أشعار الأراجوز

أنا عايز أرجع  و انت كمان  طب ليه بتسمع  لفلان و فلان  انا لو هرجع  لازم ترضى  تبطل كدة تسمع  لناس مرضى بطل تدي ودانك لحد دة يقول رأيه و التاني يرد عشنا محنة البعد بكلامهم  اغترقنا احنا كدة بسببهم  بطل تسمع بطل بجد ايوة عايزين نرجع  لبعض تاني  وايه اللي يمنع  هما تاني  دة الفراق بيوجع  قلبي و قلبك  بص لو هنرجع  عايزك لوحدك 

يخربيت الضحكة ديا  مش هقولك  عملت ايه فيا هسيب الناس هما بقى يحكولك  مش معقولة و مش عادية بصوا بتضحك  دي تاني ليا ما خلاص واقع في عرضك و طولك حبيت لأ لأ انا عشقت  هاتولي الأغاني  يمكن فيه وصف تاني  أعرف لأهلي  أوصف بيه حالي  طبيت أنا ولا رشقت  تايهة المعاني  ولا حاجة كدة موقفاني  على رجلي  غيرك انتي يا حلالي تعالي قربي شويا وريني كدة العيون بقى ديا لأ كدة كتير دي كل حاجة عجباني  خافي عليا و راعي  احساسي وقتها  و دارعك في دراعي  و اعملي خير و قوليلي بتحبيني تاني

هو انت فاكر قلبي ايه  قولي كدة و وضح لي  يعني هو لعبة و بتلعب بيه  ممكن أكتر تشرح لي مش انت حبيب زمان مش انت  اللي كلك حنان لأ مش انت  اتغيرت لأ انت كدة من الاول  و ملكش عندي تاني أمان  كل فترة حاجة بتبان كل فترة شكلك يدي غلبان و دي كدبة لا يمكن مع بعض تاني نكمل  مش انت اللي حبيته زمان هو انت كنت قاصد تجرحني  ولا كان ايه الموضوع  تعلقني بيك و عمرك ما تريحني  عايش ف حبك موجوع 

بحبك هدوء الصبح قبل الناس و الزحمة  شايفك هدية ليا من ربنا نعمة و رحمة بحبك شروق الشمس تقول للفجر روح  حاسك فرح و جاي و حاجات تاني أحلى يا زينة الحلوات  حبك شهادة ميلاد يمحي اللي فات، يكتب لشوق ميعاد دة العقل يوزن  كتير من البلاد و جمالها هي يوزن، كفة الميزان ف المزاد بعشقك منظر النيل و فيه المراكب الملونة بتنفسك نسمة هوا جاية بس ليا حنينة و اللون أخضر دليل و في عينيكي روح  بحسك بحر غريق خطر للكل الا أنا 

بعد ما العمر بيك يمر  هتفتكرني و تعيش متأثر هتدوق المر و يسألوك  هتقول دة سر و عليا تتحسر كانت واخداك أوي الجلالة و على أيامنا قولت قواله  و الله العالم مين الظالم  عشت مغرور و حوالينك هالة ازاي الحال دلوقتي مال  يا عيني معذور و في أسوء حالة كانت أيامي مش عاجبه  ياما أحلامي أعتبرها لعبة كنت مسالم مكنتش فاهم  اللي يحب يبقى عجبة عايش خايف واضح شايف  يا عيني والله حالتك صعبة 

دي الجنة من غيرك دنيا  و الدنيا بخيرك جنة الأرض تبتسم تتحنه، و انتي ماشية عليها دة الخير جواكي خير و بغير يا ملاكي الصغير من العقد الفضة الأخير، تملي حاضن فيها هي واحدة وبس زي الشمس  تهمس ارقص  تحيني باللمس بيها أتنفس  هي واحدة و لكن جمالها ساكن  وجدان الأماكن  تخليها كائن يسمع و يحس دة الكون بدونك ما يكون  أكون مجنونك أكون  عادي كله يهون، قدام اللي عيني شيفاه  دة العمر لوحده بيمر و المر حلتيه بالأمر و البلح أصبح تمر، و القلب حبك بس كفاه 

بندور على بطل يملى عينينا  مش كومبارس يتغير علينا عايزين حاجة بجد تستاهل  عايزين حاجة حلوة زينا مش بالعدد  لأ بالمدد جرب تقع  و الدنيا تبقى حواليك هدد و بص شوف مين السند كفاية ندخل حكاية ورا حكاية، خسرانة  وواضحة من البداية  كفاية نسلم لقلوب كلها متاهات، على عمانا و نستنى أجمل نهاية  بندور على إنسان مش ملاك  أكيد هنلاقي هنا أو هناك  أيوة كل دول انصاف حلول  الدنيا خلصت لأ مش معقول  مش بكترهم  لأ بقلبهم  حسوا وجعك  داوي أنت كمان جرحهم  يتحسب بالدهب تقلهم 

سهرت كدة الليل بطوله  أفكر في كلام أقوله  يوصف عينيه شفايفه و خده  رد الكلام  و قال أنا مش قده  سألت كل واحد جاني  تعمل ايه لو في مكاني  و دة كله جه لحد عنده  سكتوا أوام  بصوا لبعض ولا ردوا أيوة بحبك و بموت فيكي، مستعد أموت  لو دة يرضيكي  دليني بس انتي على السكة، اللي في  أخرها عينيكي كلمت نفسي و كله بسببك  وحياتي كدة ما أنا سايبك  دول عيونها عايزين يتحنوا بكحل دهب  هيتعمل لمين أغلى منه  كل اللي شافك بحياته حلف  ما شاف عمره ولا زيك عرف  و كلهم بسرعة أتمنوا ما عليكي الطلب  كتبوا شعر و قاموا غنوا ايوة بحبك هقولها تاني، ايوة انتي  اللي مجنناني  دي الرقة و معاها ضحكة، لسابع  سما موصلاني 

حبينا أيامكوا مع انها بيني و بينكوا ولا تتحب  عشنا احلامكوا و حلمناها أحنا بدالكوا من القلب  حاوطونا بسلاسل من دهب  اه دهب بصحيح بس سلاسل  خايفين منكوا بتقولوا حبنا تعبكوا و كله كدب  خدوا دهبكوا و معاه عذاب عتابكوا  لينا رب  حبيناهم محبوناش وقتهم غالي عمرنا ببلاش  حبيناهم محبوناش وقتهم غالي عمرنا ببلاش

شوف شوف  أنا كام مرة عديت لك غلطة و أنا صابر و ماله أهو أعمل معروف  مالهاش لازمة تاخد اللقطة ف كل موقف تعالوا شوفوه هنعقل أمتى و نكبر بقى  و ليه انت عايش كدة بتدلع حتى ف وقت الجد طب بجد لازم نلقى لمشكلتك حل  و تركز بقى أنا كلي خوف  دلعه يزيد تاني شويا و أعمل ايه ساعتها معاه  السبب معروف  ما أنا اللي دلعته بأيديا هنشوف ايه أخرتها معاه 

قدرت تبعد قول والله  قدرت تبعد لأ برافو و شاطر ما كنت بتوعد و تقول والله  و بعدها تخلف و تقول مش فاكر كلامك زي قلته، تبله و تشرب مايته  قدرت تبعد و خلاص أتغيرت، قويت و قلبك بقى وحش، طب معلش  أصلي افتكرت، قلبك كام مرة ندم على قلبته الناس عليك بتعيب، ميه مرة قولت هتسيب  و بترجع تبكي كدة و تعاني  تصعب عليا ترجع تقوى، طب أبقى  قابلني تاني، لو أفتكرتك من النهاردة مليش حبيب 

فرحتي لما بشوفك مبسوطة بتخليني ماشي برقص  ضحكتي اللي مش بتطلع غير بيكي بتزيد ما تنقص  تدوم الفرحة دي ليكي و عليكي  تدوم يا روحي ما تخلص دي علشان هي تفرح، أعمل لها قلبي مسرح  أضرب لها الارض، البور... تفور بالورد تطرح دي علشان بس ضحكاية، احكي لها على حكاية مش مهم تضحك، عليا... ولا ليا سعادتها كفاية دي علشان تعرف تحلم، أسهر لها الليل أتكلم  أوصف لها حبي، ليها... يلهيها و بقلبي تحلم 

أنا الوحيد اللي عارفها و أكتر منها بكتير حافظها بطلوا تقولوا عليها كلام  و في حالها كل واحد يسيبها هي بس اللي خسرت، و في حكايتنا ياما تعبت  ذنبها الوحيد أنها حبت  واحد زي كداب  لو هقول قد ايه ضحت، قد ايه  يا عيني صبرت  و عمرها بكلمة واحدة ردت  لما ساقتها العذاب أنا أقرب واحد من حكايتها و أكتر واحد حاسس بخيبتها كل اللي عنده كلمة او حاجة نصيحتي ليه في قلبه يشيلها بتلوموها عشان هي سابتني  و عاشت حياتها عادي بعد مني  معقول صعبان أوي عليكم أنا مبسوط و أنا شايفها فرحانة و بتغني ليلاتي مع كل واحدة بخونها مش فاكر امتى كنت بصونها ليه الكل شايفني ملاك  و الكل نازل عليها بيدينها جرحوها أكتر بكلامهم، كلام فاضي  دة مقامهم  أسف أديت الفرصة قدامهم  يظلموكي بدون أسباب 

هسيب بيتي و مكاني، و انزل الشارع  أتلم ع التايهين و أنضم للمجروحين وأحلف ما راجع  غير لما تتحقق الأماني  قررت أعمل ثورة، توصل لقصورك  يخافها حراسك و ياخدني حصانك  يعديني حصونك  دة حبي يستاهل المحاولة أنا هشكي قلبك لقلبك  و بعلن احتجاجي  دة أنا كل احتياجي  أسمع كلمة منك بحبك أنا حاسس الخطر حضر و انت ولا همك بارد كدة عليا دمك و على دموعي المطر ستر أنا مهما قولت تعبت  هكمل عشانك  لحد ما يغلبك حنانك  و يقولي توبت ما اتحملت 

