أغنية مقصودة

فيه حاجات لما تروح منك،
بتقولها والله بعوده، 
وحاجات تانية بعيد عنك، 
بتتعذب وهي موجودة، تلقى الدنيا سودة،
ولما تسيبك تشم نفسك، تحسه عيدك وفرحك،
أيوة على فكرة مقصودة،

الكلام ليك انت وعليك، 
بقوله قصد يمكن تفهمني مرة
مش تلقيح ولا تجريح،
في حد دي حقيقتك المره

فيه حاجات بتعيش ناسيها، 
مع إنها فعلاً غالية،
وحاجات تانية روحك فيها، 
بتفتكرها انها باقية، بتوديك في داهية، 
ولما راسك يرجع ليها، عقلك يلومك عليها،
أيوة يحطلها الناهية،