أشعار الأراجوز

متفهمش ليه الناس بتكدب، على بعض نازلين تمثيل، وأساتذة لما نحب نقلب، و بشكل مالوش مثيل، تسأله يرد بحبك، تلقاه مهتم بالتفاصيل، تفتكره هيفضل جنبك، تعتبره بجد حد أصيل وكل دة وهم ومحدش بجد مهتم  في وشك حبايب وفي ضهرك يحارب  فيك لحد ما تموت  متعرفش الشهم من اللي غدره سهم  يغرز كدة فيك لحد ما يخلص عليك  وهو يمشي مبسوط الحضن دة فيه سم، نجرج وبعدين ندقق  ودي بقت حاجة تغم، و مين عنده مبدأ متعرفش على مين العيب، اللي كدب ولا اللي صدق  والله يا ناس كدة عيب، نقول بني ادمين و نصدق  

دة الحب حرية، توصل بيه للسحاب، يفتح لك كل الأبواب  كدة يادوب بالنية، والعشق لو مش غية، قولي عايش ليه، يا أبو الصحاب. الحب حرية عايش حبيبي ليا، الدنيا ترقص على دقاته، عيوني تنسى اللي فاتوا والدنيا هنية الحب حرية عايش حبي لوحديا، الوحدة تتونس بيه ليلاتي، أحلامي الضايعة جوة حياتي بلقاها في ايديا دة الحب حرية، و برغم الارتباك، قلبك يفض الأشتباك  وكأنك لقيت لقيه  والعشق لو مش غية، هتفضل باصص عليه، من الشباك 

بنت الناس الطيبين،  طريق مزروع ع الناحيتين، ع الشمال فل و ياسمين، ع اليمين الخير كتير،  و الطريق مفروش حرير،  سكته مودة اخرته جنتين، بنت الناس الطيبين  دي اللي ايديها متحنيين،  لفارس الأحلام الرزين، هو مين متعرفش كتير،  بس اللي جاي خير،  هي راضية وأهلها متأكدين،  بنت الناس الطيبين  بنت بلسم طبيب، تشم ريحة الطيب  وانت من بيتها قريب، تعدل الموازين  ترجع تاني ضحكتك، ضحكة عمرها ماعرفتك  اليوم جنبها بعمرين  بنت مقاسمة الفرحة، صاحبتها معاها سارحة  وهي ساكتة مرحة، والكلام بالعين  خد منها حبة، تكفيك العمر محبة  تشرق الشمس مرتين  الشعر نصه طرحة، والعيون تملي مصارحة عايشة عمرها مسامحة، بتعلم التانيين متعرفش كتاب الحساب، تعرف سير الأحباب  في قلبها محفوظين بنت ب ١٠٠ جدع، كلمتها تداوي الوجع، طبطبة من ست الودع، ع الشاب الحزين  من بختك و قسمتك، وريني يا ولدي بسمتك  معروفة الزينة لزين بنت قلبها مساحة، بشجر الطيبة طراح، تقطف أمان وسماحة، و تشبع سنين  تسمع تملي كلمتك، ماتردها و لو خلفتك  تخلي الع...

عايش حياته عادي، ونومه بليل هادي  شكله ف المرايا راضي، بيغني لوردة و صباح  يومه ماشي بالمسطرة، وكله تحت السيطرة شكله نسي اللي جرى، شكله ضميره مرتاح اللي شقلب حالي لحال، من غنوة فرايحي لموال، و خلص المهمة بنجاح  وبسهولة كدة مشي و راح،  عادي ولا ع البال، طبيعي ما ضميره مرتاح عايش حياتي بشك، و في صوابعي بشك  وهو كدة نازل ضحك، ببرود طبيب جراح  هو اللي دمرني، بجرحه النوم مخاصمني  و أنا كل اللي مجنني، إنه ضميره مرتاح 