مش هخبي عليك، أيامي كلها بعدك  عايشها بدور عليك  جوة الصور و الوشوش، و كل واحد معرفوش  سألته برضه عنك لو هكمل وحيد انا راضي  بالتأكيد هيكون فعلآ أحسن، من أي حب جديد أنا هموت و أعيد كل الماضي  و بالتحديد ضحكتك ليا مثلاً، و انت جاي من بعيد مش هضحك عليا، و أقول ممكن يرجع  بس بعمل اللي عليا هعيش على ذكرياتنا، أنساك مكنش اتفاقنا و في كلامي مش برجع هش هتكلم كتير، و انت أكيد عارف  سيرتك هتيجي بالخير هتفضل أيامك دايماً، أحلى أيام طبعآ مهما زادوا المعارف 

تسمحيلي بكلمة معلش أنا مش ذنبي  أني واحد معندوش خبرة أنا مش فاهمك  تعب أوي معاكي قلبي  و بقيت في الحب عبرة تعبت و احتارت لحد ما لقيتك، سكت ولا اتكلمت  قدام عينيك  خايف مكونش اللي عايزه ليك، و خايف أقولك  قد ايه حبيتك  فيه ناس كتير جنبك و حواليك، بينادوا عليك  زي ما ناديتك مستني اشارة و انتي مستنيه اني اتكلم  طب قوليلي ازاي و ايه الأمارة بتعامليني عادي  و من عينيكي بتقولي لي اتعلم  أبص فيهم أشوفك زي محتارة 

قلبي يا فرد حمام  ليل نهار طيران  مكتوب عليك الهروب، يصطادوك لو تنام  قلبي يا فرد حمام ضربه تيجي من قريب، و قلبه فجأة من طيب  و عدم أهتمام  موجود طب تمام  قلبهم دة زي قفص، بيقولوا معمول من دهب  جناحك لو مرة رفص، بيقولوا حالك ليه العجب  خيانة لا تجلي ولا تخيب، و لبانة أصله النصيب  و قله تقدير واخد من دة كتير جنبهم انا دمي أتحبس، بصوا لي بنظرة غضب  بلاش نسمعلك نفس، حسوا أني قليل الأدب  كتر الصحاب دة معناه، كتر العذاب و المعاناة  و الناس تفضل  لحد ما  الوجع يكمل  و أنا قلبي عمره نقص، معشتش ولا يوم منه  و انا قلبي قام رقص، معشش بحلم بعيد عنه  كل يوم نفس النظام، أقوم كدة زي ما بنام  طاير طيران  و لفين  أنا حيران 

يا أم العود مشدود ع الشعره مظبوط فيهوش ولا غلطة، زي بحر من غير شطوط يلا دة العود عايز يدق ليكي و جاهز ممنوش أي فايدة، الكسوف يا ست العرايس انتي اللي بحبها من قبل ما أعرفك  انتي اللي قلبي حافظها صم  صورتك في خيالي و ممكن أرسمك  شايفك قدامي لحم و دم يا أم العيون راسية يشوفوها يقولوا قاسية  مبيفهموش ف العيون، دة بحر و مالوش مرسى  يا ام الدلال و الدلع  ف قلبي الشوق اندلع  ميطفهوش غيرك انتي، من حسنك قلبي انخلع

يا قلبي ياللي دايب  يا حبيبي اللي غايب  أمتى تيجي لمكانك  لحضني انت سايب  يا حبيبي ياللي غايب مين ممكن احبه زيك قولي فين و أنا أقابلك  قولي يا حلو على أسمك  ياريت لو مرة تجاوب  يا حبيبي ياللي غايب  اتمنيت طول عمري أحب، و من بين القلوب هو قلب  حبيته و وراني الغلب  قلبي على أخره جايب  يا حبيبي ياللي غايب هعيش طول عمري أحبك، و أتمنى أفضل جنبك  و أهدي شبابي لقلبك  لو بس انت حابب  يا حبيبي ياللي غايب  دول كتير سنين دليل، على حبي ليك يا جميل  مستني مرة ليا تميل  هحبك حتى لو شايب  يا حبيبي اللي غايب أفتح دراعك ليا و خدني، أسمح لحضنك يحضني  رجع لي اللي راح مني  الوقت ضدي محارب  يا حبيبي اللي غايب 

و لسه الشوق كأنه في أوله  لسه شايفك زي أول يوم  دة مهما السنين عدوا و طولوا حاسس كأنه عدى بس يوم قابلت العيون دي و عشقتها، حبيت الحياة دي فا عشتها حمدت ربنا أني شوفتها، و خطفتها وبقت ليا بيزيد الحب مش بيقل، سنين مع بعض  و قلبي ولا مل  دة أنتي ملكيش حل، ست الكل  في عينيا لسه احساسي بيكي حبيبتي  زي يوم ما جيت لك أتقدم  أنا كل ما بعيش معاكي حبيبتي  بيحلو أكتر حبك كل ما يقدم 

جاي تقولي ايه  انك خلاص هتمشي  و مستني مني ايه أفرح بكلامك و أطير و كلمة خلاص اتفقنا و ربنا يوفقنا، و نتمنى لبعض الخير اقولك هتوحشني كتير  و تقولي أنت معلشي  أنت واضح خلاص واخد قرار،  فكرت و أختارت  يبقى مالوش لازمة تبان منهار،  و قد ايه تعبت  انت هتمشي خلاص قفلت الباب،  رفضت انا ولا وافقت  يبقى مالوش لازمة أعرف أسباب،  و أشمعنا دلوقت  هتفارق طب تمام  أصله دة بان  عليك من أيام يعني مش مستغرب  صعبان عليا أيامنا  و كل أحلامنا، معقول بعد ما نقرب  فجأة نشرق و نغرب  نصبح في خبر كان  عايزني عليك أتحايل  لأ أنا مقبلشي  أصل دي مش عمايل  كل أتنين أحباب  أنت شايف لك شوفه  و مشاعرك مكسوفة، خايف من العتاب  خايف تبان كداب  بقولك لأ متخافشي 

هلف و أدور ليه  ما شوفت الحب في عينيه  اللي بتتمناه فيا تلاقيه  قالت كلامها من غير كلام  دي حاجات تتحس  من بين السطور تتقري بالهمس  لولا انها بتتكسف بس  كانت أوام قالت أحلى كلام مفيش زيها، أنتي أكيد مش من هنا، و الأكيد انك مش زينا ملاك من زمن المعجزات  مفيش زيها، دة قمر و عايش وسطنا، دة حسك واخد بحسنا معاك أنا حاسس بحاجات الصوت دايماً ع القد و بكلمة واحدة يحمر الخد مالهاش دعوة ابدأ بحد بحبك أقولها أشوف كسوفها مفيش أحلى من دي عيون  مفيش لا قلبات ولا جنون  دي قليل عليها كله الكون  لو بس تشوفها زي و تعرفها 

أنت ازاي فرحان و بتغني  و أنا منك زعلان  لو دة بقى جنان فهمني  أنت ازاي عايش و متهني  و أنا بسببك حيران  ايه فيه ايه سكت يعني دلعت سعادتك و أنت ولا هنا أشتريت سعادتك بدل فرحتي أنا كسبت قساوتك أكتر من الاول  و يا قلبي خسارتك معاه تكمل ازاي بعذابي سنين ترضى  شغل ناس عاقلين  ولا دة شغل ناس مرضى  ازاي بدموع العين أرضا أنا و قلبي المسكين  و تقول الجرح يومين و يهدى 

من و أنا لسه شبرين و شويا من الحضانة لحد الكلية منعونا عن الحب، قالوا الصبر هدية دة كلام  الوزارة له أولوية وزارة التعليم بعد التربية علمونا في الكتب، قصص حب أسطورية سنة كاملة لقيس و ليلى  قصايد شعر عنترة لعبلة روميو و جوليت  خلوني حبيت  بس ما لقيت غيري حواليا حب الطفولة قالوا فيه قوله، يخلص كدة بسهولة حب المراهقة قالوا طب و المذاكرة، أستنى غيره بكرة حب الشباب  قالوا أكبر سراب، خليك مع الصحاب  يا حب دة وقتك  استنيت كتير سعادتك  قالوا مش لوحدك عديت أنا سن العشرين بحبة و في قلبي فيضان محبة من أول القصة، لأخرها الوحدة صحبة و اللوم عليا جابوه الأحبة مش عارف يحب و حالته صعبة و كأننا لسه، في ايديهم للأسف لعبة أيام حابة تجيب محبة نحب لما يجي لهم الرغبة كلمونا عن الحب  ما علمونا نحب  و أحساس القلب لسه بالعلبة 

بيقولي لما تحب كدة بعدي  هتبقى تعرف كويس قيمتي  طب بس هو حبك يعدي  و أنا هتصرف دي مشكلتي  كفاية حبك  اللي زهقني ف عيشتي شايف نفسك أملة شايف نفسك على ايه  قلبك دة ولا يسوى، عندي كدة بجنيه  فاكر روحك نعمة حلوة جداً و تجنن  عندي ليك بس كلمة، روح ربنا يحنن بيقولي حنية الدنيا كلها فيه  شكرا يا سيدي على المعلومة مع أني مجرب و قلبي شاف بعينيه  فعلاً حقيقي و حاجة مفهومة ماتخافش على سرك  في بيتها و ملمومة 

عايزك تكوني حياة، قلبي راضي لو تاه  عايزك أرضه و سماه  عايزك تدوقيني الحنية أنتي اللي معاها عرفت للشوق معنى  و كلامك الحلو والله دة كتير عليا خلاني لأول مرة أشبع رقص و مغنى  ياللي معاكي عرفت أنا قيمة الحرية عايزك تكوني لي قمر، لليالي طويلة السهر ف عينيكي أشبع سفر عايزك تكوني ليا عايزك تاخدي يدي، ع الجنة نمر و نعدي  لما تلمسيني هدى  دة أنا قلبي ضعيف  عايزك تفتحي عينيا، أشوفك تملي حواليا خافي شويا عليا دة أنا نجمي خفيف عايز شعرك ضفاير، أعيش فيه حاير الف الف ف دواير ما أطلع منها ابدأ  تفهميني من عيني، زي طفل بتعلميني  عايزك أوعي تسيبيني  و تحبيني كدة دايماً 

