أشعار الأراجوز

غنيوة لف و أرجع  يا قلبي بلاش تخاطر، خدلك من عينه ساتر، دي بصات سهام، عندها أخطر مهام، تحير فينا تفرق، تكدب وإنت تصدق، تقتل وبرضه تتصدق، وانت فنان رسام،  ازاي بتتجرأ، وتقول يكسب كل مخاطر، يا قلبي أسمع لف و أرجع، صاحبك عايزك، وانت مودع  يا قلبي خاف شد اللحاف، ونام لوحدك، بدل ما تتوجع يا قلبي بلاش تغامر، من أمتى بتعرف تقامر، أبعد عن ضحكتها، لا تسحبك في دنيتها، اللي مفيهاش منطق، ولا تعرف حتى تنطق،  قدامها منين تبدأ، وحكمتك هي خدتها، بجمالها تغرق، وسحر جمالها تملي عامر، 

أغنية ما كنتي تقولي  ما كنتي تقولي انك ناويه في يوم تسيبيني، كنت هفضل برضه أحبك مش هتوصيني، وبعد اليوم ده يجيني،  هتفضلي برضه الحب كله ونور عيني  اللي مزعلني إنك كنت ناوي، تفارق وتبعد عني، كان فارق بس تطمني، وقبل الجرح كنت تداوي، ما كنتي تقولي عشان أعرف وأعمل حساب، مكنتش هتغير ولا هسيبك بدل ما اتساب، وعمري ماكنت كداب، محدش بأيده قدام حبيبه بيقفل باب

أغنية  كدبة أبريل  بتحبني وعاشق كل التفاصيل، وبتسهر تفكر فيا طول الليل، وأنا صدقت وما صدقت انك لمحت،  ما أنا برضه وقعت،  وحبك طلع كدبة أبريل  ماهو برضه مش معقول،  حد زيك يعرف يحب، بكبيرك جنب قلبي تشب،  وبرضه مش هتطول، اعقل الكلام قبل ما تقول،  عليك قلب دمه تقيل، ما أنا برضه اللي أستاهل، كدبت نفسي قدامك كتير، وعاملتك زي واحد كبير، واحد راسي وعاقل، هطلعك من راسي كده بالساهل، في يوم اتنين ابريل 

أغنية واحد واحد  حضرات عينيه الأفاضل، سؤال محتاج جواب، ايه اللي بنا لسه فاضل، غير كل ساعة عتاب، مفتوح ليك يا حبيبي الباب،  يا نكون أحباب بشكل كامل،  يا نكتر في الحساب، عندك فرصة بينهم تفاضل واحد واحد اللي بنا تعادل، وأفتكر كده ده أمر عادل، أنا حبيتك محبتنيش، على نسيانك موافقتنيش، الحب ما بنا مكنش متبادل،  وفي دي كمان برضه بنجادل، معاك الحق باطل، لو بس مش على هواك،  تقلب المواضيع وتماطل، لحد ما أمشي وراك، تعبت والله يا حبيبي كفاياك، هتزود. قساك هزود في المشاكل، واحدة بواحدة دواك، من حبي راضي بالتعادل، 

غنيوة ده لازم منه  حبيبي ده لازم منه، مقدرش استغنى عنه، بلاد الدنيا يتمنوا، يكون عندهم بس زيه،  ما هو بلده الوحيد، قلبي أرضه و وطنه،  الكلام لما يطلع من الشفايف،  أوام ترقص كل حروف اللغة،  مين يعرف يقولها بطريقته غيره،  كل اللغات بيغيروا، جنبه كله اتلغى، حبيبي ده طيبته خطر، لو خبرها كده انتشر،  بيلين معاها الحجر، ومختلف بيه عن البشر، ما أنا بس الوحيد، عندي قمرين مش قمر،

أغنية لكل فعل  مستغرب ليه وعينيك عايزة تلومني، دي كل عمايلك كانت بتقولي اخسرني،  مستغرب ليه وعندك ايه كان ممكن يصبرني،  لكل فعل رد، وانت بالفعل وجعت،  اتقدرت ولا قدرت، من غير ماتفهم بتصد مستغرب إزاي مستحملتش وأنا معاك، ماهي مرايتك مفهماك انك زي الملاك،  ومش دي الحقيقة حنيتك هي هي جفاك، مستغرب ومستعجب من تفكيرك،  تأذيني بأيدك وعايزني أفضل أعدي لك،  لوحدك انت الغالي وأنا الرخيص اللي باقي لك، 

أغنية حكايتنا  عجيبة حكايتنا، أنا وانت كل واحد بطريق، وبرضه تتوحد سكتنا، كل واحد فينا بيحب مزيكا، وبرضه واحدة غنوتنا، سكتين اتنين مع بعض ماشين ومهما طالت السنين، إزاي ممكن يتقابلوا واحد يجيب وواحد يودي والعمر عليهم بيعدي، وبرضاهم هما قبلوا وغريبة طريقتنا، لا بنعرف نتكلم ولا نتعاتب، حتى بعد كل عشرتنا،  واحد من التاني محاسب، وواحد رافض فكرتنا،

أغنية حر في موقفك أنا جنبك عاملك غالي، أنا حبك ومعاملك والي، ومعاك عمري مني اتسرق، من امتى حبي كان فرق، انا خايف الوجع يبقالي، في الوحدة وأنا لحالي،  وأبقى بطل بس من ورق، أعيش تملي بحالة قلق انت حر في موقفك،  وأنا برضه حر، استحالة استعطفك،  أنا معاك ومش معايا، في هواك مش هوايا، لعبة بتلعبها كش ملك، يا وزيري الكره كلك، بتتمنى تشوف بكايا، بس هقابلك تملي بغنايا، يمكن خلاص قلبي هلك، وبهلاكي انا مشترك

غنيوة مصنوع بكل حب شايف  أهو ده اللي ناقص والله عال، خايف  أنا خايف لا يوصل بيا الحال،  وتبقى صاحب البال، وعلى قلبي اتضايف قلبي سابني وليك أهو باعني،  لعينيك الحلوين سلمني، تسليم أهالي  حبيتك غصب وأنا لو تحب، عاشق مصنوع بكل حب، وعشقك يحلالي  حاسس  لما ببقى معاك أنا الحبيب الضال،  لامس  النجوم بأيديا ولا ده كله خيال، سؤال قديم ومازال، ازاي تسرق فارس

أغنية مش عايز كلام  لا بيهمك عتابي، وشوقي ولهفتي ولا حتى غيابي، انت كل أحبابي، أهلي وعزيز عيني وصحابي، بالهموم وأتعابي، رديت و دفعت ليا كل أتعابي، أنا مش عايز كلام، واكل منه كتير وشبعان، لو فيك حاجه حلوه كانت هتبان  ما عدى كتير أيام،  في كلام وكلام، راضيك عذابي، بيحليك و بيقضي على شبابي،  بدل ما تحابي، على قلبي كان التجاهل منابي، ومش في حسابي، بعد الحب ده أقفل قدامك بابي،

أغنية معندكش ريحة الدم  ابليس في الغش والتدليس،  بيتعلم منك وعندك تلميذ،  الحق باطل فن التلبيس، بالوش عامل طيب ولذيذ، معندكش ريحة الدم أكيد بكل المقاييس،  بنفسك بس بتهتم، والباقي مش مهم  معندكش يعني ذوق طب خليك حسيس، إزاي بتعرف تروق، وحبيبك شايل الهم يغيظ ويفرس ويعمل قديس، حلمي معاه قلب كوابيس، بيشدني للحزن زي المغناطيس، خلاني البطل في الكواليس،

أغنية سواد القلب  سواد القلب والقسوة باينين، جوة العيون، لا بتداريها العينين الملونين، كل يوم بلون، وانت في السواد عندك شهادة إعتماد،  جوة قلبك قساوة الكون خليت الإهتمام يتحول لحالة إنتقام، وبتقول كلام رصاص بمسدس متعمر، و أوام أوام قلبي على ايدك اتدمر، الظلم وكسر الخاطر الاتنين، انت عملتهم، ايه يعني كلمتين حلوين، مرة قولتهم، لقلبي هيعملوا ايه وسط عذابك ليه، اديك بمية جرح بتردهم 

غنيوة صانع سلام  انا عامل لك في قلبي مقام ومش كلام، انا حارس على باب الأحلام لما تنام، احلاها اخليها ليك تعدي  وبلاها لو حلم مش جدي  أنا حواليك صانع سلام وحب عام، قلبك كنز حبك عز وبخاف عليه من الهوا الطاير، مقامك غالي قدامك الغالي ولا عمره يقدر يكابر، أنا بحبك وحبي ليك خام عليه أختام، صالح معاك لأي استخدام منقيه بالجرام، قدامك أهو فيه أختبر بسلامك أستوى وخمر ويعمر طريقنا من الأهرام لبلاد الشام، 

أغنية ماشي يا ناصح  ماشي يا ناصح، تمام يا جامد، استذكى واتناصح، عليا وعاند، واديني قاعد، مربع و مشاهد، اعتبرني أجنبي، تايه سارح،  لو وقتك سامح، أهو بيقولك  فرجني فيلمك اسقيني من علمك،  في الحب مش بفهم، خلاص علم فهم، ياعم اخسرني وانت كده الرابح  مش قادر أصدق منك أي نصايح عامل ولا همك وتقولي لو عاجبك،  بيني وبينك يبان قساك، وقدامهم ملاك، ماشي تملي وفي ايده مسابح والكلام بالمنطق ولا الملك الفاتح يا ابني لعلمك خفيف انت نجمك، قولي على ايه بترسم، والله مش برخم، منك بستفهم التعليمات واللوايح ماشي انت بمبدأ كتر من الفضايح 

أغنية الظاهر  الظاهر غير اللي جوانا، كله ناظر نازل في التاني مواعظ، بتشوف بس جرحي وبيه تحس، ومش بتشوف عندك نواقص، الكل كامل واحساسه شامل، يخونك تتظاهر دايماً بالعكس، محدش أبدا بيخاف على احساس التاني، حتى لو كان حبيبه مالوش علاقة محدش فعلاً يحب يبدل مكانه بمكاني،  بيخاف بس على نصيبه في العلاقة  الظاهر نسينا هوانا، في المظاهر الكل ماسك ومتبت، تتكسر ليا حاجة جاتلي هدية، ازعل عليها أكتر من كسرة،  صاحبها قدامي بسبب كلامي، وأسلوبي الباهر في الأذية،