دي جميلة جمال سحر الشرق  وبعيدة بعد السما من الأرض  تخطف قلبك بسرعة زي البرق  في حضورها يحلى كدة العرض طيبتها هي أحلى ميزة، روحها جميلة و لذيذة متزهقش منها ولو بعد سنين  ضحكتها شمس كل يوم، برائتها زيادة عن اللزوم  بعشق عينيها دي أحلى عينين  ملهاش في النفسنة، ولا شغل البنات و الأسفنة أعرفها من كام سنة، تغلط تتأسف في ثانيتين هتلاقي فين قطة مغمضة مفيش منها هي واحدة وبس  ع الأخلاق متربية و متعودة بتعلم قلبي أنا إزاي يحس  تقولها كلمتين حلوين تكسف  وشها من الكسوف أوام يحمر الحب منها و بيها هي يتوصف  دة قلبي عشقها كدة بالأمر 

اللي باقي لي من حياتي، احساس بالشك يوماتي، شك في كل حاجة، شك في الضحك  و في يوم عدى عادي، و يوم تاني  كله عك، و شك إني ع المحك  ازود في جلد ذاتي  شك في إني راضي، و في وفاء صحابي  و يزيد ليلاتي لنفسي عتابي  ناصب محكمة و عامل قاضي  شك في إني انسان جد او إني بهلوان ف سيرك  شك إني مع نوح راكب ف الفلك،  ولا بقى  بيني و بين الضياع لينك  شك في اللي شوفته، و دة مكنش شويا  ما أنا عينيا تبص حواليا  تلقى واحد خسرتني معرفته  شك في إني فيا عيب و إن طيبتي دي فشنك   شك بالنفوس زي الأسد فاتح الفك  مع انها شيلتها بدل الفلوس بالبنك 

بتهزر  بقى هما دول، اللي عليك و على جمالك  كل واحد بيقول كلمة و ينظر لا مش معقول، و متشغلش انت بالك  كل واحدة جميلة في حاجة و انت جميل في كل حاجة وانا لا بعمل لقطة ولا منظر مين عنده اللي عندك، مين طبعه حلو زيك أنت  دي من غيرتهم منك، حطوك كدة في راسهم  كمل عادي زي ما انت، و كفاية انا ازاي شايفك  مين روحه بتهون عليا، و من روحه انت خطفته  انا جنبك مالك الدنيا، و حبي ليك اللي كسفهم  دلعك دة لحن و عزفته، أدبك عايزله ١٠٠ أغنية 

حبيتك... عشقتك... ادمنتك  لم يكن في حبي لكي أي علة  شكيتي... اشتكيتي... شقيتي  الارض بحثا عن مبرر كلا و ألف كلا لن تجدي اسبابا في أي ملة سوف انتظر اعترافك  أليس الاعتراف سيد الادلة حبيتك... عشقتك... ادمنتك  و انتي جعلتي من شوقي لكي  مشنقة... مطرقة... محرقة مشنقة لأشواقي عقابا ذكي  مطرقة من نحاس نقي  محرقة يحترق فيها قلبي الشقى  كل هذا من أجل قولي  أني أحببت فقط نصف امرأة نعم سيدتي أحببت  فيكي النصف  و تركت الأخر لمن  يجيدون العزف  على أوتار أنوثتك المتكونه من كل صنف  نعم انا رجل لا يجيد العزف  ولا ينصح بالعنف و لا ينتظر بالصف  حتى يحصل على وجبته من العشاء ساخنة لقد أكتفيت بالنصف تريدي أن أصبح  يوماً ما مثلهم و لكن أبقى كما أنا كيف! تعلم منهم  تريدين من؟ أنا أم هم  أنا لا أعزف لحنهم أنا بعيد كل البعد عنهم  لن أتعلم علمهم و لن أمشي في دربهم  و لن أستخدم نفس الأناشيد لتحية كل الأعلام  لا استمتع مثلك بقربهم أعشق فيكي صوتك  و لكن أكره كلامه  استمتع بنبضات قلبك  لك...

