غنيوة أهي جاية

الفرحة اهي جايه و هفة
في زفة زفة 
والحلوة دي بالله حالفة 
تاخدنا لفة 
للسما فوق بخفة وشوق 
ونار اللهفة

طبلة و تطبيل، أحضان وتقبيل،
بدل وفساتين، والناس حلوين،
إلا واحدة، حلوتها واضحة،
نجمة النجوم 
والكاميرا بتعمل زووم 
على كل التفاصيل 
ماهو جمال على تقيل
مالوش ولا وصفة

مش فرح ده عيد، والكل سعيد،
كان حلم بعيد، والإيد ف الإيد 
أيوة النهاردة، عروسة قمره،
بالأبيض بتطل 
وضحكتها أهي بتدل 
على حياة ابتدت 
لا فلتر ولا أي ايديت 
روحها بتوزن الكفة