أشعار الأراجوز

 أغنية العمر قصير  عمر العمر قصير، وأنا ولا انت صغير، مش عايزك تتغير عايزك تحس وعلى بر انت ترسى وبس  عايزني منك أقرب، وانت مني بتتهرب، وتخليني أجرب معاك اليأس واضطر أقولك كفاية بس لو عايزها تيجي مني طب ما تقول،  ما انت محافظ على شكلك على طول، وأنا الممل وحاجة تسد النفس الوقت بيعدي ومصيري معاك مجهول،  الحب بيعدي وبحالتك مالوش مفعول، لما تريحني متخافش مش هتخس وعيب تدور على الحب وأنا موجود، عجيب حالك وعجيب أكتر كل البرود، وأنا قدامك حضني ادفى من الشمس

غنيوة ما يحسد الهنا  ومنين يبتدي عمر حبك، بقاله كام سنة، ليه أعد أنا، ما بيحسد الهنا، إلا صاحبه  ولمين أهتدي غير لقلبك، أطلب منه الصلاة، اتمسك بيه نجاة، لوحده نداه، و أوام حبه أنا قلبي كراسة بيضا، فاضية تحبي تكتبي فيها ايه، روحي معاكي مبسوطة، وارتاحت لك بعد عمر ضاع، معرفش ضاع في ايه،  لو ذكرياتي تنفع تتباع، أنا بياع ميكفيش التمن  نظرة من عينيه، أنا قلبي شجرة دبلانة، قبلك بس ده كله كان ياما كان،  شافتك وانتي جيانا،  قالت لك احنا في عرضك، خدينا لأرضك و للأمان،  جه بسرعة عليا ردك، ومن فرحك كده رويتيني  خليتيني فرحان 

أغنية بس قرر  دي عيون مش عيزاني، شاردة بس قادرة وجايباني، لشط الجنون وسايباني، أعاني  أعمل من الرمل معاني، تتغنى ومش سمعاني، مركبي ليها من قش، وحبي بدون غش  ومين بس يسمع دي سده، كل الطرق بالدبش أشيلها وبقلبي أخزنها، اديلها وردة بدالها،  وبمايتها المالحة ترش تموت في قلبي الوردة،  مش محتاج أكرر، حبي مش متكرر، انت بس قرر، عينيك إزاي شايفاني دي عيون مش حباني، مهمولة ومش مشغولة بحد تاني، وليه تكون قصداني، تنساني  وقدام عينيها وحداني، بالوحدة برضه واعداني، زارع أخضر بالوادي، سامع قلبها بيعادي بفدادين من المحبة معمولة، بشارع شوق أهادي أفرشها قدام عينها، تطنشها وبسرعة تغمضها، متأخرة على ميعادي، عن أشواقك مش مسؤله،

أغنية بالظبط  بالظبط  أنا بعمل زيك كده بالظبط، بالخط لا زايد كلمة ولا ناقص حرف، دلوقت  فهمني انت من ايه اتضايقت، وبالضغط حاسس وبتطلب مني أخف، الخبط لو في قلبك يوجعك،  الشرط لو على رقبتك يرجعك، أنا بس حبيت أوريك أسمعك، صبري عليك من حبي فيك مش ضعف الغلط  لو منك عادي أبلع الزلط،  الغلط  لو مني اتحاسب عليه الضعف، معتمد  اني دايماً جنبك وليك سند، أختلط  عليك معنى الحب في الوصف، 

أغنية الكويسين  الكويسين كويسين معانا علشان، احنا كويسين معاهم مش علشان،  هما كويسين وطبعهم كله حنان، لو الحياة خد وهات واتفقتوا تمام موافقين، خدتوا كل اللي فات وقولتوا مش دافعين، قدمنا السبت ومن تحت لتحت فارقتوا بالوقت، فوقنا و يا بخت اللي فات ناس مش كويسين   الكويسين كويسين وعندهم ولاء، مش طيبين أوقات وأوقات اعداء،  بيبقوا حنينين مبيتعاملوش بغباء،

غنيوة جديد لانج تعالي جنبي هنا ونقي، عندك مشاعر والعة نار، وعيون عليكي ليل نهار، ودهب واثار ده قلبي  متخافش أنا كينج، كوتش وانت الوينج، حبي جديد لانج، والتانك بيكي مليان بالسعادة  الحزن نديله بينج، والحظ نلعبه بنج،  قلبي باور بنك، والرانك معاكي الأول كالعادة  تعالي وقربي بصي وجربي، حبي ليكي أول قطفه،  لسه بخيره مالوش وصفه،  متخطط له مش صدفة، امسكي الدفة في مركبي