قلبي دة اللي بيهواك  كان قبلك فعلأ ميت  الأحباط تملي عنده مبيت  حاضن روحي زي الملاك  قام قالي القطر فاتك  بس و حياة اللي جمعنا ما عرفت للمغنى معنى  الا لما دخلت حياتك هديني كلي  من فوقي لتحتي، و ابنيني بعنيكي من جديد حبيني كلي  و لو مرة لمحتي، عيني خايفة مدي لي أيد زلزليني و طلي  عليا لو سمحتي، سنيني بيكي يوم عيد دة أنا عمري ولا يسوى  قبلك حاجة مهما طال  قلبي بيك طلع شغال  طلع بيعرف فعلاً يهوى 

  دة قلبي دة اللي قدامك  زي مدينة تحت الأسر، لا زاد فيها ولا ماية،  الحر فيها تهمة و قضية  وشوش كلها مني بتتلفت جوة مني  حكاية قلبي و الكلام عني مش بحرية  دي حكاياته فتات و كسر، تحزن لو عنها اتحكالك  أنا مخبي أيوة أنا مداري  دي عيوني الحزن ساكنها، زي المزاد وهو كل تجاره  ليه القوة عيوني داره  تلمحها تخبي عيونك و يتخطف منها لونك  الحزن معبي و معاه حبيبه الهم جاره  قفلت بيبان الحب دكاكنها  منين أشتري دوا يداوي  مش بيحبني الحب أكمني معاند  عايزني مهاود و ارضى بحب عادي  وانا عايز حب يبقى قوي و جامد  و مش هعاود و هفضل للحب معادي  يسلم بشروطي يلاقيني راضي 

من عينيكي تبدأ الحكاية، و قلبك دة هو منتهايا في العشق الناس تعيش و انا انتهيت  دة ليكي عمري اللي جاي، قبلك أنا كنت ازاي  أنا خلاص ميهمنيش ما أنا حبيت تسمحي أعيش ليكي  تمسحي بأيديكي ماضيا و تقلبي حياتي هنا، و تقبلي نكون أحباب  حبيني كيف الملك  كوني لي كالفلك حواليا و دعي عقارب الزمن، مفيش تاني غياب بسمتك هي كل الموضوع، بتشفي كل الموجوع  بتحكي حكايات عن قلب زي الماس  بذمتك فيه حد زيك، يفرح قلبي من ضللك  و من حبك تحبني قلوب كل الناس 

هجيت من قلوب الأحباب اللي ياما حبيتهم  غصب عني قفلت الباب و اكتفيت من محبتهم  احتاجوني فالقوني  طلبتهم ما لقيتهم  وإكمني مشيت من غير محاولة عتاب  وبالسلام ليهم وعليهم أنا اكتفيت  من غير ما أقول أسباب  عابوا عليا تملي في حكايتهم  أنا خلاص، مليش في الناس، ولا دقيقة واحدة تحرم عليا عشرتهم  من الأساس، تعبت منكوا يا ناس، أرحم ليا الوحدة ولا أبقى في حياتهم شكيت في قلبي ومشاعره علشان خاطرهم  وهما لا حسوا ولا شعروا ولا كلفوا خاطرهم  يحسوا باللي نفسه  ميطلعش ظالمهم  ولكني لقيت  اللي اديتله تملي حنية يحط عينيه في عينيا ويقولي نسيت  ولو جربت مرة القسية  بالحبر يكتبوها بالتاريخ في دفاترهم 

الماضي مهما كان حلو دة بقى خلاص ماضي  هيفيدنا بأيه نحكي عنه و نحكم عليه يا قاضي  لو فكرنا في النهاردة هيحلو و بكرة يجي راضي  هيحيب اللي سمعنا عنه و حلمنا بيه في الماضي اخرج برة سجنك، انسى اللي فات و سجنك  اركب قطر حياتك  خلاص اللي حصل حصل  محطات كتير فاتوك، يلا بقي وحياة أبوك  عوض كل اللي فاتك  شوف كام واحد قبلك وصل بكرة دة فاتح حضنه إلحق قبل ما يبقى ذكرى  و الناس اللي في ماضيك كملوا بعديك على فكرة لو جه بكرة بحزنه متخافش في بعده بكرة  جمد قلبك اللي فيك انوي خير و إوعى تكره 