أغنية محدش بيراعي  محدش بيراعي ابدا احساس التاني، ولا مشاعر غيره، الكل مباح قلبك طيبتك، ومشاعره منطقة محظورة،  القسية مراعي بتربي واحد اناني،  مبيشوفش حد غيره، كلامه سلاح على رقبتك،  نفسك بيقيسه بالمازورة، لا طيب طايب، ولا حضن قرايب، الكل جايب، العيب في الأيام  بنكدب علينا، واحنا العيب فينا، مالك ومالينا، مش عايزه كلام في الأذية ساعي يتلم على عدوك، لمة شر تجمعهم، واللي حابك قاتلك بايديه، ومشاعره شبه معدومه، متنفعش مساعي العتاب بحقك، ولما تحاول تمنعهم، لو كان عاجبك هتعمل ايه، غلاوتك عندهم مردومه،

غنيوة من هنا ورايح  أنا وانت بقينا غيرنا، من أمتى محناش عارفين، لما حبينا و على بعض غيرنا، ولا لما بقينا نقول احنا، بدل كده ما نقول اسمين، أنا من هنا ورايح، مش همشي خطوة  ولا في حته رايح، الا واحنا سوا، نتمشى واحدة واحدة،  كده تحت المطرة، أنا من هنا ورايح، هتباهى بيك قدام، اللي جاي والرايح، قلبي خلاص نوى، يسمع بس الكلام،  ومنك كل النصايح، مش مهم ازاي اتغيرنا، ده المهم قربت المسافات، بعدل الوحدة عرف هو يجمعنا، نخاف على بعضنا وأمرنا، ما الحب بيعمل معجزات،

الفراق جاي جاي، الحكاية بس حكاية وقت،  لو مكنش النهاردة، يمكن بكرة ويمكن كمان دلوقت، بلاش تخاف يا حبيبي، حكايات الفراق أنا ياما فيها عشت، هتعدي يا حبيبي وبكرة تقول فوقت، بتكدب كتير على نفسك، بتعيش الوهم على إنه حق، لا انت عايز تشوف كل الظروف، اللي بتقولنا لأ ولا أنا شايف فايدة من المعاندة، وبفراقنا آمنت  كان باين من الأول، متقولش إني ما صدقت، مكنش ينفع نكمل، حبيتك جداً وياما حاولت، تعيش العمر حبيبي،  ومش بايدي اعزرنى عشان اتكلمت، نهايات العشاق أنا ياما منها جربت، 

أغنية محتاج مساعدة  الدنيا جاية عليا كنت عايزك ليا، روح تطبطب فيا تصبرني شويا، وتهدي حبه فكرة اني اروح مرجعشي  طلبت العون محتاج مساعدة،  للمرة المليون تسبيني وتمشي خلاص قدرت أقولها وأنا معاك، خلاص بلاش تمثل عليا هواك،  وفي دور الملاك متعيشي احساس وبندم عليه كل يوم، الناس زي النجوم شايفاك،  وانت عسل مسموم متتعاشرشي الدنيا بثانية تصالحني لما انت تفرحني، وترجع تاني تجرحني مش مريحني، ولأ عايزني حتى عن نفسي مدافعشي  جيتلك خلصان وعندي أمل، زودت الأحزان وتقول معلشي

أغنية بأستيكة  شايلك في عينيا بتعميني، حاطك بقلبي وبيكي متعبي، حاجات صعبة بتأذيني  ولما أعاملك زي ما بتعامليني، بتعاتبيني ببراءة بتلوميني، الف حاجة كويسة تتمسح بأستيكة، لو لمرة واحدة عملت ليا حساب،  الف حاجة حلوة لو ناقصة سيكا، غصب عني افهمني يا أعز الأحباب، الناقص يتبروز ويتكتب بألف كتاب، و أتساب بدون أسباب على تلكيكه، بفكر تملي فيكي تنسيني، بفكر قبلك في قلبك، يرسيكي وبعدين يرسيني  ولما اسيبك براحتك تقيسيني، وتقيميني بلحظتها مش بسنيني،

غنيوة أنا اللي محتاجك  لو محتاج حضني بس لدقايق، كل يوم  أنا محتاج حضنك لسنين وسنين،  أهرب ليه من الدنيا اللي بتضايق، بالهموم  بنسى بيه كل حاجة و تتأجل لبعدين، انت مش محتاجني أنا اللي محتاجك، أنا اللي باع قلبه وأشترى لك، قلب جديد يستاهلك انت مية واحد يحبك ومين يحبني، غيرك  ده أنا حبيت نفسي بيك وليك، انت خلتني حد جميل تملي بتمدني، بخيرك  أنت ملكني بالسعادة والرضا بعينيك، 

أغنية من بعيد  كنتي أغنية رتمها بطيء، حتى كلماتها مش اللي هي، ومش موزون  حاطك بعينيا طول الطريق، ومش عجباكي ولا حاجة فيا، بتسيئي الظنون من بعيد محدش بيشوف الشوك بالورد، زي العيد فرحته اننا نفضل نستناه،  ولما يجي بيبقى زي أي يوم في الحياة، مش فارق جمعة من حد  كنتي لحن قديم تراث، مستهلك كتير وللكل محفوظ،  بطل يمتع  بتعامليني معاملة الميراث، من حر مالك واحد محظوظ،  عايش مستمتع 

أغنية فين الود الحب في القلوب، والود بالأسلوب،  بتحب وبتدوب، بس على قد المطلوب، وحبك نور بس يادوب،  ينور ليك مش لحبيب عينيك،  عامل اللي عليك، بس مغلوب، أصل الود هو اللي مرغوب، مش باين يا حبيبي الود، ليه تملي الند بالند، الأرض بزرعها ورد، انت بتحسبها وتعد، أراضيك تعاديني، تهاديني عند،  بتحب طب يا حبيبي فين الود، الحب زي السوق، ليه فروق، بياع بذوق، وسعر تحت وسعر فوق، بس الود زي الطوق، لغرقان جوايا، بيتعلق بقشاية، ترجعه للبداية، لوقت الشوق، قبل ما يتغير احساسه ويسوء،

أغنية زي ما روحنا  محصلش  بنا تلاقي، لا أهتميت بأشواقي، ولا حسيتك باقي،  محصلش  تتر بداية، في أقصر حكاية، كلمتين وكانت النهاية، زي ما روحنا و زي ما جينا،  اتعلقت روحنا بقصة حزينة، زادت جروحنا وخسارنا طموحنا، زي ما روحنا  زي ما جينا  مقصرش  معاك قلبي، كنت عايزك جنبي، وكنت عايز تعبي، مأثرش  فيك اهتمامي، ونبرة صوتي بكلامي، ولا وداعي، 

غنيوة يبقى حبينا أحلامي لقيتها فيك، وأحلامك هنا تتحقق، ما حبيبك هو الأصدق، هو الأشجع ولازم يبدأ، واديني بقولها ليك، ربنا ليا يخليك من غير تفكير ولا حسابات،  دي حاجات تتعاش من البدايات،  أول ما تلاقي نفسك بتغير، وأنا من فرحة لقانا بطير، يبقى حبينا وبعينينا حكايات، كلامك عني فل، وكلامي قولته عنك،  يا حبيبي قبل ما أقابلك، يعني والله مش بجاملك، حلو بشهادة الكل، حلو وملكش حل،

أسأله بتحبني يرد أيوة، لكن حنكر ولما يفتكر مرة يودني، لازم أشكر  يتفرد هو عليا و يتني، وأنا في نفسي حفجر، رهيف وحساس، بميزان الأحساس، بيجرح الناس، وينام مطمن وباله رايق، يعني عمل ايه وأنا منه اضايق، ونار حرايق، تخلينا نفارق، يرد متعكنن في إيجاز، أصبر مستعجل ليه طيب وأصيل، وفعلاً تقيل، يعنى مش تمثيل، ومبسوط جداً ومش مهزوز، ولا فارقه معاه يحب لما يعوز، ويضرب بوز، ويقول يجوز، وشكله أحسن عليا وجميل، أرد بطبعا وراه

قصيدة اجرسف اجرسف آه اجرسف، وبدون ذرة تأنيب ضمير ولا حتى أسف،  عايز تدوسي عليا، تكسري عينيا،  تموتي الحلو اللي فيا، بالأذية بالقسية، ومشاعري تتساوى بالاسفلت وتترصف،  ومش عايزاني اجرسف... طب خلي قلبي يتكسف اجرسف اه اجرسف، وفيها ايه اجرسف ايوة ومش مع الأسف، بتهاجمي وسيلة للدفاع، للاقناع، متميزة بالاندفاع، بزيادة الأوجاع، وقلبي لسابع أرض بيه اتخسف، اتفشخ أضرب اتقصف... ببرودك يا لوح تلج اتنسف اجرسف و مية اجرسف، بتعصبك كلمة اجرسف طب أنا اجرسف اجرسف، يا قلب عملت له قيمة، نجم سيما، انضرب بالقديمة، واستاهل الشتيمة، والله استحق بالعبيط اتوصف، مش بكلمة اجرسف... وقلبي زي القلم يتبري يتقصف تتعزف ولحناها اجرسف، خلاص ياستي بقى ما الكل خلاص عرف، طب مرة جددي، ولا بتحبي تعددي، اسكتي بدل ما تودودي، قبل ما تتأكدي، مش بتفهمي مخك زي فازة من الخزف،  بس قلبك مني قرف...  ما أنا واحد يا عيني اجرسف

أغنية أمر طبيعي  كان أمر طبيعي إني أتغير،  والحب أوام يتحول، ومقدرش أكمل، وأبقى واحد  تاني متعرفنيش  اسأل اي حد ممكن يتصور،  حبيبه يقسى عليه ميهتمش بيه، ويفضل عادي  جنبه بيعيش ما هي كده تملي القساوة، بتزيد ما بنا العداوة، بتخلي كل الناس تتساوى، وفي نفس الدرجة  مهما كان مقدار الغلاوة دي عمايل قلبك يبقى أستحمل، من امتى الحب مضمون، زي غيره بيهون، وهان  عليا و ده بسببك  ميهمنيش دلوقتي إزاي هتكمل، ماشي تملي براسك، مش باحساسك، خليها تقولك  ترسيك على برك