أغنية مش موضوع  وقفي يا دموع ده مش موضوع، تنزلي عليه ونتكلم فيه وتقولي طب أقنعني،  أصلا شويا كده وهتحسن  محدش مات من الفراق لأ، نتعب شويا ونحس بفرق،  دي ذكريات تستاهل الحرق،  ملهاش مكان بالقلب تتخزن شكرا يا ضمير خلتني بالخير، لحد النهاية انهي الحكاية ومرودش باللي واجعني، مثلا ولوحدي كفاية أحزن

أغنية عتابي عذاب  بلاش تفتح عتاب، انا عتابي عذاب، يقفل قلبك الباب، أحسن له في عرضك متروحش عنده  انت أعز الأحباب، وفاهم كل الأسباب، يعني ضعف الحساب، تستاهله وبقولك انت مش قده خلي الصفا يجي بشكل تدريجي، هنسى بالوقت ضيقي، وانسى انك ملاك حقيقي،  زي ما حبيتك أضعاف، وقلبي عليك خاف،  اديتك مشاعر نضاف، وشويا حاجات بدون مقابل  الأعمى حس وشاف، وانت ايه شفاف، على الحساب هيضاف، ايوة ده كله لو انت قابل 

أغنية هستنى منك حسنة عارف ايه أصعب فترة، عدت كده عليا  مش وقت وداعي لأ، ولا دموع عينيا، لما محستنيش كل لحظة، وعندك فيه البديل  مكنتش هستنى منك حسنة، يعني ولا جميل  كنت لازم ابعد، أهون عليا اخلف بعد لما أوعد، ولا احس اني تقيل، ولا أطلب تحس بيا بيني وبينك متر، ولكل واحد فكر، حكايتنا كلها سطر، استنيتك نكملها ولا جيت  يمكن بقينا غرب، علشان زاد القرب، خلاك تحس برعب، ولا مني انت كده مليت بيني وبينك عمر، تقول كلام وتمر، لا حلو ولا مر، ضاع من عمرنا بس التلت فاكر قولي انت، ميزتني بحاجة امتى، ومش هترد حتى، ما دي غلطتي اني اتحملت 

غنيوة أنا كلي شوق  بتمنى تفرح بجد، وبكلامي تروق  بستنى تطرح ورد، وتسيبلي الشوك  وابقى الكل في الكل، وترتيبي فوق  أنا كلي شوق مستني شروق أو حتى وعد أنا أجيبلك الدنيا كلها، لو قولتها أو لمحتها في عينيك المكسوفين، أنا أعملك اللي متعملش، ومتقالش  ولسه متعرفش من كل العاشقين، عايز علشانك أهد، سور الخوف  جايز حنانك بعد، ما تخلص الظروف يبان أوام ويظهر، وبعيني أشوف ثقتك تطوف أعمل معروف هموت بجد

أغنية أحب أنا مين بتوصيني على قلبي وعلى روحي،  لسه برضه ناويه خلاص تمشي، طب حزني فيكي مأثرشي، مغيرشي  بتدعي لي وتقولي معلشي،  متخافشي  مش فارقه مادام كده كده هتروحي، بتقولي حب تاني بعديا، طب أحب أنا مين، دورت سنين، عديت التلاتين، شوفت العاشقين، وكل اللي عايشين، شمال ويمين، وحتى الطيبين،  ملقتش حد يملى عينيا، دول مش نافعين، لحد ما لقيتك وخبيتك جوة العين، طب وبعدين، بتقولي ربنا كاتبلك الخير، طب ما كان هو انتي، ليه استعجلتي، بس يا حبيبتي، وصاحبتي وبنتي، لوحدك قررتي، ولبعيد روحتي، ولقلبي سيبتي، جرح وشوق أصعب بكتير، من اللي ليه قدرتي، ومن جديد وحيد هعيش تجربتي، عنوانها حيرتي، 

أغنية الإكس  أنا مش بتساب أنا بسيب، قصتنا واضحة زي الشمس، خد بالأسباب قول نصيب، أنا اللي هنساك مش العكس، هتعيش عذاب لما أغيب، هفضل الحبيب مش هبقى الإكس، هتحب بعدي يمكن و وارد،  تشوفني معدي هتحن جامد،  هتتشعلق بدراعه وتزود الهمس، خليه على غيرنا الكلام ده بس، عايش جواك ومتمكن وفارد،  ما محدش قدي ولا غيري برنس، يبقى الإكس... طب والله اخص  متعلق بيا وحياتك متأجلة، صعبان عليا وحالتك مستعجلة، قدام المرايا ده ذوقي باللبس، ياما اديتك فيه ميه درس، أنا عندك زي علامة مسجلة، قلبك ليا مهما بعدي تحس،  أنا الإكس... طب بس بس 