بيفتكرني وقت ما يكون عايزني  و ينساني عادي بعديها من تاني  و يسألني مالك متغير كدة ليه! فاكرني إني أنا برضه الأناني سيبت حاجات كتير علشانك، و عشت معاك كل أحلامك  صدقتها و بجد اعتبرتها نفس احلامي  و كرهت يا حبيبي كل ايامك، حفظت كدبك في كلامك  كنت وهم شوفت الظلم قدامي بيقولي أحلى كلام و يدلعني  بيحبك يا قلبي بس بالكيف  و يقولي أنت بتبعد أوي ليه؟ أقولك عشان مبقتش ضعيف 

قولت جايلك كله بوقته  بس مبتجيش  سألت عنك ليه متأخر و عليا مبتعديش  معقول توهت في عنواني، على طول خليك هتلقاني  يا حب اخر الصف امشي بس على الوصف  معذور عمرك ما زورته  دة أسهل منه مفيش هتلاقيني تملي ساكت، و أنا اللي لوحده قاعد، ع الكورنيش  هتعرفني من الملامح، ما أنا اللي راضي و مسامح، و عايز أعيش  دور عليا بمحبة، و أتعب عشاني حبة،  و منك متحرمنيش كل الحبايب متواعدين، وعدك ليا هو فين، فيه ولا مفيش بدخل السينما بطولي، واحد في سني و طولي، و ماتعبرنيش سيبت اللي ورايا، و بدور عليك يا هوايا، حاول متنسانيش

مبقاش لأي حاجة طعم  دة حتى أول يوم العيد، بقى شبه الأيام اللي بتتكرر، عايشها صحيح بس مش سعيد كبرنا و كبر معانا الهم  ياريتنا نرجع عيال من جديد، ولا نفكر ولا برضه نقرر، قرار جايز ياخدنا بعيد عايشين دايماً في قلق، من الحزن قلبنا اتفلق  مش ممكن أبدا دي الحياة اللي ليها كبرنا دة قلبنا ياما غنى، باللي زمان بيه اتمنى  مشوفناش في الأيام حلم واحد بيه حلمنا طب ليه بتجري يا عمر و بتتحسب بالساعات و الدقايق، طيبين والله على دة مر و الجرح علينا ابدا مش لايق  ايوة كل البيض و السمر كله كبر و عرفنا الحقايق، اللون عمره ما عرف يسر  ابدا صاحب القلب المضايق 

و استنينا سنين كتيرة عشان نوصل للحظة ديا  و اسمحي لي يا أميرة أغني لك أحلى أغنية الليلة هننسى العالم و الله وحده اللي عالم  قلبنا قد ايه مسالم، و مستني يوم يفرح فيه  و أهو جالنا يا روحي  كل ما أبص و أفكر روحي  لبيتنا معايا هتروحي، قلبي بيرقص بعزم ما فيه  النهاردة هتباتي في بيتي و العسل مش بس شهر  اطمني دة انتي حبيتي راجل و سند ليكي و ضهر  بمزاجنا هنعيش حياتنا نقضيها خروجات و سهر  خلاص انتهت حيرتنا لما الحب جوانا بان و ظهر  دة يومنا إحنا بس  ممنوع التصوير و اللمس  أو حد غيري بيكي يحس، و أنا بس اللي تفكري فيه  ع الحب هصحيكي و أمسيكي  لقيت نفسي فيكي و بيكي  دي كل الاغاني ولا تكفيكي، ولا توصف اللي حاسس بيه 