مش مشيت طب ألف سلامة و أوعى ترجع بقى  مش نسيت طب والله بأمانة  بدعيلك تجمد كدة خليك قد عندك قد كلامك و وعدك  أوعى ترجع في دة مش قولت فيا و فيا و فيا قولت دي حاجة مش طبيعية طب تعالى حط عينك ف عينيا واجهني لو تقدر و بس قولي انا غلطت في ايه  مش قولت اني بجد وجعتك  و قولت كلام كتير بيه جرحتك  شوف اللي تشوفه انت براحتك  و صدقني هحترمك لو كملت باللي مقتتع بيه مش شهدت علينا كل الناس  مين غلطني قولي يا أستاذ أنت جواك نية للزعل و خلاص  حاببني تشوفني بعتذر على حاجة معملتهاش 

الكل بيقول سمع هس  داخلة المزيكا عالية بيتس  كلهم خلاص بقوا ملوك  كلهم خلاص بقوا أشباح  المجال باظ منك له  يا سعلوك  سلمع بس صوت نباح أنا واحد عادي بس بشرطة بشر شر شر شرطة تيجي معادي تبقى ف ورطة ورط ور ور ورطة انا بحط الزبادي ع الأونطة أخدك في طنطا تاكلها تقول ايه الجمال دة من غير دبابير بس نسور لوحدنا لجنة شرطة تيجي مشاغب تظبط ظبطة انا واحد عادي بس بشرطة ابويا مجابليش شقة  امي مجابتليش عربية  أنتوا كلوا بالأسم أشقا  أنتوا ف الفعل ازازة فانتا  زعلت مني سلامتك يا بطة  من غير ما أتكلم أنا معلم  باصم ياض عليك و معلم  شايلك فوق كتافي زي الموج  أغرقك في ثواني في المحيط  ركز فوق منك له  و لو معوج  أعدلك متعملش عليا حويط 

أنت ياللي هناك ايوة أنت  ماترد عليا و قولي  كنت مبسوط أمتى  أنت ياللي في المرايا و شايفك أنت  ليه فرحتنا تملي  ناقصة كدة حته لو بالكلام تخف الجروح  كان الكل كلم نفسه، مكنش عاش مجروح  مكنش بان أسفه،  روحنا بقت زي الخردة، النار لا بتنطفي ولا بتهدى  الفرح جوانا عايز يبوح  و يعبر مرة عن نفسه، أنت ياللي هناك رد يا أنا  لو هتكدب ع الناس  مش هتكدب عليا أنا  أنت عايش حكاية خلصت من سنة  لسه مصدق الأحساس  و مالي الدنيا غنا 

قهوتي باخدها ع الريحة صاحبتي الحقيقة الصريحة من غير لا لف ولا دوران، ولا تخفي نص و نص بس يبان  بحب القعدة في روقان  فرحتي بيكي تبان  في الأول بس خفيفة بعد شويا واضحة و صريحة  عايز أحكيلك حكاية، و قصة لواحد لسه،  محدش عرف  ايه جوايا،  قلب موهوب بالتخفي قلب حنانه يكفي  و حب مالوش نهاية  عايزك من البداية، تعرفيني جامد و تحبيني، قلبك خطف  كل هوايا  قلب لسه بشوكه  قلب عايزك تدوقه محدش داق هنايا الشاي بشربه خفيف  الجاي ممكن مخيف  و ممكن يكون بيكي أمان، لو ببعض نحس بالهمس حنان  مش مضمون معايا الزمان  بس هكون إنسان  على أحساسك هضيف  لمسة ربيع مش خريف 

قطر الحياة خرج  من يوم ما الولد أتولد، تسابقه ما تلاحقه  وراه من بلد لبلد و العمر ياما ضيعته  و ضاع الزمن في الشجن، تهاجمه و تفاجئه  و ياما قلبك فيه أتسجن كفاية خصام يا ناس كفاية معارك، كفاية تسدوا لبعض الطريق السالك، و ياخدكم في عمركم عشم  الأيام  لسه قادرة بين الناس تصالح،  المهم  أنت يا عزيزي مش مهم المصالح، و دة عمره ما يبقى غشم  حبوا حبوا النهاردة متقولوش بكرة، يمكن  بكرة تبقوا كدة ذكرى على فكرة، كله يخلص كله يتحسم الدنيا دي قصيرة و ليه نعيش سنين مليانين، كره و زعل  و شايفين دة كله و ساكتين  في لحظة نخلص  و اللي انتهى زي اللي ابتدى، و مفيش أمل  غير الرضا أعرف كدة و في الدنيا تعاتبوا و تسألوا كالعادة فين السعادة، و تقولوا ليه  الطعم سادة بزيادة و بتدوروا على السلام  في عيون ليها مية لون، و مش عارف ليه  الحنون تشوفوه مجنون 

متقولوش أن دول  رموش  متقولوش ان عمرهم  مقتلوش  و راح فيها قلوب، عشان لمحوها بس يادوب  متقولوش ان دول  مجرحوش  و معاشوش ع اللي عشقوا و اللي معشقوش  دول منها ف الدروب، عشاق زي أسرى الحروب فيه ايه بس ياروحي  مالنا و مال عينيكي  دة منين ما أنتي بتروحي  نلقى القلوب اتعلقت بيكي أسمعي بس يا صبية رافع رايتي و مسلم  أبعدي عني عيونك شويا خليني مرة أعرف أتكلم  اللي بيعشقك مالوش ديه  و عشقت خلاص مستسلم  يا صاحبة العيون الشقية امتى قلبك عليا يسلم 

هي بتضحك لي كل كام سنة يادوب بس مرة و تبكيني أيام  بلمسة تحلي  سنه هنا  العيشة المرة و ترجعهاني أوام  ترسمني أحلام، و الرسمة أوهام  بسألها أنا ليه كدة تقول أنا حرة و ليه أنا مش حر، و ليه بوحت بكل سر و ليه في عز البرد، و أنتي جنبي الجو حر و ليه أنا مش حر و أبقى زيك كدة مرة أتعامل معاكي بمزاجي و كيفي  زيك بالظبط و قدك خوفي  على راحتي  أكون معاكي و برضه أبقى برة هي بتقولي  كل الناس هوا و أنت اللي جوة و الوش بشوش  كدب بالمللي  و زي الدوا ليه طعم و قوة بس مغشوش  أوعى متخدوش، صعب متصدقوش لكدب صدى  و بكل رضا تقول أنا حرة و ليه أنا مش حر، و ليه أعيش كر و فر ولا تقصد تكدب بجد، هي كدة طبعها مر و ليه أنا ف العمر مبقاش زيك كدة مرة أعرف أزعل أقدر أقسى  و ف سكتك أفتكر و انسى  براحتي  تقولي هزعل براحتك أنتي حرة 

عارف أنت مين أنت ملاك بجناحين  خالي من العيوب جالي بعد سنين  كتير من التوبة شايفك أنا بالعين جنية و ليها قلبين  حيرني المحبوب قدرني يا معين  ما هقول توبة والله دة كتير عليا ما كنت أحلم أطول  بقول خسارة فيا يقول اللي يصبر ينول  والله خايف عليه  يقع فيا ما يقوم  و يدوم ظلمي ليه  يقوم مطمني هو كل يوم دة حظي للدرجادي فاقني أوي المرادي  دايماً حب المحب ابدأ ما كان عادي  عالي زي الجبال  حبه ليه قوة و أنا لا حول ولا قوة حلمت أني أحب خوفت منه هو في قلبي زلزال 

عايز أبقى شبهك، أقابل الشوق بالبعاد و قلبي يتعلم منك، أعامل الحنين بالعناد أنا عمري ما هبقى زيك  محدش علمني أبيع  ولا حتى هبقى نصك  القسوة دي صنعة طول عمري خايف منك  قلبي معاك بيضيع  تطمني بضحكة طب هقولك  الضحكة دي مصطنعة كنت تيجي تشوفني زمان، الضحكة مكانتش بتفارقني  دلوقتي ايه الأحوال، عايش بس  علشان تضايقني  ينفع كدة أديك أمان، و أنت خليني أخاف  أنا عامل زي الجعان، لما اشتراك  اتعشى حاف كل مرة أقولك فيها بحبك، ترد  تقولي و أنا كمان  و لا مرة حسيتها من قلبك، ولا من  عمايلك اللي بتبان  قاسي أنت في كل تفصيلة، قاسي جدا في الحنية و الغيرة عندك معايا حاجة رهيبة، في قلبك  غباوة كبيرة 

الصبية اللي هناك اللي بتصب الشاي  شغلوني عيونها اللي زي القمر كل سنيني و كل عمري اللي جاي  اديهالها لو القمر بس أمر قالوا من القلب للقلب، الأحساس واصل  و اللي حاصل، غرق القلب في الحب  و ضاع مهما عليه أنادي يا قلبي يا هناك لو تعرف بس ازاي  تشاغلها و تشغلها في ليالي السمر زودتي حنيني شوفوا بتبص لي ازاي  نظزتها تطرح في قلبي ورد و شجر هو أنتي مين ملاك كدة للحبيبة عشان مستحيل تكوني زينا بشر ازاي شايف في عينيكي دول طيبة و أنتي ملامحك كلها كيف الغجر شايفك أنتي حبيبتي، و النجم اللامع  بيغني و سامع، غناه و رضاه بطيبتي ما أنتي ليكي حبي و ودادي أوصلك فين دي حاجة غريبة و ازاي صيفك يبقى برد و مطر أنا خايف لتطول بنا الغيبة و أفضل عايش تملي في خطر 

