غنيوة صدق اللي قال

مفهوم السعادة
عندي هو اسمك، بدل ما أقول مبسوط،
بقوله هو بعلو الصوت وبلخص 
كل يوم زيادة 
بعيشه وانا معاك، بتخلص من الضغوط،
وفي دور نجم هوليوود بتقمص

صدق اللي قال، الحال عال العال، 
مع ابن الحلال، وانت الحلال كله،
حدق وفهمان، اللي كان ولهان، 
بيك وعشقان، ومن زمان ماله، 

شبعان حسد 
علشان انت معايا، علشان اختارتني انا،
ومخلي فرحتي للسما واصله 
يناديني يا اسد
وساعات يا استاذ، قدام الناس واحنا سوا، 
وصلني قلبه لطعم الهنا بالبوصلة