أغنية يأنبك كل شويا  أنا ماشي خلاص بس سايب، قلبي عندك بدالي نايب،  هيفكرك بيا ويأنبك كل شويا، لما يشوفك حنين ودايب، هيكون ضمير وقت التفكير، في الحب الجديد والعاجب، هيقولك كانت فين الرومانسية، وازاي بتحس غريبة الحكاية ديا، ما أنا عشت معاك سنين، وللحظة من دي أنا اتمنيت، هيفكرك تملي بكل تضحية،  وهيفرح أوي وانت ضحية،  لما تحس بغلاوة دمع العين، هسمع منك ميه ياريت، ومهما تعمل وتقول مبسوط، هتعيش عمرك بذكرياتي مضغوط،  ومهما تنور وتضحك ضحكتين، انت بعدي اتطفيت، مش عايز غير إنك تعرف، خسرت حب غالي وتحلف،  بحياته تتمنى يرجع ثانيتين، ساعتها هتلاقيني اختفيت،

غنيوة مهما تعمل  مهما تعمل أنا هحبك أكتر، تدلع تتقل ده انت براحتك، عدي حدودك  بتجرب تغيب يمكم شوقي يكبر، والله عيب شوقي في حالتك، بيزيد بوجودك هو أنا كنت أطول، ياحبيبي، أقول  كلمة حبيبي، لأول مرة لحد زيك، كده على طول، وتبقى نصيبي  يتفتح لي باب الدخول  بسهولة معقول، ويتقالي أتفضل وبحبك، عن فرحي من النهاردة انت مسؤل  هو أنا كنت بحلم، ولا بجد، أتكلم بسرعة و رد، انت خلاص معايا، قبلك كنت مضلم، ومحدش بيود جيت ويادوب بتسلم، قلبي صمم، يسمعك كل غنايا، مستناش لسه يسأل ويستعلم

أغنية شوف احساسك  خليك عندك  الفرق عدده زاد بيني وبينك، انت حبك  على قده مش أقوى حاجة، بس حقك  بتاخده دايماً أول حاجة، أيوة عندك  على عده السنين عليه بتعينك، شوف قلبي ليك كان زي شمس،  تنور تدفي تلف حواليك تحس، وانت معفي من كل اللي عليك  شوف احساسك بيا يادوب شمعة، بسرعة تطفي لو نزلت عليها دمعة، ومن لطفي مش ببكي ليك للأسف نقص  كل رصيدي من الصبر والانتظار،  اتنسف وخلص  وياك عيدي من قبل ما يجي، ما انت قلبك  فولاذ حديدي ايوة ده حقيقي، وبتقول تعبك  مش بأيدي انت اللي بتختار،

أغنية حبيبي ولا عدوي مقاسمني في نفسي، حبيبي هو منافسي، كل ما أغني أغنية عني، ألقى صوته اللي بيغني،  ويخلى اللحن حزايني،  والأغنية توصف يأسي، انت حبيبي ولا عدوي، قولي هو فيه بنا ايه، حبك بيكسر مش بيقوي، قولي بتعمل كده ليه، بيعاتبني وهو الجاني، عايش ميت وبعاني، بيدبح بكلمة سكينة تلمة، كنت له نور كان لي ضلمة، بيتغير بين كلمة وكلمة، و المفروض أفهم المعاني،

أغنية بحبك على ايه  معرفش كنت بحبك على ايه، اتلمت الأوهام على الأحلام، مثالي وطيب ايوة تمام،  بس بارد وانت قريب،  دقيقة بتطيب وبتجرح بالأيام، لو قاصد أو لأ هتفرق بس ايه، مش كفاية ياحب عليا أشوف منك قسية، تديني كل مرة هدية وتبكيني قصادها مية، والدمع فاق الحد مش كفاية يارب عليا عوض بس الصابرين، خليه كمان الفاشلين واللي مش مفضلين، تملي عند أي حد فيك ألف ميزة ودي الحقيقة، وأنا عشقتهم كلهم،  احساسك بيا مش منهم، انت مشاعرك دي غالية، ومشاعري هي قدامك ترخص لهم،  وترجع تحي الأمل دقيقة، 

غنيوة برنس  يترقي  من العين حبيبي وجماله، الغيرانين كتروا وقالوا، أشمعنا هو كل الناس بتحبه كده بقوة يتسقي  بستان ورد ويتفرش قدامه، على الارض ويادوب ده مقامه، أول مرة أشوف حد من جوة زي برة وأنا جنبك بحس إني برنس، والدنيا كلها تحت طوعي،  ضحكتك قمر وعيونك شمس، كلامك وذوقك هو نوعي، بتحسد  ما أنا الوحيد اللي فعلاً حبني،  جابني من بعيد وبحضنه ضمني،  واللينك حصل وبس بكلام العينين وصل  أسد  وسوبر هيرو هو كده شايفني، خليهم يغيروا كمان لما تلمسني، حبيبي البطل مخلي الدنيا زي العسل