مش خلاص أنت جرحت  طب عايز ايه  ولا جرحك لا كفاك ولا اتبسطت  و جاي تدوس ع الوجع  مش هتسيبني غير لو مت قلبك أسود كله غباوة، جواك غل كدة يوماتي  تملي بيزيد ما بيقل  جاي تخلص  مني القساوة، واحد فل زي حالاتي  واخده بذنب الكل  قلبك أسود مينفعش يداوى، ولا ليه حل وحياتي  ياريت ما حبيت ولا حاولت مش عليا أنت قولت  اللي نفسك فيه  و أنا يا خسارة من شهامتي سكت  و حبايبك قالولك جدع  يارب تكون كدة أرتاحت 

اللي شافوه أتأملوا عيونه دول يجننوا و اللي شايفين نفسهم دلوقتي مكسوفين من نفسهم  جريوا أوام و أتأسفوا طب جرب تقرب، قرب قرب  دة أنا قلبي يا أبني منك متكهرب  لو تعرف تهرب، أهرب أهرب  هتلف و ترجع حاببني و تبقى أقرب يا روحي بطلي تتقلي  دة أنا بقيت ف حبك  درويش أنا و ولي  طالبين مني البركة  ما أنا حبيت قلبك  عندنا ف بلدنا سلو  اللي زيك كدة حلو  يتعمله مزار و مقام و دة اللي زار ما قام  الا وهو كله حلو  طب تعالي شوف، شوف شوف  أسمك على قلبي بالدهب حروف  مفيش تاني خوف، أعمل معروف  دة انا في حتتنا بأخلاصي معروف 

الناس وقت الزعل بتبان  يظهر سرها  و تعرف حقيقتها مين قاسي و مين غلبان  خلاص عرفتها ايه حكايتها دة حنين و دة شيطان  تفرز قلبها  خبثها من طيبتها  الطيب طيب في خصامه، مش الحلو كلامه  الطيب طيب كل أوقاته  بلسم وقت عتابه  الطيب حبه طايب  قريب حتى لو غايب  الطيب لبن رايب  يهضم الزعل قلبه لكل أحبابه المعيب يعيب على حبيبه، و هو العيب عليه  المعيب يغيب كدة ضميره  يشوف بس اللي ليه  ملعب أندال و عقارب  يلعب يعمل مصايب  يحكي لكل عايب  زيه الكلام و أصله يبان عليه 

طلبنا حب من البحر جالنا قلب موجته عالية مالوش شطوط و غريق  مفيهوش ياريت دي مغامرة خدنا بسرعة نفس، ما دمنا هرب و أتحبس مش متأكدين أحنا جنننا ولا سحرنا بسحر سكنت ف أفكاري، و بالطبل البلدي، خرجت  و محاوطاني جوة داري  استخبت أتاري، جوة قلبي، رسمت  على حيطاني سهم بأسامينا و ازاي و ليه اداري، فاضحني حبي، حبت  هي أوطاني رسيت ع المينا نورنا قلبنا كدة للقمر روقنا نفسنا و عزمناه عليها معندناش أغلى منها معدناش خايفين عليها وعدنا بألف وعد، و وعده مفيهوش رد بقينا متأكدين احنا يقدرنا قدرنا على السهر 

مين يصدق أنا عمري ما قولت لحبيبي يا حبيبي مين يبدأ  كان دة سؤالي دايما و كان دة عيبي بحبه بس مقولتلوش  حلمي قدامي صورة و صوت  حلمي قدامي لكن بموت  إني مرة ملمستوش  بيني و بينه مفيش  يادوب خطوة بس الناس  خد خطوة حرام الأحساس  ينزل على مفيش  ممكن عادي  اخد قرار جرئ و أروح كدة و أصارحه  يمكن عادي واخدني اني صديق و ساعتها مش هسامحه 

في العشق دخلنا معارك  فيهم اللي كان فارق، و فيهم كويس انه فارق  و مشي من غير حتى سلام  في العشق كلنا محتاجين  قصة تعوضنا كل السنين، قصة نكون فيها مرتاحين  نتفهم بنظرة مش لازم كلام طالب مطالب بسيطة شويا صغيرين شوق من عيون بتروق بالمزيكا  يا دنيا كوني وسيطة بينا و بين الشوق يكون حنين علينا سيكا  في العشق كنا فاكرين  هبقى كدة من الفاتحين، بالورود يستنونا ف الميادين  و طلع دة كله ضرب خيال  في العشق لقينا حالنا  بنحب و نعشق على روحنا، ياما لفينا جينا و روحنا  مستنين حبايبنا الجمال

عايش بقالك قد ايه من غير ما تسأل ليه كل القلوب مصاحبة و كل واحد و ليه صاحبة طب و أنت وحيد ليه الحب معايا لا خد ولا رد  الحب معايا راجل و بخيل  واخدني معاه لحيطة سد بخبط راسي فين ميراثي يقولي وعد نتقابل بليل  اروح المكان مشفوش حد  كل يوم حبايب يتواعدوا لا يتفارقوا ولا يباعدوا و قلبك محافظ على وعده مش قادر على بعده ولا حظك باليك بيه

الطمع في حبك فضيلة ما شفع في بعدك النسيان  بعشق فيكي كل تفصيله  دقات قلبك بسمعها ألحان  الكدب في حالتي نجاة، ما القلب دلوقتي غرقان  بعت حب و الرد ما جاه، تايه أنا فيك توهان الفتنة بجمالك بقالها تمن  و أمتى حالك يشبه حالي  أنا بجمالك قلبي أتفتن  لا خوفت ولا قولت انا مالي  السهر ليكي طول الليالي، و السفر في عينيكي أزمان  يحلو بيكي تملي موالي، يا قمري يا أبو ضحكة جنان 

مليش في الحظ حظ ولا عمري ما ليا معاه نصيب  عقلي في قلبي وز بيعايره ياللي ملكش حبيب يا حظ مضروب بالنار انا منك قولت جاي دة لو بنا تار كنا ممكن نعمل قعدة صلح  يشوفني يفرفر ينهار انت لسه عايش ازاي يخربيتك جبار دة انا مانع عنك أي فرح على يدي ياما حاولت  و رجعت بوحدتي و خيبتي  مهما عملت أو قولت  مليش نصيب أقول حبيبتي   و ليه يا حظي معاند عايش حياتي و فقري  الفرصة تقرب تباعد وقع من رأسي شعري وليه يا حظي الكنز مدفون في صحرا الوادي  لابس بنطلوني الجينز و بعوم و التيار معادي 

ماشي مغمض وراك  يا أبو الحسن رباني  القلب دة علمنى معنى الجمال  و عليه رباني  من سنين انا معاك  و أقولك ايه تاني  هو الناس اللي زي تقدر تقول  ايه على ملاك لايق عليكي تكوني شمس نورها ولا ينطفي  لايق عليكي تكوني قمر في عز كحل الليل  و تكوني ورد لا يموت ولا ريحته فيا تختفي  لايق عليكي كل اللي اتقال لايق على الجميل ماشي و مسلم ليك  و مش محتاج أحسبها بعد ما عشت في جنتك انا لا يمكن أسيبها خليني قدام عينيك  خليني أعرف أحاسبها دي غيرت فيا حاجات و احلام  و أحلوت بيك أنتي السعادة الحقيقية اللي بيقولوا عليها عمرها ما اديت للحزن إذن ولا عرف  عنوان ليها 

دولل مالهم بيا الناس  داخلين كدة في حالي  و أنا أصلاً من الأساس  معرفش انا ايه مالي  هيجرى ايه  لو كل واحد مالوش فيه، يخليه بس في اللي فيه  و يسيب كل واحد على راحته  زعلان ليه  او فرحان فرحان ليه، في الحالتين أنت مالك يا بيه ما تسيب كل واحد براحته ما أنا لو حكيت  كله هيعمل مسمعشي  أخرهم لو مرة بكيت  يجوا يقولوا معلشي  عايزين بس يعرفوا  و يحكوا للي معرفشي  ما انتوا لو بتطمنوا  كان قلبي مخافشي  أنا لو عايز أفضفض  قلبي بس يحس بيا  لكلامهم بكبر و بنفض  محدش بجد سمع ليا  بيحسدوني قال ع الفرح  و بيتكلموا كتير عليا  و أغلب الوقت أنا في جرح  و بسببهم بكت عينيا 

أنا عمري ما قولت كلمتين حلوين  لأي بنت طول السنين  دلوقتي أنتي أغلى الغاليين  بقيتي عنواني يا أمن مواني هقول و أعيدها بحبها هي ولا حد غيرها، هعيد و أزيدها  دي هي دي كل الأماني  بتقولي عيدها الكلمة دي عايزة أسمعها، بحبك هقولها  و أغنيها كدة في أغاني  دة عيدي عيدها يوم ما أمسك ايدها، مشاعري هجددها  ليكي من وقت للتاني  أنا عمري ما حبيت قبلك أنا و الحب أسمع عنه في الغنا عشت معاكي كل الهنا من مكاني خطفني في ثواني أنا عمري ما حسيت قبلك مشاعر و بلقاكي قلبي بقى شاعر قدام الناس عليكي بشاور دي اللي عجباني للجنة وخداني 

الغالي يكسر و الغريب يداوي  و بالوقت ايه اللي بيحصل  الغالي يبقى غريب و الغريب يصبح غالي الحكاية مش بالعشرة، دي باللي يستاهل  يعني بالأعمال مش بالنوايا دي النية خير، بس الفعل غير حبك كان سر، ولا ذاعوه بالنشرة و يتعاد المشهد و الغاليين الجداد دلوقتي جرحهم فيا يشهد دايرة و فيها محبوسين و مين فينا أستفاد النهاية لأي علاقة، مالهاش أي علاقة غير بالأفعال من البداية حد خلاك أمير، حد رماك في بير قلبك كان طير، اصطادوه من ع الشجرة 