أغنية وقفوا في صفوا  أنساك ازاي، وداير كل كلامي عليك، ولما بوصف حاجة حلوة بقول بالظبط، زي فلان  عايزين الخير اطلبوا منه بيديه  عملوها ازاي، كل اللي نسيوا قبلي، مش هعرف لو قالوا ده محدش حب، قدي بجنان  ولا شاف تقدير زي اللي بعينيه وقفوا في صفوا، قلبي ومشاعري وأشواقي، كلهم بيه اتوصوا وسابوني جوايا ليه  حتى الزمن نصفه، وخلاه يقدر على فراقي، وأنا عيوني اتصفوا، من كتر بكايا عليه بأيه أنساك، لا بحب جديد ولا بماضي، مش عادي تتمحي ذكرياتك تختفي حكاياتك، اللي معايا عايشة ومصاحباني عمر بتحليه ليه أنساك، صدقني دي فكرة مش مقبوله، على الفاضي التفكير فيها والعمل بيها، وانت هوايا اللي لو وقفته لثواني اموت بعديه

غنيوة في قلبي فروع  قلبك يأمر يطاع بالمستطاع، واللي مش بس بايدي، واللي ابدا مش بالإمكان، افتح وريدي على الشريان، بدمي تعيدي أيام زمان، قلبي الحديدي داب وضاع ليكي في قلبي فروع، فرع الشوق وقسم الذوق، وفرع فوق ليكي لوحدك مقطوع  ليكي في حبي متعة، وفرحة بجنون تتحدى الكون، ولهفتي تكون عليكي أحلى سمعه ليكي بالجمال باع وبباع، من غير ما حتى تبينيه، ولا حتى تقولي كلام، القمر تتبنيه شبهك تمام، حلمي تبنيه ليا أحلام، واللي بتتمنيه موافقة بالإجماع

أغنية عن جهل  سكتك تبان سالكة، والسكة سكك باسلاك شايكة،  والنهار هلك وهو عليكي بينادي، شايفه هنا أهو قصادي، بينادي، ومفيش شبكة للدرجادي ملكيش مالكه، ده السهل ليه بتصعبيه، على مهل بتسعي ليه،  وعن جهل بترفضيه، بتبعديه بتعاديه في الرمل احساسك بتدفنيه فرحتك تملي مشروطه، بنت حرية لكن مربوطة، ونهار الصبحية أهو قدامك طالع، واقف هنا ومش ممانع، وسامع، منك حدوته، الموانع فيها محطوطه،

أغنية الحب مرايا  زي النسمة لأ وكاريزما، ينفع ممثل  ما ياما مثل انه حاببني، انه جنبي وقت الأزمة، زي النسمة وهو بيتبسم، يطلع مذيع  ده كلامه فظيع ثبتني، يجرح بكلام زي البلسم، مرايا الحب مرايا والعاشق بتعميه، و زي مطب بالشام بشوف الحق وأرميه عادي ورايا، بكرةهيبقى تمام زي الملاك وبجد حنين، وفي الخيال  بشوفه على ده الحال قاصد، بحبه وبحبه متجنن، اه بهواك بس مركز، كاشف اسلوبك وحابك بعيوبك وعليها واخد، وحبي كبير و مركز

أغنية قفلنا الدكان  بدون تمهيد، وحبة تنهيد، وكلام كتير مفيهوش جديد،  خش في الموضوع، خش في المفيد، بتطلب الرجوع، طب بأمارة ايه قفلنا الدكان بتاع الحنان، بقينا بنشتري وقتي النسيان، ونبيع كل اللي خان، واضحك علينا في سعرك  قفلنا الدكان من زمان، انت تهون قلبنا ما هان،  أعملك ايه كل لبان، وبراحتك طلع فيه غلك بتجيبها من بعيد، لا حويط، لأ بجد خطير وبتعيد وتزيد، ندمان موجوع، ما أنا كنت بالايد، ونسيتك بأسبوع،  هو أسمك ايه

غنيوة يا عود نعناع  يا عود نعناع  من ريحته تفرق، وبطعمه يروق، أخضر ومورق، وصفه البياع  ومين غيره أصدق، خبرة ومدقدق، في اللي بيتباع، يا نعناع يا عود قلبي لم يوعد، راضي بالمحدود، اللي بيه تجود، لحن على عود، مسك ولا عود، شاري بكل الأوضاع  مش بس الورد اللي ليه غلاوة، لسه الارض فيها خير وحلاوة،  وانت عود نعناع، بحضورك تعود، المحبة بعد سنين العداوة،  يا عود نعناع  طيب وشجاع، مركب وشراع، كلك استمتاع،  يا خير ممدود مالوش حدود، بشوش و ودود، وعليك مسنود،  يا عود نعناع  أنا قلبي يساع، الحاجات أنواع، ونوعك ابداع،  شاري باقتناع، ومفيش استرجاع، هتفضل هنا موجود

قصيدة متعرفيش الأدب  متعرفيش الأدب، انتي واحدة متعرفيش الأدب،  والله واحدة متعرفش الأدب، وملكيش فيه، لا انتي ولا أهلك ولا أصحابك، ولا حتى اللي هتحبيه، متعرفيش الأدب ولا ينفع عليكي العتب،  ما ده اللي اتربيتي عليه  ماهو اللي اتكتب ليكي انكتب، علشان انتي تقريه، يا ست هانم يا ست الحسن، امال أنا بكتب ليه، معرفش ان الشعر بيركب نجوم ورتب حبك شاعر واسمك كان الخبر... والمبتدأ، الفاعل والمفعول واللي بدأ قلمه يكتب بيه، كلامه وحش... جامليه، كلامه حلو... ألبسيه،  راضي تلفيه خلخال، تعمليه سلسلة على رقبة الغزال،  حتى دبوس يتشبك بالشال، تعامليه معاملة المال، لا لبستيه ولا حتى خبتيه، الكلام كان دهب وحق الدهب تصونيه تحميه،  بس لقطاع القلوب سيبتيه، كشفتيه لشمس الخيال، وخليتي العيال تلعب فيه، مركب غرق وسط الصخب، طيارات ورق بالهوا ترميه، وانتي عملتي ايه، ولا حاجة ولا حالة تستحق العجب، ما انتي السبب، متعرفيش الأدب، لا قيمته ولا سعره ولا حجم التعب، ولا الشقى في الكتب، متعرفيش ريحة الأدب،  ولا عمرك كان ليكي فيه، وأنا قلبي عمره ما كدب مؤدبة بس مفيش حد علمك الأدب، مغيبة بس...

أغنية مش هسكت  انا مش هسكت تاني عليك، انا مش هسكت على حالك، بقالك فترة مشاعرك باردة ردودك حاده   بس خلاص من النهاردة، هرد انا كل حاجة  ليك، واحدة بواحدة بعاد ببعاد،  من هنا ورايح ده المعتاد، تبان مهتم أنا ههتم، هتقسى وتكابر هقول مش مهم  واحدة بواحدة عناد بعناد،  أوام هرجع لو قلبك عاد،  أنا مش هسكت ولا ينفع اعذرك،  ما هي كل الاعذار خلصت عليك، وألاقيك تبعد أكتر بعيد لو قلبك من حديد هبدل قلبي بواحد جديد، لا يحبك ولا يعجبه منظرك، 

أغنية شوفت مني ايه شوفت مني ايه، يا حبيبي شوفت ايه، يخلي البعد ترضى بيه، تشوفني وعادي تفوت  عايزني للمرة الكام، أعملك الحلو باهتمام، عشان تقول تمام، عشان تبقى مبسوط عملت اللي عليا وأكتر، وهفضل أعمل لو أقدر، يا حبيبي شوف يا روحي قدر مش هتكون ذكريات، ليه تبني مسافات، ترجعنا تاني للبدايات، فكر بتعبك وفي تعبي  أنا بحبك لسه، واللي بنا أحلى قصة، هتكمل لو بطلت تنسى، وتكتم بقلبك وتخبي  

أغنية واحد قفل  مش حاسس، معاه بحاجة خالص،  أنا يائس، وقال أنا كنت ناقص،  بيمارس فنونه باصص بعيونه  حالف يوريني جنونه وشعوذته ده كابس، على نفسي ومشاكس، من الفوارس، واكل الأخضر واليابس،  فارس فيا فارس بالنية وخلاص راحت عليا بمعرفته ناسي قاصد، قاسي جامد، بس تشوفه تقول براءة طفل، اتعب نفسي، يلعب عكسي،  من خوفه تقول واحد قفل،  أنا لابس، في حبه ولا غارز، هو راصص، أشواقي قدامه بيتأنس، ويتنافس معاها بناقص رماها وشويا يجري وراها عايزها

غنيوة مالوش دوبلير  مش سهل تقابله كده عادي، حبيبي مهم ومسيطر، قبل ميعاده بذاكر وبحضر، ماهو برضه قبل ميعادي، بكلامه الحلو كده محضر، والله ده عليك من نفسي بغير، ما انت جمالك مالوش دوبلير، عملت ايه حلو في حياتي، عشان تدخل حياتي  تنورها تملاها خير والله مالاقي تفسير،  نجم سيما يا حبيبي عالمي، على الافيشات متصدر، انسان جميل ذوق ومتحضر،  طب منه يا روحي اتعلمي، طيبه قلبه والله تتصدر،

أغنية محدش هيقدر  قولوا لقلوب البنات ترتاح، سكر قلبي بالضبه والمفتاح، بعد ما حبيبي مني راح،  الوحدة رحمة ومودة، لوحدي أنا كده مرتاح  لو مية صبية في بعض اتجمعوا،  محدش هيقدر يشد عينيا، محدش هيقدر يكون هي، ولا حنان قلبها ولا حتى ربعه، قولوا للبنات قلبي معاش، والله لو الحب بقى ببلاش، حبي لحبيبي كمل وعاش،  يدوم حبه كل يوم، هيفضل نعمه ولو مجاش

أغنية مش عايز أنام  لو انتي الأحلام أنا مش عايز أنام، لو انتي حقيقة والله حبيت الأوهام،  لو انتي أي حاجة أنا عكسها، مش عايز حاجة  غير أسمع كلمة سلام، كرهتيني في عيشتي، يوم ما قولتي عشقتي، الحب لو في الشدة مش هيبان، يبقى حب رخيص من حد جبان، سكة السلامة يا قمر، قلبي مطر و ممكن عليكي يشتي، خسرتيني كل حياتي، نسيت نفسي وهواياتي، ما أنا عشت ليكي وكنتي العنوان، وعشت معاكي تايه مش داريان، وخلاص فوقت يا بشر، صبري جبر مبقتش من اهتماماتي،