أغنية تشكر  بيشكر فيا في غيابي، ومقدر حبي واهتمامي،  بيحلف بيا قدام صحابي، وده رأي جماعي، كلهم بقولوا كده عنه، وقدامي يسكت ويصفر،  عشت وتشكر، بس مجاش في بالك تفكر،  تبين وتظهر، مرة قدامي احساسك الرائع، عشت بتنكر، تقديرك ده ليا وخلاص مقدر،  تعملها وتكرر، خسارة حبيبي بقى أمر واقع، كنت محتاج بس أشوف، إحساسك ده بعينيا، معقول كل ده خوف، واكون أخر واحد بالدنيا، يسمع كلامك ده عنه، وبوشه بيبانك تسكر، 

أغنية بعد ده كله  عشت معاكي في دنيا مش جنة، شوفت في هواكي غير ما بتمنى، وصبرت وألقاكي قلبك ولا أستنى، وجودك صعب بس فراقك كان جرح، ولسه بعد ده كله، حاسبك اختيار صح، وكان فعلاً في محله، وعنه بطول بالشرح،  كنت بحلم على أقله، تفتكرلي لحظة فرح، حب ليكي كان خيالي حب غالي، بحلم بيكي في النهار وفي الليالي، حبي عليكي كان حمل وجبل عالي، ولسه فاكرلك الخير والعيش والملح،

أغنية منتهى الإحباط  بقى أنا ياحبيبي أعملك قلبي بساط،  وانت ياحبيبي تديني حبك على أقساط،  بتخبي مشاعرك جوة بير خايف تتكلم تحس تغير  قافل ياحبيبي على قلبك كده برباط، حاسس ياحبيبي معاك بمنتهى الإحباط، اليأس اديته 100 درس، اتكسف على دمه وحس، صعب عليا الأحساس بالرخص، وسده النفس  وانت لسه مش شايف فيه غلط، الحب يعني هات وخد، اديك قلبي بقلبك ترد، وفاكر نفسك بتزرع لي ورد، لا بجد ده انت بتحسب الشوق بالنقط، ده أنا ياعمري بخصامنا بفكر فيك، وكل همي أعرف ازاي بس أرضيك، وانت عايش بجزيرة لوحدك  لازم عليا أنا اللي بس أودك وكل حلمي أشوف عيني جوة عينيك، ولو لمرة واحدة أحس إني غالي عليك،

غنيوة متعرفش  بغير عليها، والغيرة كبيرة، الضحكة دي اللي باينة عليها، ليه مكونش أنا السبب فيها، بغير واتجنن، لما بلاقيها، بتكلم حد وتطول كده جداً، حتى ولو مع صاحبة ليها،  ما هي كده متعرفش، حبي ليها قد ايه، شافت أو مشافتش، مش هتفهم اللي قلبي فيه، بحبها سنين، وبعده باليوم،  فاكر كل حاجة حتى الكلمتين، اللي قالتهم ومكنوش مقصودين، وحافظ صم، نظرة العين، ايه بيبسطها واللي بيشيلها الهم، مذاكرها كويس وزيادة حبتين،

 أغنية موافق  يارب فرحة ولو حتى شاردة،  تاهت في عنوان صاحبها، أنا موافق أصاحبها، مش شرط تبقى أجمل وردة،  راضي ولو ريحان دبلان،  المهم تخليني فرحان، أنا واحد بقليله بيرضى، بس الدنيا معايا معاندة، تصرف للناس بدون فايدة، وعلى الغلبان  تعمل مناقصة وكأن حياتي ناقصة، شكوى وثورة ومعارضة يارب سعادة زي ناس مرضى، وواحد كان تعبان وخف،  واقف في دوري والصف،  والكل من حواليا أهو عدى، وأنا لسه بالأحزان عيان،  والوحدة بكل مكان، 

أغنية مكنش حب  متحاسبنيش على شوق وحب ليك جوايا، وبيك بيعيش خلاك تكون انت كل منايا،  موعدتنيش بأي حاجة لما كنت انت معايا، كان مفيش غير كلامك وأنا سيد الرجالة، مكنش حب من أول نظرة، ده عشق بعد عمر وعشرة، وسنين كتار ومواقف كانوا اختبار، مش ليك ده إحساس بيمتحني، وأنا نجحت فيه بقربك مني، بعقل كبار انت أجمل اختيار، مقولتليش إنك بتشكر ربنا وخلاك تعرفني، وخلاني ممشيش بعد كل مرة بتجرحني، فا متعشمنيش بالجنة وبعدين عادي تسيبني، وتعمل متعرفنيش طريقتك دي بتعذبني، متوقفنيش عن حبي ليك بعد ده كله، وملح وعيش وكلام شعر فيا انت قايله، متروحيش يا روحي ليه طب ازاي أعملها، والله متكفنيش روحي لو بس ليك هقدمها،