مشوفتش زيك أتنين و الناس منك غيرانين  ايه كل الحلاوة دي  دة جمال ملايكة و عليه مش متعودين هو أنتي بجد مش عايز أسمع منك رد خلي قلبك هو اللي يرد مع أني عارف الرد ايه  دة الكلام عن الورد ميعرفش يفهمه أي حد ميعرفش يشوفه حلو بجد غير اللي زي بيشتغل فيه  هو انتي بجد و دة مهما هيكون الرد قولي أنا قلبي مستعد قولى انك مش خيال مشوفتش زيك عيون وصلتني لحد الجنون  سلمت لها كل حياتي  تلونها بعيونها هي بكل لون 

الحياة احتمالات  و أنت لوحدك يجي مليون احتمال  أحتمال تفوق  و إحتمال ممكن يفوق قدرتك ع الاحتمال  احتمال تجرج  و احتمال وارد تنجح الأجابة هي السؤال احتمال تكون مش عارف  ليك عيون و مش شايف  تحب مشاعر طالعة منك  و مش شاعر برضاها عنك  احتمال الشوق ياخدك لفوق  و احتمال كبير تفضل خايف احتمال تكون مش راضي  تلف تفتش في الأراضي  تسأل الناس اللي معاك  عن الأحساس اللي جواك  هتلقى رد أو تلقى رفض  و احتمال تلقى كله عادي احتمال تحس انك مسافر و مرة تجس النبض وافر يمكن تموت و أنت عايش  ممكن يفوت حزن طايش احتمالات كتير انك بخير جناح طير و بيه بتعافر 

و انا لوحدي مليش معنى  و الدنيا ولا بتحسبنا ولا بتعمل حسابنا هي بس بتحاسبنا على عمر و راح  أنا كنت صفر ع الشمال  و سقف الأمل مال و عدلتي الحال  لما جيتي في الحال  و بقيت مرتاح  في حياتي هتكون سابقة أصل أنا هبقى بيكي هكون أقوى  جوايا مش مفارقة روحي الأفراح كنت قبلك في الأيام  زي الشعر بدون الهام  مجرد ورق عليه كلام  من صبره حبره ساح  انا قبلك كنت بنام  بس نوم بدون أحلام  و مرة حلمت بس يا حرام  كان كله كله أشباح و لما قابلتك كان كتير شوفت اللي جاي خير عرفت عنك سر خطير بس بخبي و قلبي ما باح 

بعترف قدام نفسي و قدامهم  جاتلي كل الفرص و أنا بودعهم  أوجعهم... قولت ازاي لنفسي اذيهم  خوفت أنا و قولت كفاية عليهم  آوجاعهم... مفيش داعي  السكة اللي تودي  أنا دماغي  لا هتجيب ولا تودي  أنا راضي عن قراري  يعني هكبر و أعدي بفكر ازاي هعيش حياتي  براجع من تاني كل ترتيباتي  و أوقاتي... هيعملوا ايه ميهمنيش خالص  هما أحرار و أنا مش ناقص  وحياتي... 

طيف و زارني كام مرة في منامي  و من غير كلام  قام لمسني و خلصني من كل آلامي  فا فوقت اوام ناسي اللي مزعلني و راضي الحال  و أطيب مزاج مصاحبني و عال العال  ناسي اللي فاتني ولا ع البال  و اللي محيرني حقيقية هي ولا خيال  طيف و زارنى كام مرة كدة في منامي  زارني كل يوم  طيف حافظه ما انا شايفه في أحلامي  و قالت لي قوم  بصيت حوالين مني و لقتني لوحديا  كنت فاكر أني هصحى ألقاها حواليا  و لقيت غصب عني أنا صعبان عليا  علشان اكمني أتمنيتها تكون حقيقية 

زعلان مهموم و لأ مفرحتش  تعبان مخنوق اه ما أنكرتش  بس المهم بالرغم كتر الهم  لسه جوايا إنسان لسه ونسان  و الأحزان لو تكتر، في الضحك هكتر و بالفم المليان لأ منكسرتش باب هيتقفل  لسه فيه غيره ألف باب  مسيري هحتفل  و أفرح أنا من غير حساب  هفضل أحاول  و بعد المحاولة هحاول  لحد ما أنتصر أنا على كل العذاب مين قال  محروم الحنان ميقدرش يديه  نفس الحال  كلنا فيه و هنعمل بس ايه  لو تقدر تساعد يبقي كدة ساعد تتساعد تعدلوا اللي مال  سوا و تقدروا اوام عليه 

آه من عينيك بتحلي كل اللي جاي  و لو تعرف الضحكة دي نورت حياتي ازاي  آه أنا بحبك و بحب كل اللي منك  دي لمسة ايديك بنسكر بيها كوباية الشاي يا فرد حمام  طاير في السما و طاير يا حمام  فوق في العلالي  و أنا ع الارض ارئف بحالي  اسكني دة في قلبي عشك أتبنى  يا فرد حمام  معانا ربنا يبعد اوام  عننا كل شر دة في كتابك أنا حرف جر و معمولي عمل بعشقك أنا ايوة دة الشمس بجد ولا ليها لازمة ما أنتي بالدفا و النور ع الناس عازمة ايوة أنا حبيتك و منهم أنا رقيتك  و معايا أنا بس مفتاح الكنز و الخزنة طعمها كل يوم مختلفة في النكهة ساعة تلقاها حلويات و ساعة تانية فاكهة و دة أنا لو هقول فيكي أي قول  دة محدش في القوم بالجمال دة فاقها 

بلاش تحاول تدخل قلوب الناس بالزق  بلاش تتمسك بأي حد قالك مرة لأ بلاش تخسر نفسك عشان تكسب واحد أن جيت للحق  من الأخر كله واحد أشتري نفسك و بيع  اللي عايزك تضيع  اللي عايزك هيفضل، و التاني مهما تعمل  لقلبه فيك يبيع  يبقى منافسك الأول بلاش تعرف كل الناس نقط ضعفك بلاش و أفتكر كويس هيقوى بيها ضعفك  مش عايزك تخاف من الناس بس حاسب  كل واحد عارفك  هيجي ويقولك نتحاسب 

وحيد تملي و الفراغ كان معايا أجدع صاحب  صعبت على اخواتي قالولي طب  ما تصاحب  لا أنت فيك عيب و لا ناقص أحساس أو قلب  قولت في الحال دة انا العشق عندي للأحباب  لو كان أقل من بركان لو كان أقل من زلزال  لا يتفتح له الباب  و لا يتقاله يا مراحب في العشق أنا مجنون  ممكن في يوم الصبح أقوم  أحتل القلوب الفاضية أحتلال طيب، يعمر يطيب، يبني أهرام، و للمحبة مقام،  و الناس تنام هادية و راضية  في الغرام عمري ما أكون  مرة جبان و سحري يبان  و يعشقوني بالنظرة القاضية أمي قالت لي بص خد يا واد من  بنات خالك  يشرحوا الروح و فين ما تروح  تلقاهم خيالك  أبويا قالي بس عنك الحل في بنات عمك  كفاية بقى عناد دة قطر تذكرته بس ذهاب  و لو فاتك ميعاده مفيش غيره تاني ميعاد رد عليهم الصحاب  خليك علي حالك 

مسمعش صوتك تاني  علشانك أنت مش علشاني  و قبل ما تتكلم، سمي و سلم  المشاكل بتكتر، لما مش بتفكر ياريت تتعلم، و متتكررش تاني  يارب نفهم أنا والله بعاني  دة عصبي جداً  و مش قادر يسيطر على أعصابه  الكلام يطلع منه  من غير ما يكون عامل حسابه  يخبط في اللي منه  و يرجع يندم و يحزن  دة في كل المواقف  يقول كلام كتير مالوش لازمة  مع أن قلبه طيب   بس لازم تملي يعمل أزمة  و هعمل ايه أنا طيب!  بتفرج و أنا واقف 

حلاوتها دي الجريمة الكاملة و القمر يقولها يا قمر مش مجاملة مقدرش أقول هي ف القلب ايه عاملة دي حكاية كل ليل  و آية في التفاصيل  و يا قلبي ازاي سهولة سلمنا الحب حضر و لما أمر ليه استسلمنا و بسرعة كدة دوبنا قبل ما نخلص سلامنا شعرها أسود ليل  و سحرها جميل دة يتحب كل يوم، أكتر من كل اللي قبله  دة يطير النوم، بالأيام لو بس أقابله دلعك مالوش لزوم، أنا واقع ف حبك فعلاً حتى الشوق بيدوم، و انت معايا دايماً دة ملاك و قلبي حبه  و جديد عليا أكيد جمال قلبه  قالوا يحبه الناس اللي بيحبه ربه  و الكلام دة عليك  بالتمام موصوف ليك 

أنا مش هرد ولا هتكلم ولا أعاتب  دة أي رد ممنوش فايدة ولا لازمة قول اللي عاوزه بس المرادي حاسب  أنا على أخري وفي قلبي شايل و كاتم عامل حساب للعشرة و حاجات حلوة بنا لسه  عامل حساب أنت لنفسك بس والباقي انسى  هبطل أعاملك حلو و بطل كل مرة عليا تقسى و دة مش معقول قلبي يعملك خاطر و أنت على طول مش مقدر أهتمامي  كمل لوم وازعل كل يوم و خليك فاكر انا على أخري منك و منك فعلا يا ساتر

هو أسمر صحيح بس طيب  و دة أبيض مريح مش معقرب و دي مغرورة بس حلاوتها تشيب  دة مليان بالجسم مش بالحنان  و دة غلبان أو عايز كدة يبان  حاطين لبعض علامات  نازلين في بعض نعيب لو كنت تعرف تحب حد من غير تمييز يبقى عندك قلب بجد تستاهل لقب إنسان  حب الناس من غير شروط  بلاش ع الناس تحط ضغوط  بلاش تحط لهم عنوان   لو كنت تعرف تحب حد من غير تمييز دي حاجة سهلة مش تعجيز خليك بس إنسان اه دة غريب بس يأتمن  و دة فالسو عامل له تمن  و دي من الشام و دة من اليمن  و دول قرايب بس زي العقارب  اه حبايب بس الطبع غالب  غاويين في بعض نصنف غاويين نسعر و نتمن 

