غنيوة لينا ميعاد

انا وانتي لينا ميعاد، نتقابل فيه 
أحبه وتحبيه، ومن بعده تاني مفيش بعاد
انا وانتي لينا نصيب، تحت السما 
يربطنا سوا، وبكرة بتاع رب العباد

شوفي كانت المسافة بنا بلاد،
و دواير ناس متجمعناش، ونظام حياة ميسمحلناش 
نبقى سوا وحضن بعض ميسعناش 
واهو جالنا إمداد من غير اي اجتهاد
اتقابلنا ومن بعض اتقبلنا، والدنيا حوالينا اتملت أعياد 

شوفي إزاي مشاعرنا جداد،
اتولدنا من السعادة، فرقونا اتجمعنا زيادة 
عليهم خبينا لكن عينينا كالعادة 
موقفتش ع الحياد شوفوا يا ولاد 
عشقنا أوام بعض و شئنا، ولا أبينا حبنا أهو زاد