أغنية ميستاهلش أفتكره  جاية المرادي بتقولي امرها حسماه، نسيب عادي قرار لوحدها وخداه، احنا ماضي من النهاردة حبنا مش عايزاه، أنا قلبك حبيته حب هو مش قده،  والله اللي ما بينا ميستاهلش أفتكره، والله برضه أنا مش قادر على نسياه، وهو عمره ما هيجي ابدا في فكره، كنت معاه ولا طولت أرضه ولا سماه،  مش سهل عليا إني اسامحه ولا اذاه،  جاي دلوقتي وبشهد عليكي الله، خدت وقتي واهتمامي سيبت لي معاناة،  فين راحتي ده سؤال مش عارف معناه، 

قصيدة  ملعون  ملعون حبي ده ملعون، مجنون قلبي وملعون، اللي خلاكي تبيعي وتشتري فيا، ألف مرة وكام مليون، لا مضطره ولا مرة تحسي بيا، انتي بمكانك وانا بلف الكون،  أهتمامك بيا شيء افتراضي، اهتمامي يقل ترفع قواضي، قلبك فاضي بيت مسكون احاول احل وانتي تعادي،  انتي المنافس وانتي القاضي،  وقلبي عندك مرهون  حبي نار والجحيم فؤادي،  انا والشوق بحبس انفرادي،  ما أنا لعقلي فعلاً مديون واحدة الزنزانة واحد اذانا، كنت سد خانة وخنتي الأمانة، حضنك سجن فيه مسجون روحت سكة مفيهاش رجوع،  وانتي ساكه باب الموضوع، وبرضه ماسكة في الزبون دقه قديمة ملكيش قيمة،  تمثيل وسيما وفيلم اللئيمة،  وبريئة كده مع الاخرون جوايا غضب بدل الحطب،  يتدفوا بيه كل العرب،  يمكن يقدر يسدد ديون اديكي دفا تديني برودك، ليكي الغنا تردي بارودك، تهدي فوقي كل الحصون ملعون الحب ده بلعنة، من أيام أجدادنا الفراعنة،  محكوم عليه يفضل مدفون تفضلي ساكتة تستني نكتة، واحد لقطة اجيبله نقطة، لأ واللقطة عايزاني ممنون تحاسبني على شرودي و الايموجي، لو دلعتها وقولت أنوجي، ولو مدلعتش متغير ب...

غنيوة يا جميل أنطق  ده مجننني معاه، بيبقى سلامه عكس كلامه اللي وراه، كلمة حنينه على كلمة أنا ايه اللي جابني هنا،  وهو قدامي ألقيه تاه، يا رب أهديه صبرني و رسيه،  آبص بعينه، أقوله أكيد هي أصدق، انت هتصدق، يقولي ده أنا بس مطبق والحال ده عنده مبدأ، يدي إشارات في كل الاتجاهات،  فين عقله فين المنطق، ياعم أتكلم يا جميل أنطق، وكل الاجابات متاهات متاهات،  وأنا فيها جواها بغرق، ده محيرني وياه، مرة بنظراته ومرة بقلباته وعلى هواه، هو ماله وليه ده حاله معايا والله معرفش، بحاول أفهم ايه جواه، أتكلم ليلاتي وأفضل أهاتي، تتعقد حياتي، بالساعات أشرح وأحرق، وهو مبرق، ويقولي مش عارف منين أبدأ 

أغنية لو على الوجع لو على الوجع مقدور عليه، أدي الوجع طب الوحدة ليه، كده كده هنتوجع ولو حوالينا ملايكة، يهون أظن لو ناسك حواليه،  أصل الحزن جدع لو قلبنا،  مالوش حد بحب يسأل عليه، بيستفرد الألم بينا، وبيفرض الهم علينا، دي الوحدة سجن ببلاش بيشترينا بتتحكم هي فينا، الحلو قادرة تنسينا،  بنسمع عن الونس مشوفناش بعينينا  لو عندك حد لسه بيحبك، لو على القد خليه جنبك،  نص نص دلوقت أحسن من مفيش، سامح عادي لو مرة وجعك، هترجع عادي لما يطبطب، ياريتني عملت اللي عليه بقولك،

أغنية قربت أخف قربت أخف من جروحي، وروحي من تاني تلف، وتطوف تفتح عينها وتشوف صاحبها واقف زي الألف لو القلب اتحبس لسه شايف أمل، موجود هنا أو هناك ده زي الملاك متشوفوش  الا لو كنت حمل، أخره الديابة هي الهلاك،  ولو لأخر نفس أيوة أنا البطل، مرفوض الاحتياج لوهم يبقى علاج متشتروش حب من غير عمل، الأحلام الكدابة زي الأمواج،  قربت أنام ومخافش، معلش ياما تعبتني الأحلام، خدتني على جناحها خدعتني بجمالها المزيف وأي كلام