أغنية تعالى نروح  تفتكر هتفرق لما المرادي اسامح، وبدل ما نعادي نتصالح، يا حبيبي مش هتفرق وانت بالطبع جارح، تعالى نروح نخلي البعاد مفتوح، يمكن غيري يحننك، يمكن غيرك يحبني  تعالى نروح نتخلى عن الطموح، سوا بيتحول لفشل، ومع حد تاني يتبني تفتكر هينفع جوايا أكتم عتابي، وانت تختم فيا عذابي، و أبدأ مش بترجع انت مرة عن حسابي، 

غنيوة ملك ولا كتابة  حبيبي فهمني وعرفني بتعملها ازاي، بعد ما بتشغلني بتعيش دور النساي، ولا كأنك تعرفني وانت بقلبي مشرفني، وتقلبني وتدوبني جوة كوباية شاي، جماله خطير وعقلي هيطير حبه تقدير، لينا ده احنا غلابة قلبنا احتار أشواقنا كتار بتلعب قمار، بينا ولا ملك وكتابة حبيبي دلعنا ولعنا وبرضه قدرني، ولما تمنعنا عنك أبقى خدرني، اللحظة اللي تجمعنا ليها ألف معنى، متعنا وسمعنا كلمة بحبك نورني،

أغنية على ايه حبيتك  على ايه حبيتك ردي يا غالية، وانتي نازلة فيا كده قسية، كل يوم الصبح لما تقومي، تفوقي وتصحصحي عليا، خد الجرح ده مني هدية، وتنفشي نفسك زي الرومي، لو شايفة الأحساس زينة أنا عندي كرامة، لو فاكرة الناس كوتشينة أنا بقى الكومي، لو كلامك احلو واتحول هرد عليه باهانة، لو فاكرة الحلو بيفضل هخليكي عنه تصومي، على ايه حبيتك وساكت ليه، قلبي مثلأ بمحل شوفتيه، قولتي احطه وسط هدومي، وتعملي اللي بتعمليه، في بنك الحظ حبي كسبتيه، يستاهل والله فيه تلومي،

أغنية كاتبك كتابي بحبك صبح طالع للناس يعدي بينهم يوعدهم بكل خير، قلبك جرح ليل ناس عدى نهارهم كسرهم كسر كبير، بشوفك شمس تشوفيني ضلمة، أهو واحد وبس وانتي ليا اللمة، كاتبك كتابي حسباني كلمة،  لو طال غيابي قلبك مش هيحس، بفرح أكتر كل ما تيجيني فرحة عمر تمر هنا قصادي،  بسرح وأفكر هتفتكريني الإنتظار أمر يمر ويسلم عادي،

أغنية لا حس ولا خبر  دي المشاعر إشارات، تقرب تبعد حاجات، تبين بيها الاهتمامات، وانت لا حس ولا خبر، واحد وقلبه مات، لا فارق كلام من سكات  لو يحب يعاتبني يقتلني، بالكلام، لو عايز يقربني يتوهني، بالأيام، ومرة هيجيب لي بالغلط مرض، وجلطات  إشارتك فيها مشكلة، ياعم ركز مش كده  أفهم ايه من كل ده، حضن ده ولا عركات رد الفعل بالذات، ليه ظبطه وترددات، بيبين ايه الأولويات، بس خلاص جبر، شبع قلبي هجمات، استاذ في المرتدات لو عايز ينكشني يفرفشني، بافيهاته فاكر كده هيعيشني ويشاركني، حياته  اجيبهاله بس ازاي ده موضوع، ذوقيات إشارتك زي خيط، هتلبسني في الحيط خليك واضح ياريت، حب ده ولا تهيؤات 

غنيوة مش حب جديد  لا مش حب جديد، ده الحب الوحيد،  مش هيكون فيه أجدد منه، و بالتأكيد عرفت الفرق أكيد،  ميتقارنش ابدا باللي قبله، عايشين حياتنا في حفلة، لاقيين  راحتنا في علاقتنا، حاسسين ما بنا ألفه، عارفين  بعيوننا كده نفهمنا، لا مش حب جديد، ومكنش عني بعيد، عن بعض تايهين وده البخت، تحديد ميعاد وتجمعنا المواعيد، دي كانت مسألة وقت 

أغنية أنا مؤدب  ده ياما تعبني وفيا نكش،  يجي يصالحني وكلامه بكش، ولما أقوله بس كفاية بقى، يتقمص ويخاصمني والاقيه قفش، ده مسيكب وحد صعب ومركب، ولا حكايته ايه، مش شايف البيه بتغرق المركب، واللي وصلنا ليه، بعيد وقريب والله ده مغيب، مسموح بس ليه، يغلط فيا وعليا يقول و يعيب،  وأنا مؤدب مش هرد عليه، ياما جرحني وقال مقصودش، يجي يعاتبني يدي ميسكتش،  ولما ازهق وادي الوش الخشب، يرجع يحايلني ويقولي معلش،

أغنية هتقدر تسامح لو نتصارح هتقدر تسامح،  هتقدر قلب طيب صالح، ولا هتتغير بواحد تاني تتبدل  أنا عاتب عليك ومعاتب، عينيك وقلبك ليه بتحاسب، روحي ومش قادر تأجل  شوف ظروفي كوم، وخوفي منك كوم، بطلب تعدي اليوم، تطلب معاك هجوم، على حبة لوم يزودوا الهموم يطيروا النوم  الظروف ممكن تتغير، والخوف هو اللي هيفضل  لو نتكلم هتحاول تفهم، ولا تأوح زي عوايدك وأندم، وبخصامنا للأبد تعجل  أنا صابر وانت مكابر،  انت شايف حبي من الكباير، وكل موقف بقلبك متسجل

أغنية الناس اذواق  الناس اذواق تتعرف تتداق، منها اللي متأخر فاق، يدور عليك بس يلاقيك  انت بطلت تشتاق  منها اللي بيقدر الأشواق، واللي بيقدر ع الفراق  يبيع فيك بمكان شيك، ويشتريك من ارخص الاسواق، المهم تكون انت حد ذواق، فيه دول وفيه دول، واختار من بين كل دول، والناس كمان عنك هتقول، انت من دول ولا دول  الناس مقامات في المعاملات، ناس تحب تديها حاجات، بدون ما تحسبها وترتبها ولا يقولوا هات وناس تقضي معاهم أوقات، وتفضي ليهم ساعات، تهون عذاب وتوفي الكلاب، نواب الندالة وبمية اثبات، المهم تكون انت على الثبات،

 غنيوة الكلمة  الكلمة الحلوة مفتاح، يفتح لك كل القلوب  تسمعها بالك يرتاح، تقولها وده المطلوب  الكلمة الحلوة سلاح، تصنع بيه أهم سلام  الكلمة تمحي ذنوب، تخفي عيوب بنا تنام مرة طناش و مرة بلاش، الدنيا بنا تنفع تتعاش، مرة مسامحك و مرة هصالحك، الفرحة تكمل متسبناش، جرب تسمع اتكلم شجع، وخلي عندك اللي بيوجع، حاول تقدر والله هتقدر، هتلاقي رد مش متوقع، 

أغنية بتقول وبس  تملي متأخر وبردك بتتأخر، زي اللي مستخسر، يريح بالي  دايماً بتقول أصبر تنول، جايلك على طول، وانت بتتمخطر محضر سيناريو وكلامك النص تقول النص  وتسيبني أنا أكمل وأخمن  وأنا بسايره فا بتقول وبس وتعمل العكس  عايزني يعني بجد اتجنن عود أخضر عليا بيسيطر، تملي فاتح لي محضر، يسأل وأجاوب  يحلف بردود هفضل موجود، والكلام والوعود، بالهوا يتبخر 

أغنية مصاحباني احزاني  مصاحباني احزاني، صاحبة غيورة، تغير من فرح لو جاني، ترحب بأي جرح أذاني،  دايماً مسؤوله مش بس صورة، ماليه عليا الدنيا و مالياني،  ولا عمرها مرة شوفتها ملاني، مستحملاني  ومش زي أي صاحبة بجد تاني، مفتون بيها القلب، مجنون حالته غلب، قولوا زي ما تقولوا، ولو مش قادرين تطولوا، نفس المكانة والحب، فكروا ايه السبب يكون،  مصاحباني احزاني، صحبة جدعة، واقفة جنبي في حياتي، وعارفة كل حكاياتى، صحيح واجعه بس مش خادعه، وبجد واضحة بالنهار وليلاني، شاهده كل واحدة من وقعاتي، كسراتي مش زي أي صحبة كانت أولوياتي، 

أغنية لو هنفارق  لو هنفارق طب ليه اتقابلنا، كام فارق بنا وبرضه اتجمعنا،  مضايق كان واحد طريقنا، دلوقتي بقى سكتين كان فارق حبك عندي وحياتنا، يا ضي العين وهعمل ايه لو قابلت بعديك، قلب كان مهتم جدا بحبي، ما قلبي راح لسكتك قبليك،  وهعيش ازاي من غيرك انت وهو صعب عليا أخسر الاتنين انت شايف مفيش حل غير ده،  أنا خايف نتعب عمر مش مدة، وعارف دي أصعب شدة، تعدي علينا من سنين  وأنا أسف إني مقدرتش اتحدى، ونفضل مكملين 

غنيوة تتبخر  يا حبيبي مستخسر، تمشي برجلك وتخطي، وجمالك مش متغطي، قدام عيون في الحسد بتسخر أنا مستعد أبحر، أشرق أغرب بالكون، وأجيبلك عمل يصون، ويحمي جمالك أنا مش هتأخر يا جميل مش هقدر، أصبر ولا أتقل، أنا هنا مستقتل، وعليك هموت شويا رحمة وقدر والله يا روحي تتبخر، بمسك وعود وانت بهداوة بتتمخطر،  بتولع كل القلوب  في مواعيدك أخر، وأنا موجود  عشان نفضل مع بعض أكتر، وهو ده المطلوب  يا حبيبي سيطر، ده انت ذوقك يجنن، شوف عايزني ملون،  تحبني سادة أو حتى مسطر أنا فعلاً محضر، علشانك أغلى وردة،  هعملك منها النهاردة، أحلى العطور ليك بيها تتعطر ومتخافش أنا مسخر، قلبي ليك فانوس، تدعكه وقت ما تعوز، شبيك لبيك حبيبك كده يظهر 