بتعدي علينا كلنا أيام  ساعات و دقايق  بنشوف الحقايق  نكدبها بالجملة عشان نرتاح  نهرب من الواقع بالأحلام  نلقاها مستحيلة ما باليد حيلة تصبرنا جملة محدش مرتاح عايشين احنا بشكل عام  وسط حالة وهم عام  عمر عدى... بكرة احلى  طب النهاردة... ليه ما أتعاش  راسنا في التراب زي النعام  وسط حالة وهم عام الحزن عدوى... ملناش دعوة بندعي دعوة... و ملاكنا مجاش نسأل نفسنا بدون اجابات  طب المسؤل  عن الرد يقول  يرد سؤالنا روح نام  عايشين في حيرة العلامات  نتعب نجيب  اللوم ع النصيب  راضيين بحالنا كدة و السلام 

آه يا روح الروح، آه منها كلمة لو بيها أبوح، و أقولك بحبك  الدنيا تيجي و تروح، تتلون في ثانية و الياسمين يفوح، و يرقص قلبك  هي واحدة و بس  تهمس  الأزض تتهز و غلبني حسنك من حسن حظي  كنتي أنتي حظي  و أنا معايا عذري  ما أنتي مش زي أي حد بضحكة الخدود تحمر، و بسرعة الشمس  تتحول لقمر، و ينور ليلى  الكلمة منها أمر، مفهوم الكلام  و لو عندي سر، هي بيري  ايوة هي الحب  و القلب  عمره ما كدب  عيونها دليلي 

ياللي واخدة من الجمال كل الصفات  لابسه سلسلة و خلخال من الدهبات  نفسي في دقيقة نتكلم فيها ساعات  قالت لي مليش أنا في شغل البنات صوتك زي العصافير على الشجر صورتك ليلاتي أحلى من القمر حسنك بدري في السن أنفجر دول غاروا منه و ذاعوه خبر دة الحب لو خطية، مين فينا منه معصوم  و يسوى ايه الجمال، لو في الكتب مرسوم  حبيت صبية واحدة، و عشقت أنا المقسوم بشم فيكي روايح من الجنة طب ليه يا حبيبي بتتأنى  حرام عليكي أنا عايز أتهنى و خير الأرض بيكي اهو جالنا قالت لي فيه ولد بعتالك معاه  سلامي دور أنت عليه تلقاه  ما أنا دورت سنين فين الإتجاه  ضاع السلام أصل الولد تاه شافني و فستاني الحرير على جسمي  لقيته ناداني بس ما قال على أسمي  قرب تاني قالي تعالي شوفي رسمي  دة كل الصور تضوي لو بس تبتسمي شبكاني بعشقك و دة اللي قلبي جناه  شكياني للبيوت و تقولي السبب أنا و أنا خلاص فوضت امري كله لله  بتلوميني ازاي و عينيكي هما الجناة بحلف أنا ليكي و بالعشرة دول  مع أول باب يكون علينا مقفول  لا أهز النخل بيدي يطرح و يقول  ما يحل حبكم و لو ...

دة العمر زاد و مبيقناش ولاد عندها لسه أمل بأيام جداد شايفين بكره و بعده لسه بعاد و رايحين كدة جايين يغنوا أنا و اللي زي  في نفس الحال  بكرة خايفين كدة منه  اللي عنده احلام  اللي عنده آمال  كل ما يكبر يبعدوا عنه إحنا عشنا عمر و تايهين لسه  دي راحت علينا أكبر فرصة مستنيين الأحسن و دي القصة خلصت كلها زي ما خلص سنه ضحكوا علينا زمان بكلامهم  ضيعوا علينا شبابنا بعلامهم  خلونا نعيش نحقق أحلامهم  ياريتهم كانوا سكتوا ولا زنوا  

يا قلبي يا مجنني، بقولك و بكل صراحة محتاجك تدعمني، و بكلمك براحة طار برج مني، و حبيبتي أهي مرتاحة دة جمالها قاتلني، و عيونها سفاحة ما نافع معاها سحر ولا طب ولا جراحة دي هي زي بحر تغرق لو خدت راحة طالب من عينيكي هدنة يا أم العيون نهار محاوطاني في حصار آه لو بس تغمزي  بتمحي من التاريخ وجودنا أوطان قلبي بتنهار بتقرق في الأمطار و أنتي عادي بترقصي ما قولت ولا فكرت، أسيبه مره لوحديه  بحبك أنا و مازلت، و أبطل أحبك ليه؟  كل الحكاية ما قدرت، قدامه أبص ليه  روحت أنا و طلبت، يرحمني من عينيه  لكن قلبي بيقولك  طول ما النفس فيه  هيفضل هو يحبك  و لو ع النار سوتيه 

أنا فعلا مقدرش أكمل يا حبيبي بالوضع دة ولا قادر أتحمل دة كان باين من الأول  أنا مش هعيش كدة البعد ليا هيبقى أفضل أنت عايز واحد يقولك على كله طيب  و أي حاجة بتحبها تبقى احسن حاجة ف الدنيا أنت عايز واحد عايش حياته مغيب  التفاصيل انت تحطها و ينسى أي حاجة تانية كان لازم البعد يقرب و لازم تزيد بنا المسافات  ندمت لما قولت أقرب اتمنيت لو أقدر أهرب  و هعرف منين شكل النهايات لو بس عمري ما أجرب كنت أحلى حب حبيته و في نفس الوقت جرح  ياريتني ما كنت أتمنيته ياريت سمعني قلبي ياريته ايوة عشت معاك فرح وبسببك برضه أنا نسيته 

أنا زي ايه انا زي البحر متشوفش من بعيد غير بس موجه  تدخلوا في قلبه من هدوئه تدوقوا لا يفشي لك ابدأ سر دة لكل بيتمنى عنده يقدر يسكن  بس هو مش في أي حد يحضن  قرب يا عوام انسى البر حاسبي يا بنتي البحر دة عميق  براحه واسع عمره  ما يضيق  حتى على اللي بيصطاد أحلامه من عيونه  متقدريش تاخديه مرة في حضنك النونو حاسبي لو أنتي ملكيش  في الغريق أنا زي ايه انا زي البحر حبه دة مالوش اول من اخر فاتح دراعاته للي جاي له مسافر مش للي بالصدفة مر صحيح هو بيبقى عامل للكل خاطر ولا يهمه المغرور ولا اللي عامل شاطر خليه يجرب قلبتي و هو حر 

عايز أسيب كل حاجة و أمشي  و ابعدها عني  والله مش استسلام مني  كل شيء بيزعلني حل عني  بقى و أرحمني  عايز أقوله أسف معلشي  سيبني في حالي أنا حالي ميهمكشي  مسامحك سامحني  المهم كدة تخلصني و تسيبني  مفيش حد ساهل، مفيش حاجة تستاهل  كنت فاكر غير كدة و عرفت اني جاهل  مفيش فرح كامل، مفيش فايدة تجامل  و تطبطب في دة و دة  طيب الكل عامل  حاولت كتير كدة فوق طاقتي  ما خلاص يعني  والله مش استسهال مني  دة غصب عني المأوحة بتتعبني  و عن الفكرة تشجعني  أفكر بس مرة في راحتي  لا أبرر و اكدب ولا اتخلى عن صراحتي  هبعد و اغني  مفيش فيكوا حد ممكن يرجعني 

أمرك عجيب مش مفهوم  بحبك أكتر من اللزوم  عشقك خطر و يحير تاخديني بالحضن دة المقسوم  تحبيني بطل و أنا المهزوم  و أقولك حبيني أكتر  ياللي بحبك يا جنة المغلوب  ياللي بشوف فيكي كل العيوب  جنة و نار الأتنين معقول!  أسالي قلبك يرد يقول  ابدأ عن حبي ما يقدر يتوب  أبص ليكي تقومي تضحكي  و بالضحكة دي فيا تحركي  كل المشاعر جوايا  تيجي تطبطبي عليا تجرحي  ما أنتي بلمستك بتدبحي  أخر أمل لهوايا  معايا كل الجديد بتجربي  أجري ليكي مني تهربي  عايزاني ولا لأ  عشقك خطر لو تعرفي  بخاف منك لما بتقربي  مخدتش معاكي حق 

يعني ايه ناس  يعني يبقى احساس  يمكن يقوي ضهرك  او يكسرك  و في أغلب الأوقات  هيوجعك صحبة أو وحدة، النتيجة واحدة، النتيجة واضحة شك في كل حاجة حواليك  معرفة او عشرة، أبصم بالعشرة،  الاتنين قشرة هتاخد درس يطلع من عينيك يعني ايه أصحاب  في الفرحة أحباب  في الشدة يودعك  يخسرك  و لما تعدي الأزمة يرجعك يعني ايه حياة يعني كلمة اه دي معناها موافقة أو معاناة نفس الحروف و أنت  يا ولداه 

دي ملهاش بديل  و الدليل هقول عليه و أثبته  لو عمري قليل  بيميل عليا أنا ليك هثبته  بيجيني كدة الليل  نيل خير لو هي بس حسته الدليل أن هي جواها خير، تلمحه ف العيون  تحسه ف الكلام  ينهي حروب يصنع سلام  الخد عليه تنام العصافير، تصحى ف الصبح  تغني تملي ترقص  قلبها الوطن و أرض الأحلام الدليل أن هي جواها حب، بيحبها الكبار بتعشقها الأطفال  تغير العالم بلمسة جمال  الشقيان يصحى من نومه محب، يعيش أفراح  ف الدنيا الجديدة الفلاح و العامل هما الأبطال الدليل على أنها هي مختلفة، النفسية شجرة بالنور طراحه  و الناس سواسية شبعوا راحة دي في الحنية تملي محترفة، طبيعة فيها بتغير الكون  تنام العيون مطمنة و مرتاحة 

