أشعار الأراجوز

مبقتش عارف، أنا اللي بصعب على الوحدة، ولا هي اللي عليا بتصعب،  ومين بقى من التاني خايف، الوحدة مش إحساس، لما تختفي الناس، بالعكس لما أكتر من قريب،  يبقى موجود بتبقى أصعب، أنا كنت إمبارح وحدي ونسان، وفي نفس الوقت ونفس المكان، النهاردة لقتني واحد تاني مني  تملي في حيرة وقلقان  وأهو عدى إمبارح والعمر كبر، من إمبارح للنهاردة إزاي قدر، يغير أهدافي الوقت مش كافي  وليه مش زي صبر نفس مشواري هو هو كل يوم، ترقص لوحدتي بالنهار النجوم، فين المشكلة وليه دلوقتي السما طول السنة غيوم لو مرة بصيت ليا في المرايا، اللي كان بيغني زمان جوايا، دلوقتي سكت بيحكي حاجة غلط مش هي دي الحكاية 

طب وحياة اللي ع الحب جمعنا، حياتي من غيرك ولا ليها معنى،  وقلبي بمين غيرك فرح وغنى،  في كل حاجة بنتشارك، في الأكل والطعم والشكل، حتى وقت قله العقل، لوننا واحد وقت جنوننا، متفقين على اللي بيعجبنا، متفقين كمان في أسلوبنا، اتنين زينا متلاقيش، لما بنتصافى واحنا بنتعارك، طب وحياة اللي ع الحب جمعنا، حياتي من غيرك ولا ليها معنى، واحنا بنتمشى في الزمالك، وعلينا الليل قرب يميل،  وقعدتنا تطول قدام النيل، وبنا طبق ترمس يكفي،  وكوز درة عشان يدفي، وانتي نايمة على كتفي،  وتردي تقولي لأ مفيش، بعد مية كلمة مني مالك، طب وحياة اللي ع الحب جمعنا، حياتي من غيرك ولا ليها معنى، ونلف في وسط البلد، على فساتين لسه البياعين،  متعرفش ليه أي عناوين، ويصبرنا اتنين آيسكريم،  ناكله بسرعة مستعجلين، ما المحلات قدامها ساعتين، وأقولك انتي متعبتيش، تردي أوام أستحمل يا ولد، 

علشان تاني يرجعني، بيعمل حاجات بتبهرني، الشهادة لله  عنده أفكار بتعجبني، وبعد اللامبالاة  بقى بيهتم بالتفاصيل، أينعم كله تمثيل  ما عارف ايه جواه، ومحاولاته بتحسسني  إني لسه فارق معاه، مهما يتشال ويتحط، وبعدي يتسوح، كان ممكن اللي بنا يتصلح،  بس اللي ع الجرح ملح حط،  مالوش بس عندي غير عندي، و جر تحتها خط  هتعمل عمايل وسحر، عشان أرجع، هقولك ردي والرد متوقع، روح أشرب من أقرب بحر، والسكة اللي تودي للبعدي،  ملهاش تمن ولا مهر

بيبان قلوبنا اللي بنسيبها متواربة، لناس شايله مشاعرها في علبة، لكدبة في هيئة ناس محبة،  بنعيش معاهم حياة صعبة، محبتنا في قلوبنا منهم أوام تتسرق، أيوة اللي متعلمش من سنين الصبر، واللي لسه معرفش  مع الحب مينفعش  احساس ظلم وكبر ده يستاهل الحجر، على قلبه بكل الطرق، وفي العذاب يتفلق، اللي ياما عملنا ليه وسوينا البدع، هو اللي سوانا على نار الوجع، ومنع عنا الفرحة أو شويا دلع، يمشي وعايزنا نستناه لو رجع، ويفكرنا بألمنا واحنا عايزينها تتحرق،

كلام كتير سنين في قلبي كنت شايله، والصبر كتير عليه فضلت ضمه وأحايله، ما هو مستني زي يشوفني ليك قايله، ولما قدرت في يوم واتكلمت، كان ردك عليا فيا لومت، ليه قولت، وبحبك ليا أعترفت،  فتحت قلبك و واجهتني،  استنيت كلمة بحبك مني زي ما بتحبني، ياريتك مع صبرك كملت، ليه قولت، ياريتك سكت، أيام وأحلام حلوين ليك معايا رتبتهم، واستنيت عينيك تشوفهم فيا زي ما شوفتهم، كان عندي أمل كبير جوايا بعد ما عرفتهم،  تكون حلمت زي ما وصفت، بس بردك عليا أنا اتجننت،