أغنية كل ما بنرجع  الوقت مر والحيرة مره، روحنا ورجعنا مية مرة، القرب يبعدنا والشوق يرجعنا، احساس بيخدعنا وقلوبنا مضطره واحنا كل ما بنرجع، أنا قلبي بيتقطع، وبرضه كل ما نبعد، في بعض بنقطع، نفضها سيرة تعالى ناخد وقت يطلع زي ما يطلع  المهم نعيش فترة، أنا حر وانتي حرة فات العمر وبنمد لبرة،  بنستمد من غيرنا القوة، ويعدي يومنا ولا اتكلمنا، الحقيقة قدامنا على بعض بنقوى

أغنية على الفاضي  أنا معاك شوفت عجايب،  أكتر من عجايب الدنيا السبعة،  الدمعة بترضيك والضحكة بتعاديك  القلب الدايب وخايف عليك  احساسه عايب،  والقلب الغايب ولا بيسأل فيك  أعز الحبايب من أمتى فرق، معاك وليك اخلاصي،  ده والله اتسرق، مني الغالي احساسي، وعلى الفاضي اتحرق، دمي واتقلبت راسي، أنا معاك كنت غريب، بأحساس مريب عاش جوايا، وحكاية مجنونة بهواك مرهونة ومشاعر تشيب جنبك مركونه لحد ما تغيب، وناس بتجيب سيرتك ملعونة تهاديها بالطيب،

أغنية تعرف تقدرنا  تعرف تقدرنا ولا قدرنا، نحب واحد  مش قادر يعرف مقدارنا ليه حارمنا من احترمنا، جوة عينيك  مش عادي تحبنا وتلومنا  عدوك يتمنى لك الغلط،  وحبيبك يبلع لك الزلط،  وانت شايف حبنا مرض، يبقى لو مش قده نعالجه  ونرتاح كلنا من اللغط، نرتاح سوا من همومنا، واقف ليه فوق راسي، وكاتم تملي على أنفاسي،  تفتكتر مين فينا القاسي، ومين بان حبه بقلبه بتعتبره شيء مش أساسي، طب ليه هنكمل كلامنا

غنيوة قلبي دبوس  انت لازم تتحب مرتين تلاتة، وبرضه مش كفاية عليك  ما انت السبب في كل السعادة،  اللي بعيشها وبشوفها فيك  أعملك قلبي دبوس، يتشبك في الشال  أبيع روحي بالفلوس، تجيبلك خلخال  والله لو تعوز، أعملك بشوقي تمثال ياروحي عازم قلبك على كلمتين، هقولهم على نورك يا قمرنا  أسمع وركز دول أغلى الغاليين، محدش غيرك قدر يغيرنا 

أغنية خد بالك من نفسك  خد بالك يا حبيبي كده من نفسك، مش خوف عليك ده خوف منك، شوف عينيك فكر بكلامك راقب قلبك، أحسب رد فعلك هو اللي جه عليك  هو اللي منك قتلك  خد بالك من نفسك  مرة بجد زي ما بتحاسبني، عد قدام المرايا عيوبك، خليها بينك وبين نفسك،  ومد في غروبك يخوفني، يخفي أي كلام عكسك، خد بالك يا حبيبي كده من روحك، هي فرحك وبيها برضه تزيد جروحك، تبعد حبيبك تقسي قلبه بعد بوحك، ومهما تعيد بشروحك طريقي غير طريقك  متاخدش لو ده طموحك

أغنية تصبحي على خير  تصبحي على خير، تلاقيه من غير تدوير، يكمل معاكي يومك، من نهارك لحد ميعاد نومك،  تصبحي على خير  ومتقلقيش  يعني لو عليا قلقتي، أنا بنام على ضيقتي،  والأحلام فيها انتي، وبصحى على هم كبير متخافيش  اه نسيت مش بتخافي، عليا بشكل كافي، ولو فيا حزن اضافي، مبتشيليش تعب التفكير ومتنسيش  يومك اللي خليته صافي، وليل لك تملي دافي،  وحلمك اللي فوق كتافي، لسه سايب تأثير 

أغنية أنا مش هو  خلاص بعد اللي ما بينا انتهى، عندي كلمة ليك وهو ده وقتها، أنا مش هو، نفس القلب اللي جرحك بقوة،  وخلاك لا حول ولا قوة، أنا مش هو كنت بقسى عشان تنسى وتقدر تكرهني،  ولا تتمناني ولا بعدي تعاني جراح شوفتها  خوفت عليك منها، وتحسها وتفضل عايش بنفس الدايرة،  خلاص بعد اللي ما بينا انتهى، عندي كلمة ليك وهو ده وقتها، أنا مش هو، أنا أطيب خلق الله من جوة، خوفت تعيش حياة مره، لما كل مرة  فيا تفكر وتحبني أكتر واحنا بعاد، ده علشانك حطيتني مكانك وصورتي كسرتها ويمكن مشاعرك جرحتها، شتتها  بس هترجع تاني حرة، 

غنيوة دقات قلبي  الدنيا نورت والحياة اتغيرت، لما يا حبيبي جيت ودخلت حياتي  معاك بعيش قديمي ميلزمنيش، بالنسبة لك فتافيت وبقى ماضي دقات قلبي طبلت، وملامحي بلونك اتلونت، مشيتك زي البيانو، مزيكا وبعينيا اتلحنت،  وعينيك لما بانوا، في كل حته اتصورت، شوفت أحلامي حقيقة قدامي، والله أجمل صدفة خلتنا نتقابل يحميكي ربنا ويقربك مننا، ما جمالك ده تحفة وحبك قنابل

أغنية مش واخد بالي  مالوش فايدة كده أي عتاب، لا هيزود ولا ينقص  خلينا نرتاح ونقفل باب، لو فتحناه مش هنخلص  هعمل مش واخد بالي، لا هدقق ولا هركز بتعمل اللي عليك عادي،  من باب الذوق من باب الواجب  وبعمل اللي عليا وأكتر،  من المحبة والشوق وقلبي حابب  كل ده وبرضه مش عاجب، طب بلاش نتكلم الساعة دي، بتقول كلام مش جميل، الوش ملاك واللسان مش واحد بقول تمام وأعدي اليوم،  عذرك معاك يمكن مش قاصد مصمم تبان انك جامد، بتهتم لو تخصك التفاصيل،

أغنية لسه اللي ما بنا خير  تحبني وأنا في عز قوتي،  وأنا بديك حناني وعطفي،  تسيبني أعيش وحدتي،  لما تشوفني بوقت ضعفي، الواحد في الشدة بيبان، مش وقت الدلع والحنان، مش محتاجه تفكير ولا طالب منك كتير  ليه انت تبدأ بالخصام، ولا تشيل في بالك وكله تمام، طب فين التقدير ولسه اللي ما بنا خير تحبني بس وقت الروقه،  وقت ما بخليك مبسوط،  وتبقى في قلبي شوكه، تبقى ضغط من الضغوط، 

أغنية محلك سر  كنتي دايما بتقول ليا، انت حد عزيز عليا، طب ليه المعامله ديا والطريقة عادية معزتك جوة قلبي مستخبية، ربنا يعلم كلامي عنك والنية، لو مش هشوفها بعينيا النتيجة هي هي كلامك يدل على الحنية،  أفعالك دي حاجة تانية، وأنا بينهم محلك سر، أول مرة يمر الأحساس ده عليا المفروض انتي تقويني تحسيني، بلقاكي حمل فوق يوقعني، بدل ما انتي تواسيني وبهمي تنسيني  بلقاكي بفتكر اللي وجعني، والناس بتسألني ليه بغني، عشان في بالأغنية بشوفها بس رومانسيه

غنيوة انت فين يا كبير  يا قلبي فيه حوار، تعالى لي أنا بنهار، القمر لف ودار، ونوره بيلالي في العلالي  من بصة لقيت حالي مش على بعضه  يا قلبي فيه حوار، بجد مش هزار، انت فين يا كبير، يا جامد يا خطير، وقت الجد تطير، وتسبيني يا قلب محتار مفيش وقت للتفكير، أعمل فيا خير، ومش ليك أساطير، في الحب وبكده مفهمني تعالى هنا ألحقني، ده بكلامه هو ثبتني، ومش قده صدقني، ولا قد مقامه ولا أحلامه  في ثانية لقيت غرامه وقالي زي بعضه  في الحب بيجربني، رد بقى وألحقني،

أغنية نفس الاحساس  طب فكرت في مرة، تتمنى الموت  عايش حياة مره، ومش مبسوط أكيد اتغيرت مع الأيام، وبقيت نسخة تشبه الأصل تمام، بس مسخة  مين يشاركني ويشركني في نفس الأحساس، ليه بنقعد نخطط ونشوف أحلامنا ألماظ، وسنين منامشي ولما نمشي نلاقي سكتنا ازاز، لما حسيت اللي حواليك، دوشة و زحمة  ومحدش دايماً بينقيك، غير في الأزمة لما جيت كده تسند، اتهد السور بتزرع ومش بتحصد، وقلبك بور 

أغنية هتحبيني هتحبيني  بتقولي فيا أشعار، وتحلفي اني جدع، متعرفيش التعب والمرار، اللي ورا كل الحنية والدلع  مليت طول الانتظار، عملت ليكي البدع، تاهت روحي بالمشوار، باهت ياروحي معاكي لوني  هتحبيني هتحبيني، بس لما تحبي غيري، وتعرفي الفرق بينه وبيني، هتحبيني هتحبيني، بس يا خسارة وقتها، يا عيني مش هتلاقيني، اللي بيدي بحساب، تعمله ألف خاطر، من سنين العذاب، للحظته الحلوة بتفضل فاكر واللي حب وداب، علشان ضحكتك يسافر، تقوله شكراً ويتساب، وعادي جداً تمل وترميني

أغنية فكر فيا  بتدور ليه على حبيب تاني، ما عندك كل حاجة ومجاني،  اولها الاهتمام وسمعان كلام،  مالوش معاني بكل احترام، معايا بتعدي ومعاك لوحدي ومش بتتلام هتعوز ايه تاني الكوباية طول ما هي مليانة، مش بنشربها والحكاية لو هي خلصانه، ليه نسمعها حاجة واحدة منك بطلبها،  فكر فيا بجدية بتدور ليه على اللي موجود،  ليه تمشي في طريق مسدود، فرصة أحسن مين يضمن، عايش مبسوط ليه تخمن، مش أنا أمانك وده كلامك، ليه تحزن وتخليني أموت،