انا عايز حاجة أنا مش عارفها اخطي بسذاجة و الخطوة اخافها عايز و عايز بس عايز ايه  ياريت كل حاجة تخليني اشوفها يا مجهول  بنده عليك في كل طريق  بفتش العلامات و الكلام و السكات  و معقول  اكون جبان بس برضه جرئ  بسأل الناس عني حاجات  و بقول   هعمل و هعمل بس رتمي بطئ  مخدتش من الدنيا أي اجابات عايز احب بس أعيش في وحدة أختار قلب و مش قلب أي واحدة عايز و جايز اللي بدور عليه  مش بيدور عليا ولا مرة واحدة عايز أعيش حياة كلها مغامرات  و للأسف مفيش بس أي مقدمات  أكون فايز باللي بحلم بيه  أنا أصلاً بخاف و باخد احتياطات

هي زي نسمة هوا في عز الصيف  هي الورد الطارح وقت الخريف  و أنتي الدفا للقلوب في الشتا و أنتي الربيع اللي بقى  زي الطيف زي فصول السنة دي حبيبتي أنا بس بشكل مختلف  عايش معاها ف هنا و أنا مبسوط هنا بحبها بصرح و أعترف  هي الجنة هي المنى و على عمري أنا محتاج عمرين سلف أوصف ازاي و ايه دي زي الحورية هي الحضن هي الوطن و أحساس الحرية دة كل يوم يزيد العتاب و اللوم  ع العمر اللي ضاع قبلك  من ايديا 

قالوا نتعب دلوقتى  عشان نرتاح بعدين  طب و بعدين أهو جه بعدين  و لسه بنتعب و معشناش مرتاحين كلام الناس أمثال شعبية كلام و خلاص بيهون شويا و في الاساس مش صح مية في المية دة كلام مكانه قاعدة عائلية ناخد اللي بيحبنا مناخدش اللي حبناه  و دة معناه هو يعيش معاناة هو يحبنا و قلبنا مش معاه يقولوا لازم تتجوز اتجوزت لازم تخلف  و دة تخلف اشتغل أتصرف  كلام ملازم و ناس بتخرف كلام الناس فاقد الاهلية داير الكاس دايرة الاذية في احساس كل واحد ميعشي بحرية خليكوا في حالكوا و سيبوني ليا

زمن الوحدة راح راح  زمن المحبة أهو جه  تمن الضحكة دي تفاح  بتعلم ف حبك ألف ب أفتحوا الدواوين ست الحسن الكوين  لسه عندها إضافة  أكتبوا يا شعراء بنت الناس الأمراء  جريئة بس خوافة أحسبوا السنين لما بصت لي بالعين  بستان رمان و جوافة  جرح السنين خلاص خف  شرح الجمال عايز كتالوج  فرح قربها مالوش وصف  براحة عليا براحة ارجوك 

أنا قلبي مني عمال بيهاجر  هاجر فوج ورا فوج  و عمر سني قطر بيسافر  سافر يوم ورا يوم  و أنا لساني زي ما انا مهموم  و أنا لساني عن الفرحة معوج  دي كل سكة تتراح روحتها دي كل حركة تتعمل عملتها  انا معمولي عمل و ايه حلها  ياريت تشوفولي طبيب ارواح  أنا حلمي عالي هادي و ساكن  ساكن فوق أوي فوق  و أنا عمري الغالي عايشه بعافر بعافر عوم في عوم  ازاي انساك يا حزن وانت اللي بتدوم  ازاي لساك يا بحر عالي الموج 

ياللي بقيتي عنواني  حضنك بيتي و مكاني  أفرش و أغني أغاني  و عينيكي اللي متوهاني  أحب أتوه مرات  مكيفاني و عشقك ما كفاني  طول العمر اللي فات  مش كفاية عليا حبك مش كفاية ليا أسرك  لسه أنا معاكي عندي آمال  لسه في هواكي ماواصل للكمال  لقيت قلبي أول ما قابلك من كل النواحي محاصرك كنت خايف من دة جمال  لمست الشفايف لقتني من الأبطال  ياللي أنتي فوق  لقلبي كنتي طوق  بيه العمر يروق  شمس وقت الشروق  تصبح عليا انا بالذات  أدوق عشقك يفوق في الطعم حلاوة البدايات  بحلم تكون نهايتنا  كلها جنون بدايتنا  الملل ما يعرف سكتنا  نعيش بس حياتنا  و حكايتنا تبقى حكايات  دنيتنا دي هي جنتنا  همسنا مزيكا كمنجات 

مسكين اللي هيحبك بعديا مسكين والله و صعبان عليا هيضيع و يتوه و هو موجوع  هيروح سكة مافهاش رجوع  و يا حرام الموضوع مش بأيديا دي واحدة غريبة دي واحدة عجيبة و فيها البدع  دي واحدة موهومة ومش مفهومة أكبر خطر هتتشد ف ثانية و تروح لدنيا تانية و كمل لو جدع  خلي بالك يا صاحبي من نفسك يا صاحبي  و خد حظر مسكين و أنا بحاول أرضيها و سنين بتعذب أنا فيها كداب و بيخم أي احساس  اللي بيها يحس من الأساس  و هربت خلاص و بقيت ماضيها 

تعرفي تحبيني حبة و لو شويا صغيرين  عيشيني يومين لو بس أنتي حابة تعرفي تسقيني المحبة بعنيكي الحلوين  بنسى أنا مين معاكي أنتي يا شابة لفيت كتير و العمر معايا داخ  شوفت كتير القلب عليهم ذاغ  دول قالوا فيا و طلعوا عليا سمعة الحب معرفتوش اتاريه كان نعمة و أنا ماشوفتش غير ف السما نجمة و أنتي عارفة و شايفة و كمان سامعة عيشت كتير وحديا على دة الحال  و ليكي القلب مال و دة مش بأيديا  و أنا لو عليا اتقالك بالدهب و المال  دة المزاج عال العال لو ضحكتي ليا  في الحب قالوا قواله من قبلينا  و كل ما تقابلينا نصبح في أحسن حال  و في حبك مفيش قواله كدة تكفينا  أنا و قلبي و عينينا نسيبك دي استحالة

كتير حبوكي لكن مش قدي  أنا يمكن أكون على قدي  و بيكي أنا أغتنيت  قلبي بيرقص لما عليكي يعدي  لما هواكي يلمس أيدي و خدي  و ليكي أنا غنيت  ياما في عشقك راحوا ولا رجعوا قولنالهم كتير بس ولا سمعوا و برضه مقالوش ياريت  ياحبيبتي بشويش أهدي و هدى  دة الحب صعب و أنا مش لوحدي  اللي قال حبيت ياللي أنتي زي السما صافية خافي يادوب على اللي حبوكي  ياعيون لامعة في نجوم طافية يا فرحة القلوب بيتمنوا يخطفوكي مستغربة إني بتكلم مش بس بأسمي  و بوصفك للرسامين علشان تترسمي  يمكن تاخديني ف حضنك  أنا معاكي بروحي أكتر من جسمي  وازاي سايبك بين حبايبك تتقسمي  و تسقيهم تملي من عشقك  مش بغير عليكي بشكل رسمي  أنا بس بغير عليكي من نفسي  عمري بيتحسب بحبك  و أفرح لما غيري يخليكي تبتسمي و أكتب أغاني و معليهاش أسمي  أسيبك تعرفيني لوحدك 

كنت عندي مهم شيلت بدالك الهم  و أتحملت فوق طاقتي  ضحيت بهنايا و براحتي  و قولت دايماً أنت عندي أهم  و  بعد دة كله قلبك قالك تقوله  كفاية بقى لحد كدة مشاعرك مش متأكدة و أهو جرحك بمنتهى النجاح تم يا حب أي كلام  و حكاية زي الأحلام شكلها جميل  وهي كوابيس و حاجة تغم  يا قصة كلها كدب  واحد مينفعش يتحب و من غير تطويل أنت واحد معندوش دم أنا شيلتك جوايا كنت بتنفسك هوايا و كله بالوقت بأن  الخاين عادي لو خان  و مشاعري ليك راحوا زي ما جم 

أوقات دموعنا بتريحنا و أوقات برضه بتفكرنا بذكريات صعبة بتحاصرنا من اللي جرحنا فاكرينه منين ما نروح  شايفينه تملي بالروح  واضحة الصورة وضوح  هو دة اللي وجعنا أنا زي المرايا بقيت زي ما هشوف منكم  حاضر هوريكوا من قلبي خلاص ناويت  انا السبب في كل التعب ابعدوا يا ملايكة بحاضركم و ماضيكوا انسوني تماما ياريت ساعات عيوننا بترجعنا و تحن تاني لموضوعنا و ياسلام لو اتقابلنا و الصدفة مرة تجمعنا و نكرر نفس الحكاية و نقرر هي هي النهاية لسه الجرح جوايا لسه الندم ما ودعنا 

و تعيشوا و تجيبوا في سيرتنا و نعيش و نسمع كلامكم و نضحك  لا هتكونوا سبب في حيرتنا ولا تقدروا على قلب في الحزن بيسلك سابونا زمان و مشيوا طب ليه بتناقشوا كل حياتنا بالتفصيل  عايش و بيعمل و بيسوى بعدكم بيقوى مالوش لا زي ولا مثيل أنتوا بالنسبة لنا ماضي  لا يشغل بالنا ولا يستاهل تفكير  يسألونا عنكم نقول عادي  دي ناس فيه منهم كتير لا فكرنا ولا هنفكر فيكوا نسينا امبارح باصين على بكرة عمرنا ما أتكلمنا عليكوا و دة الفرق اللي ما بينا على فكرة وليه بس ياحلوين بتسألوا عنا القريبين  منا على كل التفاصيل  مش قولتوا نسينا طب ليه بتدوروا علينا بلاش تقولوا تمثيل 

جرى ايه يا حزن مش كفاية كدة بقيت سجن و أنا فيه محبوس  عايز ايه يا جرح أكتر من كدة نهار الفرح مطلعلوش شموس نفسي ف أحساس جديد ياخدني معاه لبعيد ينسيني شويا القديم  ينسيني أني وحيد نفسي ف احساس مختلف يكون بالسعادة محترف  يوريني طيف الألوان  و الصورة في عيني تختلف نفسي أقولك يا زماني جرب دقيقة تنساني  و أعيش أحلامي يوم  و أشوف العيون حباني 