أغنية يا قطر الحب  قدام المرايا مش شايف ملامحي،  شايف بس فيها حزني  أيام عمري عايشها كلها لوحدي،  والوحدة بتحسب سني  من حقي أظني،  يا قطر الحب يكون لي كرسي محجوز لي،  روحت  المحطة وأنا كلي شوق،  طلبت تذكرة واحدة بكل ذوق،  دفعت  تمنها والتمن كان يفوق، اللي في خيالي، ولقيت حوالي،  نص الناس بتركب طوالي،  والنص التاني بالقطر بيسوق،  قولت وأنا مالي، خليني بحالي،  وطعم الحب  قربت  منه يا قلبي خلاص تدوق، قالوا  استنى هنا ده رصيف قطرك، طالوا  الساعات يا قطر وأنا منتظرك، وماله يا كريم هونها ويارب سترك، وبعد فترة، مش هيجي المحطة، القطر يا أستاذ معلش دي غلطة، وكانت اللقطة، قالوا ده غلطك، واه الشنطة، أستلمها من النقطة، يعني بعد عمر  بحاله متشيلش هم ولا تشغل فكرك، خد بعدك  وأركب هناك القطر ده بالذات، وحدك  أصل ده بقى قطر المفاجأت،  واعدك  ياقلبي بالفرح وأحلى الحاجات،  في عرضك  كفاية علينا كل اللي فات، تعالى معايا، نرجع للمرابا، صحيح ازاز وبتورينا الحكاية،  وأهو كفاية...

غنيوة قلبي إبن ناس  بحب وأنا صاحي ولما بنام، بتونس بليلي وبعشق صباحي، بلعب دور الفارس في الأحلام، وأنا للأحبة أمان وأقوى حارس، الوحدة يمكن تكون حالي، لكن أنا قلبي مش خالي، بحب نفسي وبحب الناس  قلبي إبن ناس حساس  احساسي مش رخيص لأ غالي، هو قيمتي وراس مالي، بيحس الكل بكل حماس  ما أنا قلبي إبن ناس حساس بحب كمان لعبة بدون كلام، بلعبها مع حبيبي وبطلع خسران،  يمكن ماليش رزق في الغرام، بس من غير حب معرفش أعيش،

أغنية كنتي فهمتي  مش فاهمه سبب التغيير وليه أنا بعاديكي، هو كنتي فهمتي الخير اللي بين ايديكي،  تستاهلي دلوقتي كتير من اللي بعمله فيكي،  ما أنا ياما عملت كتير حاجات حلوة ليكي، فاكرة الضيقة اللي أنا عايش فيها، بسبب ناس تانية يا بريئة بطريقة تخليني أشك فيها، و في كل ثانية، طب فكري لو ثانية، دماغك في راسك مش مخبيها، مش فاهمه اللي عملته ليها مكنش عادي، يستاهل قلبي حيرته لما حبك للدرجادي، ده أنا كل اللي طلبته منك تعاملني عادي،  وإيه في اللي قولته صعب ركز المرادي،

أغنية أنا عيني حلوة  قدام صحابي أنا حبيب شاطر، يطلبوا نصايح من عيني حاضر،  الكل تركيز ما أنا هيئة تدريس،  يتلموا حواليا وأقول وأحاضر، أنا عيني حلوة بختار جواهر،  شاطر وماهر ولا أجدع جواهرجي في مهنته أستاذ،  وصنعته إنجاز  ده عندي نظرة وذوق فاخر،  أو كنت زيكوا فاكر طلع الدهب فالسو و الالماظ ازاز، واتعلم عليا بإمتياز ومحدش عرف الخيبة القوية، لسه في نظرهم أنا 100 100 وأهو كلام بنتسلى بيه وتعدي الأيام، معقول أبان قدام الرجالة ضحية، 

أغنية أكتشفني أنا زي الشجر في الخريف مكان أغلى حاجة فيه الأرض وبس، في الربيع يتلموا حواليه ويشبعوا تصوير ولمس، لكني مش حجر أنا إنسان من لحم ودم أنا إنسان لسه بيحس، أنا كنز كلي خير وعز، في عيوني بس أكتشفني  وفي عيون الحبايب والأعز، أنا لغز لأ والألذ ولا حد منهم معتز انه عرفني أنا زي الهرم  أكبر مبنى ومن عجايب الدنيا ولكنه مزار وأثر، يزوروه بالمناسبات وفي الرحلات و 100 وجهة نظر، كلها تحترم  وبعد 7000 سنة وسرقة الهنا سري معرفوش بشر،

غنيوة فيه كيميا  ده بنا تفاهم من بصة أنا فاهم، عايز يقول ايه، بسأله بس عشان أسمعه  ما أنا عارف اللي بيعجبه وايه يوجعه،  وكل اللي بيفكر فيه ده فيه كيميا بيني وبينه، أقول الكلمة باينه بعينه، يحس بقلبي دايماً قبلي، غيرة وحمية غير اللي شايفينه ده نصي التاني ومفيش معاني، باللي حاسس بيه، بحب قربه ولو ساكتين  الحب مش بالكلام ده كفاية العينين، وآهو بان عليا وعليه