عايزاني بجد يعني انتي جد وبتحبيني، معلش سامحيني لو شوفتي في عيني، كام نظرة شك ومقدرتش كده أبطل ضحك، طبيعي يبان على ملامحي شويا دهشة،  أصلها مفاجأة كبيرة مفيهاش مناقشة، إزاي عايزة و إزاي برضه بتسيبيني، انتي هي اللي بدل المرة مية كنتي بتبعديني، حبك جوايا لسه حي، سنين رايح جي، نازل كده في قلبي أكل، معروف من زمان المبدأ، اللي عايز يتصدق، يقول كلام يخش العقل، عايزاني بجد يعني انتي جد وبتحبيني، معلش سامحيني كنت فاكرك بتشوقيني،  و وخداني لعبة وفرصة متشاله في علبة، طبيعي أقول كلام مفيهوش ريحة اللهفة،  ما بانت زمان عليا وكنتي بتاخدي لفة، إزاي عايزة وانتي تملي بتنسيني، انتي هي اللي بدل المرة مية كنتي بتلاوعيني،

انت على ايه بتتأمر، قول مرة لنفسك ركزي، اللي في وضعي و مركزي، معاش ولا كان اللي يجي عليه الزمان وفيا يأمر، ده يقف قدامي متسمر، وعينيه في الأرض تصور،  ولو معندوش من الأحمر، يجي لي هنا أنا المركزي،  احطه في الزيت يتحمر، شايف نفسك على ايه، وبتشوفها على مين، علشان عملنالك حساب، واعتبرناك من القريبين، دلوقتي عيش في اكتئاب، لما عادي تتساب، ما احنا اللي غلطانين، لما عطفنا عليك سنين، اللي يشوف نفسه، وعلينا يحلو دقيقتين، نديله دروس صغيرة، ومنستناش متشكرين، النجوم العالية المنورة، من غيرنا إحنا السما، ملهمش لازمة ثانيتين، يعيشوا عمرهم مضلمين،

لو انت عندك وقت، وتحب نتكلم دلوقت، معنديش مانع، وافتكر كلامنا هيبقى جد، كلام حد لحد، مش أحبة من هنا وطالع، بعد ما عقلت وانت فقت، واترد قلبنا الضايع، اللي بنا يعنى هو الحساب، لأ مش عتاب،  أدوار الملايكة اللي لعبناها ياما بجدارة،  علينا مش لايقة، دلوقتي ما الدنيا دوارة،  معاك أيوة فيك جرحت، بس انت دبحت،  قلبي بدم بارد، زي اللي يكون مستعد، واقف ليا بيعد، الغلط وأنا مكنتش قاصد، أيوة غلطت وليك اتأسفت، بس مكنش الواحد، يتخيل يدوق طعم العذاب، من حبيبه ويتساب،

بقولها ومش بخبي، قدرت الحياة تفرقنا،  و لبعيد تبعدنا وقدرت انت على فراقنا،  بس لو لدنيا أحكام، قافل عليك بإحكام،  هنا جوة في قلبي، ملهاش على حبي ليك كلام،  خيالي ملكي أنا، بغنيلك كتير فيه طول لياليه،  حياتنا في الخيال ليها معنى، لسه بنا كلام، نكمله لما ننام، ميعادنا في الأحلام، هتيجي وأنا هستنى  مهما اليوم طال، دايما بنا وصال،  بتقابلني في الخيال، طول عمره مجمعنا أيوة يا حبيبي، الناس اللي قابلتهم، ولا شوفتهم بشوفك انت في كلهم، وطيفك عمره ما غاب، لو النصيب معاك خاب، برضه هتفضل حبيبي، وأغلى الغاليين وكل الأحباب، خيالي ملكي أنا، وانت معايا فيه وتملي ماليه، أسرح يا خيال يلا و قولهم،

عايز أبطل كلام إزاي، ده أنا عندي كلام حلو كتير،  جوايا يخلي قلبك يرفرف ويطير، وأنا بقى كده لسه مقولتوش، خليتك تحكم وتتحكم، يبقى بعد اذن قلبك ترحم، وتؤمر ماشي بس بالمعقول، مش حب قراقوش  حبيتك أوي ومستسلم، يبقى براحتي أقول وأقسم، وتقول ماشي كده على طول، كلام تاني مقبلوش  ودلعي ليك قدام الناس، بتتكسف منه يا سلام ووشك يحمر،  لازم الكل يعرف أنا حبيت قمر،  وفيه اتنين هناك لسه معرفوش،

اه يا كداب، بتقولي نرجع زي الأول اتنين أصحاب، ونقفل الباب، قدام شوقنا اللي بيسوقنا كده للعذاب، معروفه الأسباب ليه مبقناش أحباب، بس من أمتى واحنا كنا أصلاً أصحاب،  ده كله كان كذب في كذب، قصة رايحة وجاية،  ما بين شد وجذب، اتنين كانوا جوة دايرة، وكل واحد فيهم حزب، اه كنا قريبين،  بالأسم وبس لكن عن بعض احنا بعيد، قولي لمين، في الضيقة بروح مكنش انت بالتأكيد،  ولا أنا كنت أول واحد بيخليك سعيد، وأهو احنا الاتنين فشلنا في الحالتين،