الظاهر غلطت من الأول، الظاهر كان عكس الحقيقة،  و عليا كنت بتضحك  و انت مش عايز تكمل، بتقول عايش في ضيقه، والله هم يضحك انت نمرود عديت كل الحدود، من جنتي مطرود،  لا يمكن تاني تعود انت نمرود و طريقنا مسدود، بايعك و عليك عروض، روح اللهي ما تعود مش بمزاجك أنا هفضل، مش بكيفك تروح و ترجع، خلاص الفراق حضر لا حزن ولا فرح بيطول، و لو ع الشوق ليك أولع، ياريته الحب طمر 

لو عايز تعرفني  حبيبي صدقني، أسمع مني الكلام عني  محدش يعرفني  من جوايا بجد هتسمع كلام و كلام و كلام  حاجات حقيقية و حاجات أوهام  هتسمع بنفسك ألف رد عن نفس الموضوع و الحكاية كل واحد هيقول رواية هتصدق ازاي كل حد فيه كتير مني يطمنوك و كتير هيقول دة زي الشوك و حد يقول دة زي الورد حتى الناس اللي بيحبوك هتسيب نفسك ليهم هيحيروك و الكلام يبني ألف سد واحد حبيته يشكر فيا و العكس هيقول فيا و فيا على حسب مع أو ضد جرب مرة تسمع ليا زود ثقتك فيا شويا لو عايز يبقى بنا ود 

معرفتش قيمتك إلا بعد غيبتك  مجربتش الندم إلا بعد ما سيبتك  أنت الوحيد اللي طلع كسبان  و بجد أنا فرحان ليك  انا اللي خسرتك كنت أحلى حكاية بحكيها، كنت فرحة بنام و أصحى عليها كنت ضحكتي اللي بيحسدوني عليها كنت و كنت و أنا مهما قولت جيت أنا ياما عليك، طفيت بأيدي النور اللي فيك، مهما قولت والله ولا يكفيك كنت أحسن واحد بس أنا ما استهلت كنت بقولك أصعب كلام، كنت ازعلك و عادي اروح أنام كنت أناني عيشت معايا أوهام كنت اتمنى بيا ما قبلت شوفت بعدي عشت ازاي، شوفت بعدك حياتي و اللي جاي حمدت ربنا إنك نساي روحت و لسه بقول حبيبي لدلوقت 

يا حبيبي أنا أعتبرني  فارس احلامك و أكتر تؤام روحك و المقدر حبني بقى أكتر، ما انت كدة حاببني دة البحر رايق و موجه سايق على الصيادين حنيته  مكسوف من مشيته  دي من بصته يزيد الرزق للخلايق  هواه هوا السواحل، و أكتر من العشق بمراحل  بهواه أنا بسابق ريح البحر و سرعته يا حبيبي أنا الجني و كل أحلامك أوامر أسرح بخيالك العامر انت الناهي و الآمر، دايماً في كل أمري  يا قلبي أنا كأني  أخر حرف بأسمك  أحلى لون ف رسمك  و أنا اللي راسمك، صورة كدة بتغني  و آه عشقه قاسمني  واحد بالفرح مقاسمك  و التاني زعلان مخاصمك  و أول ما يسمع حسك، يصالحك و يخاصمني 

 حاسس إنك متغير شويا و بقالك مدة ع الحال دة عيونك شاردة ردودك باردة مش قادر تجيب عينك في عينيا لامس فيك عند و قسية  و حاجات جددت مش قادر احدد هو دة تردد ولا عايز تجدد  اللي عارفه دي حاجة مش عادية  و دة حب جديد عايش معاه و انا بالتحديد أخر من يعلم  ولا ايه الحكاية الشك لبعيد خدني وراه صاحبي الوحيد  معايا بيتكلم  و أنا بالتأكيد عايش معاناه و ايه الأكيد الله أعلم  شكل النهاية  و هتفضل ساكت و الله عيب رد وحياتك  دة أنا بموت  و انت ولا هنا   دماغي كانت بتودي و تجيب أيام فاتت و انت مش مظبوط  جنبي و مش هنا