غنيوة غنيوة صغيرة  دي غنيوة صغيرة، نغني فيها اللي جرى، شوفتك شوفتني، وبروحك فاجأتني، افتكرته حلم ولا ناس بيصوروا فيلم، وانت البطل والباقي هوا ماسك نفسي وانت معايا، شايف نفسي في المرايا،  فاهم بقول ايه، فاهم نظرة عينيه، واثق هنكمل العمر سوا كنت حاسب إني بكبر، بالشخص المناسب مش بفكر،  جيت ومسحت بأستيكة، طريقة تفكيري العتيقة نورت حياتي يا حياتي هوا 

أغنية  مضايق ليه عايز تعرف مضايق ليه، لأ مش لازم  بتسأل بعد ايه، ولما عرفت زمان عملت ايه،  لما قولت وانت سمعت، مش سكت وبعده بعدت  لا شوفتك بالمساعدة عازم  ولا جنبي فضلت ملازم  ولا كنت في البعد حاسم قاصد ولا لا هي هي مش فارقه،  ما انت بتعمل تملي اللي بيريجك عتاب ولا شكوى تمشي ولا تبقى،  أتصرف انت مش عايز اجرحك قلبي زمان كان بايديه، عاملك برواز حطت صورتك فيه، ممنوع اللمس ولا القرب ليه، شوفته بعينيك لايق عليك، كسرته بايديك بعزم ما فيك كان ناقص تحرقه بجاز  اومال لو مكناش عزاز كنت لمين بس تنحاز 

أغنية قاعدة بفكر وبقول ده محدش بيعمل كده، كلمتك أشكر الأصول ولا أنكر مش متأكده، أحساسي انتي فهماه قولي اه  ردها تاه وأوام الكلام قفلاه  ربنا أكيد هيحقق لك كل اللي بتتمناه،  واللي ليك فيه الخير، صدقني  ومنين هيجي الخير، صدقني  وانتي الحلم اللي طول عمري بستناه، بتكلميني مكالمة كرد جميل ومجاملة، كلامك شبه بعض زي اللي عاملة عملة، كلام وكلام وراه عن الحياة مش فاهمة معناه ولا قصداه

أغنية إزاي تعود لي إزاي تعود لي حبيبي، إزاي تعود لي يا حبيبي، إزاي سؤال بس الرد مش جاي، شارب يجي خمسين كوباية شاي، وبفكر إزاي أخلي القدر يخليك  قدري وموعود لي مين يقدر يغير قدره، مين الإنسان اللي عملها، فين يكون المكان ومين فيكم شافه أو حضره، قوة القلب اللي بتصدرها، لمين لواحد عشقان كتر خيرك حبيبي، هو هنا لسه موجود لي طير وافرد جناحك بعرضه، سير بكيفك وعلى راحتك، بالخير زرعت خوفك كتير على أرضك مش أرضه، حصادك هيكون من زرعك، مصير وهو هيشوفك هفضل جنبك حبيبي، ولو حبك مكنش مردود لي 

قصيدة ال 33 في 22  بكتبلك اليوم، بتاريخ 3 مارس، عمرك ما هتقري، ولا حتى الفهارس، بغنيلك مهموم، ومحدش حاسس، ما أنا مهزوم، قدامك مكنتش فارس، ولا مستني، بيوم معايا تغني، قلبي عايز، يشوفك جنبي ولو هلاوس، لو هي بالتمني، زماني واخدك بحضني،  خمس ست سنين جوايا حابس،  كلام لو بيوم، قولته هتجري، ال 33  في 22  الناس نايمة وعنيكي نايمين، الشوارع فاضيه ومشاعرك هادية  واحساسي بين نارين، أخرجي وقت صلاة الفجر  هتلاقي بدر، عليه ندر نوره في الحجر،  حالف ما ينور ولا على نفسه يدور،  إلا لو طلبتي منه وانتي راضية،  بحبك حبين بحبك مرتين، مرة حبيبتي ومرة بنتي، ومرة احتياطي  علشان الاتنين التانيين مش نافعين، بكتبلك هنا، ما الورق بيحتويني، أكتر منك، ما هو منك بتخوفيني، بغني أنا، ولا يمكن تسمعيني،  بسري الغنا، مش هتعرفي تلوميني،  مش منك، وكل حواديتي عنك،  والكلام بنى، حواجز بينك وبيني،  بتكلم مع نفسك، شافك حفظك صمك  شايفك الهنا، وبصورتك بتلاحقيني،  ومبسوطة عيني، مش أسف على حبك عيد ميلادك ال 33 في سنة  22 أيوة بعد سنين، سنين ع...

أغنية قلبك مش معني  بحبي ليك قلبك مش معني، طب ليه يعني، حاول معلش تقنعني، وصدقني  بعدها مش هتقل عليك، همشي على طول، ولا هطلب منك تفتكرني، ولا اترجاك تودعني، عايزني  ازاي أحبك أغلى حب في الدنيا، واشوف رفضك بدون تفكير ثانية، واهب لك قلبي وبتشهد لتعبي، وبالعربي  قولي ايه في الحبايب التانية، فهمني  هو الواحد بس منا بيحلم بأيه،  مين قاصد يخسر اللي حواليه، اللي حبوه ومن الدنيا اترجوه، طلبوه يحس بيهم نص احساسهم ليه، بيعني وروح دور بسعري تشتري مين، روح صور كل قلوب التايهين، اللي قبلك عملوا كده زيك، وهقابلك بعدها هتلاقيني فاتح لك الأيدين،

أغنية متوسط  بلاش نشهد الناس،  ازاي شايفك بعينيا، مفضوح أهو الاحساس، انت اللي مش حاسس بيا انت اللي مش حاسس بيا متوسط احساسك والشوق والحنية، وبتقسط أهتمامك عليهم وعليا، بتوسط ليه دايماً ناس كده بنا، ده أنا أبسط من صورتك ليا، حبي بيكبر مع الأيام،  وتعبي بيزيد معاه شويا، بتقفل الكلام أوام أوام، من قبل ما يبدأ بثانية بتهرب لأماكن تانية

أغنية عم الممل  عم الممل ما تحل،وتخف حبة، الزهق ياما كل وشبع في المحبة، عارف من الأول،مبعرفش أفتح مواضيع، سكت كده وكمل، ولما من ايدك أضيع، وأبعد عنك حبة، هيكون ايه الحل، بتتكلم كل سنتين مرتين، بتتكلم بس لمدة ثانيتين، وترد ب لأ أو بنعم وتقفلني منك قفله السنين، بجد تعبت منك بشكل طب قدر مرة النعم اللي بأيدك يا نور العين، طب فكر على الأقل ليه بالتقل انت بتطل، ايه السبب،  جربت كل أنواع الصبر، وياريته عجب، لأ وبتلوم عليا، بالكلام والأفعال والصمت،  وتجيب العيب فيا، والله معاك احترت، شوفت معاك العجب، حكم مرة العقل ، 

غنيوة بنت حنان بنت حنان قلبها مليان احساس بالألوان،  واللوحة رسمها بالقلب مخبيها لأبن فلان، الفرحة مستنياها وهي بتستناها وفين المكان، بنت حنان جواها جنان، يجننن الدنيا ويجننني،  ملهاش بالغش وكلمة معلش منها بتشفي  الشفايف كمان وكلمة كمان، منها بطلب تعزفني، خليني وتر والدنيا مطر علينا بتشتي  بير أسرار ووضوح النهار ملهاش بالهزار،  دي جد بطريقة وحبة رقيقة وانت تختار،  صافية وبريئة معاها الحقيقة وبرضه تحتار، 

أغنية نص حبيب   أنا الغريب مش النصيب، نص حبيب نص عيب، نص كل حاجة عندك، عكس ما بتبين عجيب،  بالأيام تغيب بالكلام تعيب، أنا الغريب نص حبيب، تقرب ممكن كل فين وفين، تعند وتبعد حتى لو خطوتين، وانت متأكد أنا مش هسيب  على قدي بحاول أطيب  تدرب قلبي انه يعيش حزين،  ومعايا تجرب قسوة السنين، تخليني متعمد أخر الترتيب  وأيام تعدي وفي أيام تجيب تقول أنا أيوة الحد المناسب، وعلى تطول تخليني أحاسب، على كلمة حلوة في علم الغيب هتقولها كده ليا عن قريب معقول في كلامك معايا تحاسب، ويكون الصمت هو كل المكاسب،  راضي كده وكل التوقعات بتخيب، عامل اللي عليك وأنا الكئيب ،

أغنية الحب ع المكشوف  طب ليه عيونك تكون ليا مرايا، بدل ما أشوف فيها أحلى حكاية، بلقاني شايف أحزاني  جوة عنيكي والاقيكي  شايفاني واحد تاني أنا ربيعك مش خريفك، حقيقي مش من تخاريفك، مصاحباني بطيفك،  فين ما بروح، ما انتي الطموح، اللي بيكي عداني،  مش بس عجباني، والله لو أبوح،  وأحسك سمعاني، أقول ده السمع معمول  عشان يشفي الروح، أنا حروفك مش خوفك، ليه بتعاندني كده ظروفك، و بتعاملني زي ضيفك،  وبتقابلي الضيوف، ازاي بكسوف، وانتي اللي عزماني،  حاجة مفاجأني، تموت من الخوف، وأمتى ياللي حرماني، مباح نعوض اللي راح ويبقى الحب ع المكشوف،

أغنية  الرجالة والستات الرجالة تملي تتعب، بالحب وتخسر أي حرب، مهما بانوا انتصروا  الستات تملي تكسب، قلب وتكسر ألف قلب، مهما اتجرحوا واتكسروا  فيه فرق ومحدش يقول لأ،  احنا طالبين راحة، هما طالبين صراحة،  نتكلم بصراحة، طب يقولوا شويا كدب، الرجالة شاطرة باللعب، وفي الحب النتيجة بالسلب، يرجعوا تاني يتراهنوا الستات كلامهم ضرب، ندب في ندب وفيلم رعب، ومن خيالهم يتوهموا  الرجالة حديد وصلب، شايل ذنب البعد والقرب، وعلم الكائنات الأخرى  الستات عايشة الغلب، ألف مطب يشوفوه بالحب، يودعوا فا يلاقوا شكوى 