أغنية لو فاهم أنا لو فاهم كنت ارتحت ده مفيش مبرر،  مين ساهم في سوء البخت والألم المتكرر، معقولة واهم لما سمحت لقلبي هو يقرر، إزاي كل الحب ده فجأة يتحول، ومعرفش لأي درجة كده بفضلك، ومن فضلك بلاش كده سوا نكمل، ياما اتمنيت القرب ودلوقتي بهرب، صعب أشوف قدامي حلم الأحلام، فا بخاف أنام ما أنا مش عايزه يقرب، إزاي بعد ماكنت بتمنالك الخير،  دلوقتي بدعي أقدر على المساعدة، وكل قاعدة بتجمعنا بتعب كتير، إزاي قولي ما انت عارف بعشقك، دلوقتي مش عارف اشوفك عادي،  ولحد الساعة دي يمكن مش بكرهك،

أغنية بسلامه البارد  وأنا معاك ولما برجع البيت بخاف،  أفتكر وأرجع شريط الذكريات، مواقف تحزن كتير ساعات، بدخل أنام كده من سكات، انسى اللي حصل واللي فات  لا الحقيقة قدامي بوضوح تتشاف، ضعيف قدامه يجرحنى بكل حرف من كلامه، وأسامحه بسلامه البارد وأرجع أحبه أضعاف، حافر أسمك على قلبي بالجاف،  كاتبني حروف بالقلم الرصاص، أمانك يخوف شوقك رصاص،  مش عارف ده حب ولا قصاص، طب فيه أمل ولا خلاص  كنت راضي تحبني انشالله حاف، 

أغنية قدام وشنا  عندي حاجة وعايز ليك أقولها، بتطلب حاجة مني ليك أعملها، طب وانت ليه عمرك ما بتعملها، يعني من الإنصاف  زي ما بدي تدي قدي خليك شواف  وتعالى شوف شكلك من عندي ليه ربنا مخلقناش بمرايا، قدام وشنا تورينا الحكاية، وتقولنا بنعمل ايه في النهاية تقولنا إننا مش بنهتم كفاية  انت شايف عامل اللي عليك،  وأنا خايف أقول الحق ليك، لا يا حبيبي وأنا بين ايديك، لسه عليك واجب  كتير اوي ليا بص بعينيا وحاسب  نفسك زي ولو مقصر هجتهد شويا 

غنيوة لعب مع الحب فرحان وبالفرحة قلبي اتغلب،  معقول بتسأل عن السبب،  طول ما احنا سوا، سيب الكلام ده للهوا، كان قلبي محفوظ في العلب،  وخرج على ايدك وحاله اتقلب،  والحياة بقت هنا، يا روحي ما انت هنا، ما أنا قلبي لعب مع الحب، والحب هو اللي كسب، طب يمكن ياعم بالنتيجة زور، مش مهم ووراه مش هدور، يا حبيبي ده انت منور،  عمري قبلك ولا يتحسب،  جامد وللجمدان معلق رتب، وأجمل حد قدامك انسحب،  كسبان وانا جنبك، كسبان طول ما بحبك، يا أحلى قدر عليا اتكتب، وكل ميزة محسوبة بنسب، طيبة وحنية كله عندك، وغريبة فيه زي قلبك، 

أغنية عندك تعليق  بتقولي أنا كده وطبعي كده، عندك تعليق  ده أنا عندي وعندي تحبي أقول، قالت مش معقول  معندكش حاجة تقولها أنا متأكدة، من ده على طول  طب خليكي كده وبلاش خلقك يضيق بعد سنين من التدقيق، وأيام وكلام وتحقيق، رتمك بطيء حبك غريق وعايزه فريق، اللي يسمع واللي يفضل يتكلم  واللي يوجع منك بيه هو يسلم  يكون عميق ومش خنيق يمشي الطريق، اللي بترسميه ومنك بس يتعلم  عايش في إثارة وتشويق، مرة حنية ومرة زعيق، الزعل بالتسبيق قبل كل شيء كنت صديق، كنت حبيب كنتي ليا انتي إيه زي الغريب بعد العمر ده بتعامليه زي الدقيق بالهوا الطليق يطير البريء،  ولا بيسيب حتى أي علامة ليه كنت مجرد شركة تسويق، كل دورها شويا تزويق، عليكي يليق وحبة ترويق يحسسوكي بالتفريق، بينك وبينهم وانتي ولا كأنك هنا فرقتي عنهم طب فرقت ايه أنا  شكراً وبالتوفيق كفاية تعليق كنتي تنسيق  غصب عنهم بيختارلنا ويغير حلمنا

