غنوة ده ياما قالي

قالي ده ياما قالي 
ها قوليلي كلتي 
ولا نسيتي برضه كده زي عوايدك، 
ويبعتلي وصلتي 
أصل ممكن أعدي انا هنا قريب جنبك، 
انتي روحتي ولا اتأخرتي 
ما أنا عارفك بالك طويل

ياااه ياقلبي ياه على دي أيام أيام،
النهاردة يدخل من الباب ميرميش حتى السلام، 
لو قال حبيبتي 
في مرة بعتبره عيد وبشوفه لسه جميل،
يقصدها تريقتي 
لما متعجبوش طريقتي يقولي يا حبيبتي،
انتي ملكيش مثيل

نتكلم بالساعات تملي 
يسمع حكايتي 
مرة واتنين باهتمام شديد بالتفاصيل، 
ويبعتلي نمتي 
طب إزاي والقمر طالع أهو بلاش تمثيل،
جيبتي في سيرتي واتكلمتي 
عليا كام مرة مع صحابك بليل

ياااه ياقلبي ياه ده أحلى وقت كان،
النهاردة خلص رصيده من كلام أيام زمان،
دلوقتي مرارتي 
منه حاولت اغيرها ملقتش ليها بديل،
ليه اتصلتي 
ده مش وقتي يارب تكوني طبختي، 
ولا طبقتي الغسيل