غنيوة أحب أكون  أحب أكون شال، على كتافك يغطي،  وقت البرد يدفي، وأقربلك في كل الأحوال  أحب أكون شباك، بايديكي الحلوة يفتح،  ينسم عليكي ويصبح، يدخل لك منه ملاك أحب أكون وأكون، وأحب أحبك بجنون،  يشاور عليا الكون، أهو ده المجنون بيكي، عجينة في ايديكي، راضي بأي شكل تكون، أحب أكون مال، فيه تصرفي وتبعزقي، يخلص أوام تزعقي، اتصرف أنا في الحال  أحب أكون هدية، تشتريها لنفسك،  تلفيها بنفسك، تخبيها بحتة مدارية  أحب أكون كلمة، خارجة من شفايفك، سر محدش شايفك، ونبقى انا وانتي لمة أحب أكون بن، مية فنجان علاجك،  يعدلوا في مزاجك، وكفاية كده أظن

أغنية و ده المهم  أنا مش بحكي حاجة لحد، الا لو كان بيسمع ويرد، وبجد بيهتم  او عاوزنا نسمع لبعض، موجود ومهتم  وحكيتلك وطولت بالسرد، وهو ده المهم كنت عايزك انت بالذات، تعرف جوايا ايه،  وتهون عليا الألم،  وللأسف بعدين أنا عرفت وأه قولت،  ياريتني زي ما أنا فضلت، وسكت،  ولا فرصة جت ولا أي وقت، ناخد وندي مع بعض فيه، دي ردوك زي قلم، كان نفسي انت بالذات، تشفي قلبي وروحي، متزودتش عليا الهم، مكنتش أمين على اللي حكيته ولا حسيته، سمعتني بس ولا كأني اتكلمت، لا فهمت، ولا معايا اتفاهمت ولا  حتى حاولت، وبقيت زيك زي جروحي، الاتنين يستاهلوا الندم،

أغنية بكلمك بأمانة  بكلمك بأمانة وبقولك بجد، أنا عادي أتهد، وانت تفضل بألف سلامة، وعلى نفسي واخد عهد، مفيهوش رد، وعادي متقبل منك الملامة، جنبك و للأبد، مهما طالت السنين،  مهما زادت في العدد، جنبك وبس، مهما شوفت تانيين،  مهما لقيت غيري مدد، اطلبني حالا اتوجد، لو خذلك الغاليين،  ولا مش عايزهم تعبانين أنا ايدك اليمن،  ودايما ليك السند، كنت بخاف عليك جداً، يمكن اصلاً، زاد الخوف دلوقتي أضعاف ليك حبيب وايه يعني، مش هيمنعني ولا يرخصني ولا يخليني غريب

غنيوة والعدرا والمصحف  زي ما المطرة رزق من السما، دي كده النظرة منك رزقي أنا، والعدرا والمصحف زي ما بقولك وحياة ربنا يا بير بالماية مليان، في حلم العطشان، اسقيني كده بالمجان،  يا نور والليل مليل، من الهرم للمنيل، منور طريقي متخيل، زي ما العشق بيختار مين يصيب، فقدت النطق أنا كده بشكل غريب، وجن عقلي جن لما شافك مرة مني قريب 

أغنية فرق الدين  بتقرب حبتين حلوين، وتبعد بعده عمرين،  دي السنين ماشيين، وتصدق بمين معرفش انت مين ايه المانع ايه اللي موقفنا،  ما ناخد خطوة مرة بكيفنا، مش لازم الزمن يكتفنا  صحيح فيه فرقين، فرق الدين وحكم الناس الطيبين، وبالنسبة لي مش فارقين،  أنا عايزك وانت اللي مخوفنا،  ده مهما زاد القرب، لسه برضه احنا غرب، مفيش بنا كدب، من ناحيتي حب وعندك اطهر قلب

أغنية هتعمل ايه الطيبة  هتعمل ايه الطيبة، وانتي مش قريبة، وإزاي بعتبرك حبيبة، وانتي عني غريبة، انتي تطبطبي بأيد، وتقربي لمجرد ثانية، تخليها بالنسبة لي عيد، يخلص يوم وقفته حنيتك ترجع تعيد، وترسم صورة باينة، تحلوي وتروقي بمواعيد، وقلبك من كسفته وطيبته لبعيد، يهرب بسرعة لدنيا تانية، انتي تملي بعيدة، مسافة الأرض للسما، ودي مش حاجة جديدة، عليكي وياما قولتلك غاوية تكوني وحيدة، ورافضة مني الهنا، كلك طيبة بس عنيدة، عنيكي مهما عملتلك والحاجة الأكيدة، لو هتحبي مش هكون أنا،

أغنية في سري  الحاجة اللي مضايقاني وبفكر فيها وتعباني، هقولهالك ما أنا مليش حد تاني،   انك هتنسانى هتنساني ومش هتيجى في بالك سيرتي  وحياتك من دلوقتي، انتي فعلاً واحشاني، عيونك اللي كان فيها راحتي، خلاص مبقتش بتاعتي، هتكون لناسها وهفضل حاسسها ولو مش حساني  يا صاحبتي وروحي وبنتي، وفي سري انتي حبيبتي،  كانت ظروف مش خوف هي اللي عنك منعاني ده مية واحد تاني يتمنوا كده يبقوا مكاني،  يهونوا عليك وقت ما تعاني،  وانا وحداني وحداني مليش غير صورتك في أوضتي  وبعد ما كنت وكنتي، خلاص كلها أماني،

أغنية متاح ومباح  أنا هفضل الحد المضمون، هبقى متاح في أي وقت، وليك مخلص بالشكل اللي تحبه  أنا هقبل أكون مجنون، وأبقى مباح تعذب فيا، وقلبك يخلص فيا كل اللي تعبه شايفك حبيبي شايفني انت بس حد جدع، عايزك نصيبي عايزني جنبك في الوجع، ما انت متعود تنول قبل ما تقول وتطلب أقرب  قايد صوابعي دول على طول وبعمل البدع بحلم ليلاتي بيك تفتكرني لو فيه مناسبة، بضلم حياتي وبنورها ليك بدون حسبة، بفكر فيك بالنوم وطول اليوم لحظة بلحظة لا على البعد هقدر ولا بفكر ولا حتى بنسبة

غنيوة مش بس فرحان  أنا معاك طاير مش بس فرحان، بحاول أساير الرقة دي والحنان، هلت البشاير بشارة بشارة، عينيكي سنارة لفيت دواير رجعت لنفس المكان، ده مفيش حب تستاهله، لأ مفيش حد كان عمله، لا دهب ولا ماس يستاهله،  يشوفهم عليكي الناس، ما كفاية الأحساس، عشان يتعلموه منك عليكي يتحايلوا  ميكفيش معاك عمر بحاله، ميكفيش قلبي تبقى حلاله، مهما وصفوا مهما قالوا، قلبي وروحي اترصوا، من جمالك اتصفوا، متقولش ببالغ طب ما أبالغ وماله 

أغنية خسارة الحب ده  والله مش فارقة معايا انك محبتنيش، زعلان أوي من جوايا بس هقول ايه نصيب،  اللي مضايقني ف الحكاية إنك معرفتيش، قد ايه كان هوايا قد ايه كان حب رهيب، خسارة الحب ده فعلاً يروح لحد تاني،  ده إذا اصلاً هيعرف يروح  تستاهلي بجد جداً تتحبي تاني وتاني،  واللي أحسن من الجروح والله هفضل تملي شايل لك جوايا محبة، وهفرح والله كتير لفرحك أكيد ده لربنا ترتيب، وقلبي وأنا هنفضل جنبك لو تحتاج مساعدة،  أنا مش هنسى وعايش لك ولو بقى عندك حبيب، 

أغنية أنا تضمني  لو فارس أحلامك جالك هنا قدامك، هيقدر يعمل ايه قولي أنا معملتوش  هيحبك أكتر يعني بس انا تضمني، عمر بحاله مجربني ليه مبتفتكروش طموحك مالوش سقف مالوش حدود، عايش جوه كهف بابه تملي مسدود، حاسب قلبك وقف ده العمر معدود، أنا ليه مرفوض وكلامك عني كأنك مقولتهوش  مستني حاجة غايبة في علم المجهول، الوحدة فيك دايبة طب مين المسؤول،  قدامي جملة كاتبة ممنوع الدخول،  بالنسبة لك مقفول انت العزيز اللي مبفتحلوش  خايف تقرب مني خايف ليه تبوح، بحاول تفضل جنبي أخفف الجروح، أحلامك عنك بتبعدني ولفين أروح، شاريك بالروح وبالقلب اللي حب مقبلتهوش

أغنية من غير شروط  أنا عشت عمري هنا موجود، كنت جنبك ومن غير شروط، تغيب تغيب ترجع وتعود،  تلاقي أبو الوعود لسه على واعده، فارش لك الورود على قلب أرضه، ومجهز عرضه اللي بيخليك مبسوط، مش هتتحب لو ملكش باللعب ولأغلى حب،  كنت فتحت القلب، هتتشاف هوا وحد عادي  وتتعامل زي معاملة الدوا  لازم تلاوع وتدوق مواجع تعمل مش سامع، تقول مش راجع، هيقول عليك حد خارق، وميقدرش يفارق ويموت فيك اتعلمت الدرس تحب بس تقرب منه بحرص،  وأول ما هو يحس، خلاص أتأكد من وجودك، هو ده الوقت عشان تبعد

غنيوة على مر العصور  على مر العصور، أنا ياما سويت  أحب أغضب أثور، شوفتك اتهديت، واهتديت  لسكة جوه عينيك أخرها نور  ده أنا القصور، لو ليك في المال والغنى، و زي عصفور، وليك قلبه مال ومالي الدنيا غنا،  أنا دول ودول أنا معمول عشان أكون ليك الهنا على نار الشوق، ده أنا استويت أمتى تيجي تدوق، وتقول حبيت، وبالبيت تهمس تهندس محتاج لمسة ذوق

أغنية وزي كل البنات  وزي كل البنات متشابهات عندهم نفس الحاجات،  حاسسين بقلق وتوتر، فاكرين احلامهم بتتحضر، والسما عليهم هتمطر، فارس احلامهم متعطر،  وعلى الوضع هيسيطر، ويفرحهم من سكات حبها أنضف قلب وكان عندها مرفوض  ده مش مناسب لا مهندس ولا محاسب،  ودي عايزه مناصب، وأهي حبت المفروض  وقلبها وقع واتدب لأرخص المعروض  ده ذنب كل شاب قلبك معاه حاسب، احساسك و ذكائك كان وقتها محدود  وزي كل البنات فنانات في اختيار الواقعات، قال احساسهم فلتر، وقال تفكيرهم متسطر،  بيسيبوا العود الأخضر، ويدوبوا في الأخطر، دايماً هما كده الأشطر، في الندب على اللي فات

