحمل العناد وتلجمني وابص ف الأرض  مفيش بنا حاجة تتعاد ولكل جواد كبوة افهم قبل ما تبرطم

في الأحلام، بس بلقى مكاني، بنام ولا بصحى،  أنا تمام طول ماهي شغاله الأحلام، ده أنا طول اليوم في الأوضة،  على عيني نضارة كبيرة سودة، بخليها زي شاشة السينما، بشوفني كده فيها لما ولما، بحقق ذاتي لما بفرح في حياتي، لما بلاقي إجاباتي  على أسئلة الأيام  لما الردود تبقى موجوده،  لما الإهتمام ميبقاش موضة، وأي كلام  ده أنا طول اليوم في الأوضة،  على عيني نضارة كبيرة سودة بخليها تبقى كده زي الشاش، تعميني عن الوش الأبلكاش، والناس الكدابه وكل كلام الغلابة، عن ساعة الإستجابة  بعد تعظيم السلام  تفضل عمياني لحد العوده،  وأرجع أوام ادخل الأوضة، و أنام 

طول عمرنا وإحنا عارفين، القمر واحد منه مفيش اتنين،  انت بقى جيت منين، معقول بقى نلقى السما، بتمطر حلوين على العاشقين، بشوف ستة على ستة،  ومش عارف معمول من ايه، ما تيجي تقولي انت،  يشد العين في أي حته، و يخطف القلب ويجري عليه، دول كانوا بس يومين، قولت فيهم ده مفيش غاليين، انت بقى جيت منين، على طول كده خلتني انا،  وقلبي راجعين نغني و دايبين،

مع إنك بياع، وعلى أيدك قلبي ضاع، لسه في أي قعدة وأي اجتماع، محدش قدامي يقدر يغلط فيك، ليك احترامي واسألهم ما انت عارفهم،  بالاسامي هيجاوبوا بالإجماع كلنا فينا عيوب، وابدا مش مطلوب، نعيب في حبيبنا،  أول ما يبقى مش محبوب، بعتب عليك ايوة، وانت عارف النية،  اللي ليك جوة في القلوب،  مع إنك قسيت، عليا وعلى قلبي جيت،  عمر تفاصيلنا ابدا عنها حكيت، لسه سايب جوايا ذكرى حلوة ليك، ومخلي الحبايب تجيب اللوم ع النصيب، الخايب وبقول ياريت

ده انا حبيتها  رقم واحد وخليتها، مش التاني  واهم حد في حياتي، وهي مش شايفاني، ومخلياني احتياطي، ياما سنين بسعدها، ومعاها مشوفتش وحياتي،  منها غير ثواني من انبساطي مش تردد لا دي تقصد، هي خايفه تقول وتحدد،  كده موقفها لأحسن، تخسر اللي معايا بتعيشه  ولو ظروفها تتحسن، قلبها أوام ينفش ريشه وتنساني كده اصلا، ومين من الدنيا متأكد  ده أنا حبيتها  اكتر واحد ومكانتها، محدش وصلها بالدنيا وما فيها يا جماعة، بس قيمتي عندها، متعلق في شماعة،  ياما سنين بساعدها، و أوامرها سمعا وطاعة، ادتني من وقتها كام ساعة

مش راجع مش راجع، اقبل بقى بالأمر الواقع، بطل حواراتك  وفر عياطك وفكر في حياتك  وحياتك وإنت بتشرب الساقع، مش راجع والله تاني مش راجع، اعملهالك نشيد، كل يوم الصبح، تعيد فيه وتزيد، يمكن يفيد،  وتفهم بالتحديد انا من غيرك سعيد،  مليش في المواجع  مش راجع والله ليك فيه موانع،  فتح مخك، ده حب زمان، ومش عايز اخضك، مبقاش يخصك،  وبقولها في وشك لو أطول اطخك، هعملها واديك سامع

مفهوم السعادة عندي هو اسمك، بدل ما أقول مبسوط، بقوله هو بعلو الصوت وبلخص  كل يوم زيادة  بعيشه وانا معاك، بتخلص من الضغوط، وفي دور نجم هوليوود بتقمص صدق اللي قال، الحال عال العال،  مع ابن الحلال، وانت الحلال كله، حدق وفهمان، اللي كان ولهان،  بيك وعشقان، ومن زمان ماله،  شبعان حسد  علشان انت معايا، علشان اختارتني انا، ومخلي فرحتي للسما واصله  يناديني يا اسد وساعات يا استاذ، قدام الناس واحنا سوا،  وصلني قلبه لطعم الهنا بالبوصلة 

يفضل يضغط يضغط، لحد ما اتنرفز واغلط، هوبا يرجع يعيط،  ويقول مبقتش مستحملني، مبقتش خلاص حاببني، قول لنفسك واعذرني، دي الدنيا نازله تخبط، تخلي الواحد يتلغبط،  لو بتحبني والنبي والنبي، في مقارنات  تانية مع غيري متحطنيش، عندي مميزات  شوفها بعينيك متقولش مفيش،  وبلاش اتهامات ده انا قلبي عليك مش غبي، يفضل يطلب يطلب، لازم هو اللي يكسب، و يشوفني منه بهرب، ويقول مبقتش مهتم، مبقتش خلاص الأهم،  حفظت الكلام صم، هقولك حاجة طيب،  تعالى مكاني وجرب، 

انا على أخري ربك بقى يستر، أبعد من وشي، و عني الساعة دي، لا هتنفع معلشي، ولا تجيب لي افطر،  واكل ومتعشي، من كدبك بلاش تكتر، تضغط وتحشي، هقل عقلي المرادي،  أنا على اخري ربك بقى يستر، قطر عايز يجري متلصم ببلاستر هاخد اللي في وشي، ومش هخلي  كتمت كتير جوة قلبي  مبقاش فاضل فيه ملي أنا على اخري مش قادر اسيطر،  ايوة بولع كده، و ببان عادي، بدعيلك أنا، متجيش فيك مش اكتر،  وتاخد قنبلة، أو حاجة تاني اخطر،  وادعيلي بقى، ربك هو الهادي، أنا على أخري ربك بقى يستر، قطر عايز يجري متلصم ببلاستر