أغنية محدش يستاهلني محدش يستاهلني، وده رأي و أخر قرار ودي نهاية الحوار، بعد التجربة والتكرار والمحاولة بأستمرار، مع ناس مش بتقدرني في إحساسي بيقاولوني، بيعه وشروة و بورصة  مشاعر وضمير،  كويس يفضلوا يعاملوني، ما قلبي ثروة بياخدوا  منه كتير، محدش يستاهلني ده محدش حاببني ربع ما بحبه  ولا يتمنالي الخير، محدش يسألني، الوحدة صعبة ومرار ولا إيه أخره المشوار، عندي أعيش في نار ولا إني أحس بإصرار، اللي بحبه قاصد يهملني

أغنية بلاش إحراج  بلاش تسألني عن رأي فيك،  هقول كلام عمره ما هيرضيك، قولت فيك شعر وانت مصدقتوش، واللي متعرفوش  قولته كله من حبي ليك،  قلبي صدقه وحسيتك محتاج، تسمعه ما انت في حالة انزعاج،  بس الحقيقة انت محتاج لعلاج، فا بلاش إحراج وكفاية كده عليا وعليك، القلب اللي ياما قال عنك قصايد بمزاج،  والحب من شوقه لوحده كتب دواوين،  لو جيت للحق أنا طول الوقت حزين،  وايوة قاصد تعرف حبك ده زي الأمواج،  أيوة طيب بس فهمك بطيء، مرة حنين ومرة تنشف الريق، حابس مشاعرك جوة الادراج، سيبني بلاش إحراج  أسلوبك معايا مش بيليق،

غنيوة القمر أهو  طب ايه جماله ده لأ، استنوا بس كده ثانية، ده القمر أهو لما شافه، نزل وسطينا بيسقف، يا جماعة قولوا الحق، مش طالب حاجة تانية، شعر ايه يكفي اوصافه،  ده عايز أديب مثقف،  وأنا في موقف،  محدش يحسدني عليه، عيني جت في عينيه، اتلغبطت انا كده ليه، وبدل ما اقوله أنا بحبك،  قولتله متأسف، أنا ناوي أوقف، حياتي عشان خاطره، واليوم ده هفضل فاكره، صوته وضحكته وعطره، واتدرب كويس المرادي، وفي قلبه أخطف، ده أنا هرصف، قلبي عشان عيونه، وهعامله معاملة النونو، محدش يقدر يصونه، ولا يفرحه فرحه عمره، سيبهولي وأنا هتصرف،

أغنية كائن اجتماعي  لما بيفرحوا يرموا طوبتنا، لما يزعلوا يحنوا لقعدتنا، نزعل على حالنا واللي جرالنا ولما نعاتبهم مش عاجبهم، يقولوا طب واحنا مالنا دول بيعاقبونا على طيبتنا، ونلوم على مين ونعاتب،  مضطرين مع الناس نتعامل،  دول قالوا والرأي جماعي  الإنسان كائن اجتماعي،   وبرضه حرص وحاسب، علاقات تتحلل في معامل، ماهي كلها امراض والأعراض  اوجاعي وتعبي وصداعي،  بيخاصمونا لو بطلنا حنية، ويحسبونا ورث وأبعدية، كله يحسسنا إن احاسيسنا في شنطتهم ومن ممتلكاتهم، واحنا لو بس بربشنا بيحاسبونا بس على النية،

أغنية مفيش في ايدينا  مفيش في ايدينا حاجة غير اننا نصبر، ونسيب الأيام هي على حكايتنا تحكم،  مش هينفع المرادي على القدر تأمر، زي عوايدك ولا أقولك حلوها بينكم، مين كان غلطان، مين طلع خسران،  دي قصة حب مش داخلين سباق، بتتحسب بالقلب مش عقد واتفاق، طب خلينا نحاول، لأخر مرة بتحايل، عليك وانت صعب يا تمشيها بمزاجك، يا تقلبها حرب وتلبس العند تاجك،

أغنية الحب يا ناس كنا بنقسم الضحكة والهوا، على الحلوة والمره سوا، طب ايه جرى وايه اللي اتغير،  كنا اتفقنا نعيش لبعض، منسمحش لأي لحظة بعد، ساكت ليه رد ليه دلوقتي متغير، ده الحب ياناس بس بالأحساس، يتقاس  مش بيبقى كلام وخلاص،  وبنا وعد كبير وحب كتير، وخير ليه دلوقتي ده كله بيطير، كنا اكتر من اتنين حبايب، انا عاشق وهو فيا دايب، ليه دلوقتي غايب الشوق في حضورنا، ازاي الحب ينفع يتنسي، من يوم وليلة أتغير وقسي،  وفجأة بعد ومشي ولا حتى ودعنا،