أغنية الحب عادل عايز أعرف أنا بس ايه ناقصني، مخليك كده دايماً مش حاسسني، ومحسسني  إنك عليا كتير وبتعمل فيا خير ، كبير وانت مش مبين إنك مش عايزني متشكر جداً على اللي عملته، ومقدر فعلاً معلش كنت مفكر إن الاحساس متبادل، كنت بتمنى الحلم اللي حلمته، بيه اتهنى  بس هو كان من أمتى بيكون الحب عادل، كان نفسي تقع بحبي وتعشقني، دلوقتي لو حتى جيت تقول حاببني، صدقني  ملهاش تأثير خدت وقت بالتفكير، والتأخير  معناه إنك بس عقلك خلاك تختارني 

أغنية تشربي قهوتك  تشربي قهوتك المطحونة جوة في قلبي  تلعبي لعبتك المجنونة ومسميها حبي  تهربي لو سكتك معجونه بحزني وتعبي  قصتي معاكي ملعونة طالب المعونة  ومعنديش غيرك أطلب منه طلبي تخرجي من الوحدة ديا ليا، تصيفي بيا تشتي عليا،  وربيعك عمره ما كان ليا  تطلبي من الحنية كمية، غالية شويا تدفعي قسية وتاخدي الباقي عينيا بتحبي فيا الرومانسية، وتشوفيها عادية ترديها اذيه،  وتجيبي كل اللوم عليا 

غنيوة بقيت مهووس  بقيت مهووس  بيكي وبكل التفاصيل حتى الصغيرة،  بدور وراكي وأعرف كل اللي جرى، عايش مخصوص  ليكي وحالي غريب خرج عن السيطرة  بقيت خطر وبعمل حاجات متهورة  فعلاً بترصد وبراقب كل حركاتك، طريقة كلامك ونظراتك  مش بقصد اتدخل في حياتك، بس مهتم باهتماماتك ونفسي أقرب وأقرب أكتر وحياتك، عايز أسند عليكي في أيامي، دايماً عليكي كل كلامي  بخاف أبعد وموقف كل أحلامي، بشوفك انتي بمنامي تلقاني بخليني جنبك وبخلي قلبك قدامي، بقيت مهووس بيكي  اصلي مش محظوظ، فا بزود اهتمام و أدوس، يمكن يشدك ليا ويقربني ليكي

أغنية مش أغنية رومانسية  الأغنية ديا المفروض تكون رومانسية، واغنيها ليكي وفي عيد ميلادك النهاردة، أقدمهالك هدية شويا شويا بحنية،  ما أنا حبيت بس لقيت، بدل ما الشوق يغلبني  ويأثر فيا لقيته بيفكرني، بطريقة معاملتك ليا دي مش أغنية رومانسية، أسف ياللي أستنيت  دي أغنية عذاب فتحت باب، الحساب مش العتاب أنا قيدت سكتك بعينيا، والقنديل داب وخلص الزيت كانت أمنية، وغصب عني مش بأيديا، القسية المنسية، خلتني أغني وطلع مني،  بالحظة ديا مش أغنية رومانسية،  مكنتش محتاج بورقة تاج، أنا كلي كان مستني  تحس بيا ومرة تخلي، يومي يبقى زي أغنية أيوة الأغنية الرومانسية، فا خلتني ماشي بعلاج  كان نفسي تملي تبقى حاببني، والتمني مش بيبني وأنا هعمل ايه بالنية، وكلام يحايلني من تمثال عاج، 

أغنية خلصت أعذارك  كانت اخر فرصة ليك، قلبي الضعيف قدامك ادهالك، ضيعتها انت بأيديك، ومن غير تكليف مش هصفالك، خلصت أعذارك معندكش حل، جدك وهزارك بقى عندي ممل،  محدش بيقدر اللي بيحبه أكتر، العذاب بأنتظارك أنا أفضل أقول هيتغير، بس مصمم على اللي في بالك، بدون مقدمات هتغير، وهتعلم القسوة ما ده علامك،  الشوق بيترد عليه بشوق، وانت بترد ومش فاهم كلامك، قفلتني وخلتني أفوق، علي السد أكتر وعيش في خيالك،

أغنية واقف قدامك  واقف قدامك بتشحتف، والأيام من عمري تقطف،   أمتى بحبي تعرف، أمتى حبيبي ياترى، واقف قدامي الناحية دي، وبتتكلم كلام عادي، مش هو ده مرادي، قاصد ترجعنا لورا، كل الحدود بنفسك بتحطها،  حتى الردود مش في وضعها، انت حالتك حالة، متأخره لأ متدهوره  انت بتقول بلسانك كلام،  وعلى طول تنساه بعد ما بتنام،  تصحى بالسلامة، تسأل ايه اللي جرى عارف معندكش خبرة، بس بنشوف بالأفعال عبرة،  قلبك ده خرم إبرة، مبيعديش ولا الهوا  شايف فيه قبول، بس مصيري يا خسارة مجهول، لو عندك حاجة قول، ليه بتعيش السيطرة

غنيوة أنا جد الجد  أنا في حته موقف، متحسدش عليه  ومش عارف أتصرف، وأنا قدام عينيه  اهزر كده ألطف، يرد يقولي ظريف أحب بمعرفتك أتشرف، أحب نتكلم نتعرف،  يقولي خليك خفيف، الكلام دة مليش فيه ، يهديك يرضيك أنا معجب بيك، وحياة عينيك  دي زي السحر اديني نص فرصة، أنا جد الجد مليش باللعب في الود، هقدملك عرض  وارميه في البحر، وديني أنا شاريك، الورد قدامه بيهتف، يلا اتزوق بينا وافق وعليه بيعطف، كسب ابن اللذين  تعالى وأعملك متحف، كده من الأشواق  أقولك هروح هستكشف، والف الدنيا وأصرف، أكيد مش بالأسواق، اللي يستاهل جمالك قدام عينينا، 

أغنية أطلع على المسرح تعبت من كتر ما بقول وأشرح،  وانت مش فاهم ولا عايز تعرف، انت ايه عندي وبالنسبة ليا اللي ناقص اطلع على المسرح،  وأحكي قدام العالم وانت تسقف،  تفتكره تمثيل ومسرحية لا نافع تلميح، ولا بكلام الحب كله أصرخ، واضح وصريح، بين ايديك أنا أهو زي هدية، سكت من كتر الكلام اللي اتقال، وقولت بكرة يحس او حد يوضحله، ويجري أوام العمر بيا فكرت يمكن بيحب أكتر الافعال، عملت الحلو والعكس وكان كل رده،   ربنا يكرمك دعوة عادية 

أغنية بشبه عليك  بشبه عليك احنا نعرف بعض، مش كده  لأ ريحني وقول بجد فيه بنا سابق معرفة، فيه بنا حاجة كنا قريبين أو حاجة زي كده  ليك صورة جوايا شوفتها بمرايا او في منامي متسغريش كلامي شايفك قدامي  من سلامك ومن سلامي حاسس بألفه، دي مش صدفة، اعذرني بس أنا بنسى الأسامي، بشبه عليك على ملامحك ريحتك، العرض والطول  مكسوف والله اني ولا عرفتك انت أنا فعلاً معقول، فاكر اخر مرة شوفتك على حقيقتك امتى ماتقول  مكنش ينفع تكمل تبديلك كان أمر حتمي و إلزامي 

أغنية فاكرنا أخوات  هو اللي مش بيفهم الحنية، ممكن يفهم كده من النية،  ممكن يحس كلام في أغنية،  ما تقولوا يا ناس بتعبروا عن الأحساس بأيه بعمله كل حاجة مخصوص، وليه هو بالذات  شايف انه كده محظوظ، بوجودي جنبيه  بس أنا منه تملي مفروس، فاكرنا أخوات  بديله في الغرام دروس، بينساها هو ليه  اللي بعمله أبداً مش عادي، وهو عارف ومتأكد  بيكون ساعات رايق وهادي، طب بيتغير ليه بيتوه ويبعد وهو قصادي، زي واحد متوحد كلمة حلوة وكلام بيعادي، اوام يرجع فيه

ثانية واحدة نفهم، شايف جنة بعينيا،  ثانية واحدة نتعرف، انتي مش عادية، بريئة رقيقة نقية، زي ماية معدنية، واحدة بالأخلاق ديا، ثروة قومية،  أعملك في قلبي، قصر ولا متحف  بنت جميل قلبها أصيل خوافه حبة وبنت حنان،  نهر النيل عامل تقيل مسافة الدلتا لحد أسوان،  ثانية واحدة أرجوكي، خليكي قد المسؤولية،  بلاش روحك تكشف، عن جمالك للدنيا ديا، فيها ناس حقودية، مية في المية، عندهم نظرة ردية، تحرق الماية، مهما حاولت أصدها، بدالك مش هعرف

أغنية بقلب الأحزان  بقلب الاحزان وإزاي لا بتدوب ولا بتوب  ولا عن نيتها راجعة، بقلب السكر بالشاي يدوب و أوام ينوب  عن طعم المر بسرعة، ليه الحاجات الحلوة بتختفي، بتسيب أثر صحيح  بس خفي، اللي منها يتبقى، يفتكرنا سرقة، وشعور زي الورقة، يتمحي بدمعة أو يتحرق من شمعة ليه الحاجات المرة مش بتكتفي، الا بجرح صريح  قوي وعفي، وبسرعة تترقى، قاسمه وشقه، مفيهاش شفقة، بعنيها لمعة على أرواحنا الضايعة 

أغنية جوك غيوم  الشفايف الحلوة ديا، بتضحك هي ليا، ولا بتضحك عليا، مش عارف الغية معزة ولا محبة، فهمها حاجة صعبة، كل الأبواب متواربة، والحقيقة وراها غايبة يانجوم بعيدة، الحيرة كبيرة تتحكي في سيرة ومشاعري وحيدة، الشيلة تقيلة، جوك غيوم قلبك مش مفهوم  ودي حاجة أكيدة،  قولت مية أغنية، قدمت قلبي هدية، ولا اديتني أهمية، أبعد تلوم فيا اللي بينا شبر، مرسوم بقلم حبر، زي اللي عليه ندر، يختبر فيا الصبر