أغنية سفرية

كام يوم في سفرية
وأغاني بحبها رومانسية 
و واحدة جميلة وشقية 
تخطف قلب في تكه 
تشقلب حال بضحكة 
تحلى معاها القعدة لحد الفجرية 

ويبقى بنا كام ذكرى، صورة ع البحر وأكلة 
واحنا راكبين عجلة
ولا كأننا طايرين 
ولما مع بعض نتمشى، و عشر مرات نتعشى 
ومن كلامي الحلو كشه 
ونوعد بعض مكملين 

ويختفي أوام القمر، لما يجي وقت السفر 
مفيش تاني سهر 
وبالعافية نقول كلمتين 
تفضل عايشه الحاجات، وتموت ع البوابات 
نودع بعض في سكات 
و نروح في سكتين