الليل فاتح الباب، والسما كلها ضباب، والندى مغرق كل عربيتي، واللوع فيكي غلاب، والنهار يطلع بحساب، دقايق معدودة لو جيتي، انتي كده في سابع نومه،  وأنا ويا الشوارع المهمومة، اصحي اتونسي بصوت سومه،  بلي ريقي بكلمة واحدة مفهومه، دلي طريقي بإتجاه ولا بمعلومة، ومطر غسل المدينة من حزنها معدومه،  وبرق و رعد لاموا فيكي يجي ١٠٠ لومه،  وانتي ولا هنا ولا قامت لك قومه، انتي فوق هناك نايمة مدفيه، بأحلامي الكبيرة الناعمة متغطية، وأنا مستفرد الليل بيا يبكت فيا،  بتحبها ازاي يابني دي بايعة القضية، العشاق بيستنوني ومن العشا هي، بتنام ولا على بالها حتى التمثلية،  حبك ليها لا شاف الشمس ولا سهر ليا، جايبالي الكلام يا روحي حتى وأنا لوحديا،

اتولدت حر، مع اني اتولدت بالأمر،  طب ليه العمر، بيمر طعم مشاريبه المجانية، مر في مر،  وفيها الحرية، زيرو في المية، جنبها موجود سكرية، فاضية وخالية، عمر يزيد وينقص نقص، وده مش سر، يعني كل حاجة بالعكس عايشين بنوزع في أعمارنا، وبنبقشش بيها على دلعنا، صاحيين زي ما نمنا،  وكأن أيامنا محسوبين ملايين،  بندفعها للدنيا تبس ماشيين بندوس في حزننا، اللي عشش جوانا و ذلنا،  ومين داس عليه مننا، طول عمرنا رايحين و جايين، في سكك حديد وبس خيال ولا علم، الاتنين زي الفيلم،  فيهم بقى الحلم، ظلم  وحمل فوق كتاف، صاحبه وهم، ومنه بخاف، وفشلي اكتشاف،  جوة منه يتشاف، ومش إنصاف، يتحكم عليه دايماً بالحبس، ويتقاله أتلم، يفضل متكتف بالجبس

بفكر في حاجة كده، وعندي ليه فكرة، أروحله بكرة، وأقوله أسمع يا انت، لا أنا مشغول بيك، ولا بفكر فيك، ولا هموت عليك، ومش بحبك على فكرة، ومش مطير من عيني نومي،  ولا بستنى بوست ولا ستوري، ولا بعمل ريفريش في أحوالك انت بتغش، يعني حبك بيكش وبقى أمر صوري،  ده حنيني ليك جابلي الكافيه، يادوب بفتكر أسمك بالعافية،  زي ما بيا بتلعب من عينيا أنا هكدب، ولا هقول بتعب والحالة بنا صافية،

لمن يهمه الأمر، لو حد موجود يعني، أهو بكتب وبغني،  يمكن ألقى اللي يسمعني، ويقرب مني، ويهون عليا كده المر اللي حط بنا حدود، واللي دخل معايا تحدي، واللي أكلمه رقمه مبقاش موجود، واديني بعدي، شايفني ازاي مبسوط، وكل شيء مظبوط، اللي عايز دكتور عندي، هفرح ازاي وأنا لوحدي، لمن يهمه الأمر  ومين غيري معني، بفرحي ولا بدمعي، الكل شاف همي، سابوني وبعدوا عني،  واللي قرب بص ومر،

أنا بكلمك الساعة دي، طبعاً فاكر عشان وحشتني، جامد انت ومش عادي، شوف ازاي قفشتني، بكلمك طب انت فاضي،  ولو لأ برضه مش مهم، علشان بس المرادي، الحوار بكلمة هيتلم، جوود باي جوود باي جوود باي  ايه رأيك في الكلمة دي، جوود باي  ياحب العمر بقولهالك بالعربي سلام سلام،  و بالانجليزي يا اللي كنت عزيزي باي باي، مفيش بنا كلام ولو اتقابلنا مرة في الأيام، متمدش ايدك للسلام ومفيش بنا حتى هاي،  جوود باي يا وجع السنين ندم قلبي لما إداك احترام، اديت لحد ما تعبت وبكيت وقولت جاي، ولو انت الأحلام هكمل عمري ومش هنام، مش هعمل زي النعام فوقت معرفش إزاي، جوود باي  وقفلنا خلاص وهقولي وأنا بشرب الشاي، اتوكسي بقى يا نفسي لو في اللي جاي، لقتني حنيت ساعات ده بسببك باخد مسكنات، فرق بنا في السرعات انت يادوب وأنا هاي،

بتشكي لطوب الأرض، بتبكي وعيونك مدمعوشي،  فاكر هتهز وأهتم، واشتري بقى الوهم،  منك كده يانجم، فهمت متأخر ومش مهم، قلعت خلاص طربوشي،  أنا معاك بعاني، وانت في عالم تاني تاني، تيجي بسيب مكاني، وانت فاكر روحك ملكاني، بايعك والله مجاني، خسارة فيك الثواني ثواني، بتمثل وتعمل عرض، والفرجة على كدبك بلوشي، ما الناس كلها عرفاك، دي من زمان كشفاك، روح هنا وهناك، أطبع تذاكر ربنا معاك، من حكاياتك مشتروشي،