أشعار الأراجوز

عشت سنين طيب وجميل، قلبي ابيض بوزع وبقبض،  حب وخير واسند اللي يميل  بعمل للجميع الف جميل  افتكروني بابا نويل  قطعوا من روحي هدايا، يخربيت دي حكاية مبقاش معايا ولا جوايا  حاجة اديها لحد، اتحرقوا انتوا مع بعض  وصلت معاكم للنهاية،  ومش هسيب للقصة ديل  افتكروني بابا نويل  بيشرف في أسعد المناسبات، من عام لعام فات جايب لنا ايه حلويات  ومحدش سأل عليا، ولا مسح دمع عينيا  ما أنا إنسان ليا احتياجات  خسران معايا كده ال Deal 

دي الأمورة لعبت بيا الكورة، كانت جميلة زي جول في التسعينات  وكنت نيله فعلاً ومغفل، وكنت فاكر نفسي مقفل، وجامد بفنش الهجمات، بس هي طلعت اسطورة  رقصتني سبعات، خدتني مقصات، بتلاعبني أشواط، إضافية تملي، وأنا عمال أجري، جابت أجلي، يا خسارة يا قلبي، احتياطي ف الماتشات  ودية وبطولات، وهي عليا بتعلي، دي الهانم  خدتني ع الناعم، مرجحتني ودتني وجابتني مسافات  وكنت حالم أقرب للعبيط، وكنت فاكر نفسي حويط، جامد فاتن البنات، بس هي سففتني السلالم 

أنا عايش خايف من أي مصير ما أنا عايش بقالي بقالي كتير  كان إيه حصل وقلبي لإيه وصل  بالمقارنة بالصفر مفيش فرق كبير براقب اللي بحبهم في صمت  بهتم بتفاصيلهم وعن جمالهم أفضل احكي لهم  وتملي أطمنهم وهما بيدوني اهتمامهم فرط  طموحي خيالي مالوش ليميت  بتعب اشتغل وابني جبل ولا موضوع كمل  واللي اتعمل كل الدنيا عنه كده اتعمت 

كلامي للي مش فاهم، معنى الإرتباط كلامي لكل واحد عايم، في بحر الاستعباط  لكل واحد عايز واحدة  تنزله معاها خياط  الحب حضن بحق وحقيق عمره ما كان سجن  العشق إجابة مش تحقيق وكام ألف سؤال  لو جواك واحد جامد وعميق مطلعش عقدك عمال على بطال  وتربي بنات الناس وعليهم تضيق  تروح أولى تربي شنب أو دقن  حياتي أمانة في أيديك مش هتعيش بزنزانه  فرحتي مسؤولية كده عليك مش قلة أدب  لو مش قادر تحتوينى فيك  يبقى هطلب منك بس طلب  بلاش توعدني ووعودك كلها fake وتبقى فاكر هحبك وأنا عايشه مهانه 

شقلطونا و من جنتنا خدونا وفي النار حطونا من أحلى نومه  صحونا وقلقونا  وقال بيحبونا، أمال لو كرهونا هيورونا تاني إيه  هيهرونا يابيه ويحشونا سجق  ومين يحب حد خاف  يبقى إحساسه معاه جاف  يديله حنان بس حاف  يديله على دماغه وينزل عليه دق  ومين بيعز واحد و غشه نفخ فيه أوي ونفشه، وبعديها راح مسكه وقفشه، و ساب له عذاب وجاب عليه الحق 

دول عايزين اللي يداديهم  ناخد الهم اللي فيهم،  ونديهم كل حاجة سعادة و راحة وأمان  وبالفرحة والهنا عليهم بقى نخش  مفيش عندهم سلكان بقرش  دول بجحين كده وش  عملنا قلبنا تاج وعرش  عملتوا قلبكم لينا عش  عملنالكم أغاني سمعتونا دبش  خلاص شطبنا ومن غير معلش طب واحنا واللي فينا وقتها ميعرفوش أسامينا تدينا بس ناخد ونبقى حبايب كمان عايزنا نديك طب يلا يا ديك هش

