أغنية حظ أوفر

جوايا بركان لكن أبان هادي 
حاسس من زمان إني مش عادي 
عندي هدف وراه اهداف 
مش هنام ولا هخاف 
هنجح لازم أنجح مش هستسلم المرادي

والدنيا واقفة قدامي عماله 
تضحك وتقولي النهايات يابني صادمة 
وأنا بقولها اليأس خيانة 
ترد حظ أوفر المرة القادمة 
حاول تاني يمكن تكسب معانا

وأنا بحاول مش هقف مكاني 
تتحسب فاول هرجع ألعب تاني 
عندي حلم هيبقى حقيقة 
هشتغل بجد هلقى طريقة 
هوصل يعني هوصل مهما كنتي معانداني