أشعار الأراجوز

عمال تزيد فيا الجروح، وتدوس أوي والجرح مفتوح، أنا معاك بطلع في الروح، لو ده الحب أنا برة عنه  مش ناقصين  أتقال إتقي شر الحليم، واتقال كمان المسامح كريم، بس أنا بقى مش كريم، هرد الوجع بأقوى منه  ونبقى خالصين جاي دلوقتي تقول الصلح خير، من دلوقتي أنا هبقى الشرير، و أخلص منك عذاب السنين  جاي عايز تنسيني اللي فات، مش جايز أنا هفكرك بحاجات، عملتها انت وضميرك مرتاحين حنان ايه اللي بيه هتعوضني، بقولك ايه ممكن كده تسيبني، يا أبو الحنان مش عايزين 

هيفرق ايه أسمي معاكي، أنا واحد عاشق ولقاكي، هيفرق ايه لو تعرفيني، دي بحور كتير بينك وبيني، رسايل عشق مكتوبة في هواكي، صاحبها غريب لكنه وياكي، متفكريش  دي رسايل ملهاش عناوين، ومتسألنيش  كل الناس ده يطلع مين، أنا العاشق وأنا الدايب، وفي هواكي حاير، كان طريقي سالك وبلقاكي، بقى داير دواير، مين انت وايه تكون، قلبك هو السائل، يا أم عود شجر العنب، شوفت معاكي العجب، حوشي يازينة، عسلك اللي سايل، أيوة أنا، الواد بتاع الرسايل، بقلبي غرام ومشاعري ليكي، خايف لعيني تيجي بعينيكي، شفايفك باب لمنحم دهب، عيونك نار ضيهم لهب، اللون عسلي والحسن أصلي، لو تسألي عن أصلي وفصلي، مفيش  علامات ليا مرة تهديكي، متلاقيش  إجابات كده تليق بيكي، في عشقك لا ليا زي ولا مثيل، وكلامي برسايلي أكبر دليل، ياللي جمالك محير جن وإنس، أنا اللي معاه مفتاح الكنز، عودك ده شاهد للجمال، حافظ تنياته كل واحدة موال، تعيش ما انت لناسك زي النيل، ميكفيش أشوفك كل صبح وكل ليل، 

أنا عمري ما زعلت على حد سابني،  ماهو لو كان حاببني مكنش سابني، يعني ميفرقش يقول سايب بكيفي، وحاجة متزعلش يقول غصب عني روحي كانت فيه، قولت هموت بعديه، وأهو سنين سايبني، واديني لسه بغني، ولا فاكر سابنى أمتى وليه  واحد قولت هيكون، النور جوة العيون،  مين غيره جرحني، والحزن معاه عرفني، بقى معايا فين مابكون 

أنا جوة العيون مسجون، و بجمالك الطبيعي مفتون، ده صوتك الحنون معجون، بنسمة ربيعي هدية للكون، وأنا لو قولت عشقت، يبقى قليل، أنا بيكي اتجننت الأرض ماشافت في جمالك النص، واتكسفت قدام عيونك الشمس، أنا بس  اللي شاف وسمع، أنا بس  لما قلبه أتوجع، القمر هو اللي بيه كده حس انتي زي كتاب وتاب، الكلام جواه عن العتاب، انتي زي كتاب واتساب، محدش قراه من الأغراب، انتي زي لغز معتز، بغموضه واسراره، بس عليا ماتعز 

أسمع مني الكلمتين دول، حطهم حلقة في ودنك، مش هرجعلك ولو السنين هتطول، وانت عارف كده اظنك مش عايز ابقى ليك، مش عايز أشوف، وشك تاني الله يرضيك  هسمحلك ترجع في حالة واحدة، تسمحلي بمعروف، زي ما اذتني أنا أذيك ولو أنا ندمت بجد، أشمت فيا وكمل وأمشي، اعتبرني بقيت زي أي حد، عرفته وخسرته كده معلشي  ربنا يكتبلك كل خير، بس برضه بعيد عني، مش عايز أسمع تبرير، مش عايز اصلاً تقول تعرفني 

مع قلبها مات الخوف، وفي حبها مفيش كسوف،  دي حلوة أوي زي البسبوسة من الطروف بندم على كل يوم عشته قبلها الحلوة دي أيوة حبيبتي، وأغلى من الماس أيوة للدرجادي، هي الأساس والباقي كده عادي، يا بركة دعا أمي وستي  الحلوة دي أيوة انتي، مش مصدق ياناس إنك ليا، هشيلك خلاص جوة عينيا، وهعاملك تملي زي بنتي في عينها جمال الدنيا، الخير ماليها حبيبتي الغالية، دي عماله تزيد في الغلاوة مع كل ثانية بتعدي عليا معاها في حبها أنا عندي كلام كتير لسه، طب رودي قولي إنك حسه، بكل اللي جوايا يا منايا حبنا أجمل فرصة مش هتيجي لنا مرة تانية

معرفناش نكون اتنين احباب،  قولنا بلاش نبقى أغراب، الفراق صعب، واحساس رعب، قولنا يارب، نفضل أصحاب، وبعد اتفاقنا كله غاب كانت روحنا في بعض، ولفين روحنا من بعض، سنين بندور على روحنا، وبعد ماروحنا مفيش رد كله انشغل بناس جداد، وبقينا نتكلم كده بميعاد، نكتب سطر، ونسيب سطر، بينا متر، لكن بعاد، والكلام نفسه هو هو بيتعاد ف الشدة يقولي سلام، ف الوحدة أسيبه وأنام، لا الحب نفع، ولا القرب شفع، والتمن ادفع، وندمنا أوام، اتفاق ف الهوا وأي كلام