بيقولوا دي الدنيا صغيرة، هنتقابل ولو بعد حين، طب وانت فين  سنين عدت وسنين بدأت، وبروح اماكننا وبقول ياترى، هشوفك تاني ولو دقيقتين، تملي بسمع عنك كلام مختلف  اللي قال مبسوط واللي قال ولا عرف يعيش كده بعدك يومين حلوين   نفسي اسمع منك زي زمان وتفضل تحكي لي ف التفاصيل وأنا فرحان  الثانية كانت جنبك تسوى عمرين 

انا وانتي لينا ميعاد، نتقابل فيه  أحبه وتحبيه، ومن بعده تاني مفيش بعاد انا وانتي لينا نصيب، تحت السما  يربطنا سوا، وبكرة بتاع رب العباد شوفي كانت المسافة بنا بلاد، و دواير ناس متجمعناش، ونظام حياة ميسمحلناش  نبقى سوا وحضن بعض ميسعناش  واهو جالنا إمداد من غير اي اجتهاد اتقابلنا ومن بعض اتقبلنا، والدنيا حوالينا اتملت أعياد  شوفي إزاي مشاعرنا جداد، اتولدنا من السعادة، فرقونا اتجمعنا زيادة  عليهم خبينا لكن عينينا كالعادة  موقفتش ع الحياد شوفوا يا ولاد  عشقنا أوام بعض و شئنا، ولا أبينا حبنا أهو زاد 

بنت الناس شوفتها ماس  والدهب الصيني آه يا عيني  ليه قيمة عنها من الأساس  أبو ده إحساس وابو اللي عاز  وقال يحب وأكمل نص ديني  قضينا معاها وقتنا ف الشحتفه  والشحططه وهي كانت البنت الجامده المشطشطه  بتحب تعمل كل حاجة بحنتفه  واللخبطة كانت من نصيبنا ولكل ده هي مخططه بنت الأصول جنيه مبلول  أنا كنت معاه وقعت في هواها عشان مغفل وعقلي مغسول  وبقيت مشلول ومصيري مجهول  وعايش لحد دلوقتي في متاهه 

كالعادة مفيش أي جديد، حظ ع الجنط  أحب بنت تطلع طنط  اشتعل اتعب حفر ونط  والمكسب سيخ حديد  لا هو طن ولا هو لوت  سيخ بيبقى مفيد في حالة واحدة  عارفها انت بالتأكيد  كالعادة  السكر يجي عندي، يمرر عشتي وحدي  فقر أنا يا صاحبي، الدهب تراب في يدي  الشمس تشرق ع الكل، بس تحرقني بزيادة  القمر يهل ويطل، طب ليه يا ليلتي تسودي  كالعادة الدنيا اسود سادة، مابشوفش الألوان  إلا بس في وش فلان يتلون لحد ما يطلع كسبان  رصيدي صفر من السعادة  فقير فحت بشحت حنان  فرحتي ف العيادة عماله تعيط بتتخيط على ايد عداده 

لما بتحتاجني دايماً تلاقيني بعدها تبعدني تتعب تناديني  وأديني ع الحال ده بقالي كتير  وأكدب عليا وأقول بعمل خير  كام الف مرة  أنا بجيلك علشان امسح من عينك  أي دمعة  لو مكاني تفتكر ألقى قلبك جاني  بنفس السرعة بلاش ترد بلاش تفكر أي رد  منك بوجعه  عندك وقت تتصل تكلمني  تنشغل مع حد تنسى تطمني  اكمني متاح ليك كده على طول  وأكدب عليا وأقول فعلاً مشغول 

تسمحيلي لو ناويتي تيجيلي  انسيكي كل حزن ماضيكي  واملى بالفرحة كده عينيكي واغنيلك بس مش بصوتي، لأ بأحساسي وتسمعي لي ده العشق يبني يشيد، وأنا فيكي طفل بيعيد، وانا بيكي راجل وسيد، بحبك واحلف بديني  أحبك ده شيء جيد، تحبيني تخليني متسيد، مبقتش خلاص متقيد، بكتب عليكي عناويني  تسمحيلي عن غيري تفضليني  و ابنيكي بحبي و أهديكي  قلب جديد سعيد يخليكي، ليا تكوني كل بيوتي، واكون الأول عندك تخليني