نفسي أدعي و أقول يا رب  و أجرب و أحب، لكني خايف بس  الدعوة تحصل بالعكس  و ليه أجرب و أدعي  و أنا عارف نفسي نفسي نحس  حالتي دي حالة غبية  بتمنى حاجات طبيعية  دايما كده ما بتحصلش  يظهر مش مكتوب ليا ولا هتشوفها عينيا  حالة دايمة ما بتخلصش  حبيت زمان نطيت و مطولتش  و للسما موصلتش وقعت على جدور رقبتي  أشتري مني دي حكايتي  السعادة متعرفليش مكان  و كفاية كلام عن خيبتي 

بيني و بينك يادوب خطوة بس حاسس  إني في قارة و أنتي في قارة بيني و بينك ظروف خطرة و أنا حابس  بشرى سارة و مشاعر حارة رميت مراكبي في بحور مجهولة، و شواطئ غامضة بنيت بقلبي بيوت معدولة، على طرق منحدرة حبيت حبي دة علشان ليكي، و قبلت المخاطرة بيني و بينك نفس الفكرة مش عارف  معنديش فكرة ولا بأيه ارضا بيني و بينك بخاف من بكرة و برضه خايف  من النهاردة تشوفيني واحد نكرة 

أسراني البنية دي و مجنناني  و كل حاجة فيها عجناني  هي الوحيدة من كل الدنيا فهماني جداً و عجناني عجباني لفة شعرها بالتوكة و عيونها دي محتاجه روقه  الجوابات منها تتقال أغاني  تاني لو هقول بهواها ميكفهاش احساسي و أنا وياها بحاجات كتير هي محسساني مأنساني هي و بيا بتحس أوصفها عمري ما اوصل للنص  و أحتارت فيها كل المعاني  بتعجبني لما من النوم تصحى بنية طيبة لكن ناصحة أختارت قلبي ما هي عشقاني 

حساني فارس على حصانه راكبة رسماني حارس واقف على بابها مصرحاني بحبها و دة ما عابها لسه شايفها ست الكل دي هي ساكنة في قصور العفة سكتها بكر للشفة والخجل شباك منه بتطل  دي هي اللي عدلت لي الكفة حبها روى و كفى  ورد الجناين ياسمين و فل محاصراني بعيونها من كل اتجاه  قسماني بجنونها طلبت النجاة محسساني ملك و عنده جاه  ألقى في قلبها أي حل 

يا ارض بكر متلمستش و نجمة ف السما متشافتش  غير لعيوني مظهرتش  و لسحرك أنا المكتشف  يا كنزي اللي متسرقش و عيون على غيري منكشفتش  و في حد قبليا محبتش يا حد غير و مختلف  آه يا استثنائي  و فين أنا هلاقي واحدة تانية زيك دة رأي نهائي  دول عيونك حلفائي أنت بالدنيا وحدك  عيون تضوي كيف النجم و شفايف لسه بالختم  و رموش توزن كدة الرتم  متحاوطين بطرحة حرير  و هقول ايه في الجسم بريشة فنان مرسوم رسم  و الطبع طيب بس بحسم  ممنوع اللمس و التصوير  الأولى في كل استفتا اخلاقها مش محتاجه افتى  شاهد عليها كل الحتة  كتاب و قافل على حروفه  توبها دة لوحده يزلزل تطلع الأرض و ما تنزل  حتى الحجر فيها يتغزل  ماهو لامح الطوب من طروفه 

آه يا دنيا جاية عليا، و أنا لا بيا ولا عليا  الحب فانوس بيدي لناس  بدون حساب و من غير فلوس  طب ليه معايا منحوس يا عينيا الحال العام مش تمام مش بخير مش كويس  النهار نام و الليل قام بيعايرني اني وحيد و معنس  الأهل نيام و الصاحب سلام راح لحبيبه فيه يونس  آه يا عروسة بحر جنية، و زعتي العشق و فين اللي ليا الحب كنوز عند الصحاب  و كل واحد بياخد زي ما بيعوز ليه عليا تلوي البوز كل شويا 

غنيوة  قواضي العشق سألت النصيب أمتى يصيب  وفي الحب اعيش  سألت النصيب مين الحبيب  رد وقالي مفيش  رفعت المشكلة للمحاكم المستعجلة بس الدور مبيجيش في قواضي العشق الحيرة تعم  وفي العشق انا لا ليا خال ولا عم  والغرام مسألة لازم لها واسطة وأطلع مين أنا لا حكيم ولا أسطى  مضيت الطلب وبعته بالبوسطة مستني أسمع أسمي وأرد بنعم يا قاضي الهوا أنا مجني عليا مستني النطق بالحكم في تلك القضية الملف قدامك مستوفي الشروط وخايف جنابك العمر يفوت  رد القاضي الطلب مرفوض  دة المذكور في الحب فاقد الأهلية أمتى طب يقول القلب  للعشق عاش  رد الحب مليش ذنب  والظلم بلاش  حبيبه جاهز هيجي له جايز بس ان عاش 

يا بياع الحلو راحت عليك يا حلو شوف حبيبتي أنا تملى دكانك ملو راق من الحلاوة و راق تاني بقلاوة و بين البينين طبقتين تزيدها غلاوة دة سكرك ملح  طلب بسرعة الصلح  في ثانيتين أتنين طلب منها علاوة كلامي لا هو مجاملة ولا اكمني منحاز دة هي في الجمال عاملة إنجاز كله متسجل بالتواريخ  و أحلى تاريخ يوم ما قلبي بيها فاز يا بياع العنب  شيله جوة العلب  أحمر و أخضر ألوان كلها قدامها أتغلب  التفاح فيها سرح  فا نسي نفسه و طرح  قدامها قبل أوانه شبع هنا و فرح  و لما مرة البلح  عندك جمالها لمح  و لقوامه قام انحنى له دة كان غيره فلح 

قصيدة  قرار سياسي  كان ياما كان مرة أيام زمان  كان عند أهالينا زمان عادات  اتربينا عليها وعليها الكل مات  بس دلوقتي ده كله كان  بعد ما جالنا حاكم كان علينا حاكم  فرمان منه وعنه بتحريم الحلال  وكان بيقول عننا كل اللي ما يتقال  ورضينا بالظلم من المحاكم والقصة بتبتدي يا جدعان  عندنا في أرضنا أحكام منشورة حكم ملوك العشق سلوك  على الراعية يتمنع  أسمع الكلام بقى يا فلان  الجنينة اللي جنبينا منطقة محظورة أصل الشبان والبنات كمان  حضنهم هناك يتسمع الحب أتحجب  على أيامنا وبقى قلة أدب  في زماننا وكان السبب قرار سياسي  الكون أتقلب  واحنا سلمنا تقدر تشوف الغضب  لو سلامنا مرة اتغلب عليه أحساسي  الحاكم بأمره نافذ أمره  وعلينا احنا العيب لما أستسلمنا و كان الوجع هو الجدع  الوحيد على مبدأه فضل راسي دي الحكاية وقت ويعدي  هيجيلنا في جيلنا ولد حر ياخد فرسه قدام حرسه  ويقول أنا أتولدت  في العشق يدخل تحدي  بالاحساس يعلن للناس عن السر في كل الأجيال الحب حلال  نعمة ربنا ياللي أ...

دة محدش غيري هيحبك ابدأ قدي  دة محدش هيشوفك جميلة كدة زي  لفي و روحي و عدي بحور و سور ورا سور قلبك عصفور هيجيبك عندي و فيا تحبي و بيا ترضي  دة محدش قادر يحميكي قد ما بودي  دة محدش غيري بياخد معاكي و يدي  لفي و دوري أهدي القلوب  و يتوب اللي يتوب قلبك محبوب  من الكل دة قدري بس عليا انا هتردي  تعالي و شوفي أبدي أحساسي  ناسي كل ناسي و على قلبك راسي  خوفتي بدري مع ان كلامي يهدي صوبت سهامي نشنت يا فالح  عالية أحلامي بس أنا مسامح  ما أنتي أحلامي و الحلم صالح  يلا نتصارح واعترفي بحبي 

يا حكيم دارنا مش طالب غير تفسير للي حيارنا  دول العينين  في الجمال مثلين  صاحبتهم مين  لو بنت من بناتنا  ازاي كانت غايبة سنين كدة عنا  قول منين  و البيت فين  و أهلها ساكنين  دي طيف في خيالنا  ولا بنت من بنات ضيف و زارنا  و بعد يومين  هيسيبونا حيرانين  للي حيلتنا بنتين  قالتلي الزينة بعيونك الزينة اوصفني شوفت ايه و حبتنا أصلها قديمة مرايات البيت  و بخاف أخطي برة البيت  ملاحقاني عيون ولاد المدينة  وأنا أموت لو جابوا سيرتنا في وصفها المعاني بتعاني دة شعرها غزل بنات  سفر مسافات لحد الحاجب  و الرموش عاملة معايا الواجب  يا أم العيون عجناني و عجباني  توهت في النني بعد خطوات  دي الخدود ريش نعام  كملت لتحت و فجأة دوخت  لقيت نفسي قدام الشفايف  لقيتني خايف من القطايف  الحمام يفرد جناحه وينام  عليهم و انا منه والله غيرت خدني النظر لحد فين  لحد الكتفين صنع جواهرجي  دول مظبوطين بالميزان   و حبتين كمان حصل قلبان  لقتني كدة وسطت موجتين  ملب...

بنلقى في القلوب بيوت  و نشوف ف العيون أوطان  و الوحدة لو كانت أمان  في العشرة حاجات حلوة عليك تفوت  أسكن جوة الناس هتحس بالدفا  أحضن فيهم الأحساس و خليه غطا وأضحك معهم بعلو الصوت  حبهم من كل قلبك هيحبوك هوا  حبهم زي ما بتحبك و عيشوا سوا  الحزن ما بينكم يهرب و يفوت  لو حد منهم جرحك هتلاقي مليون  غيره اوام يعالجك و يقولك يهون  يداويك و من غير أي شروط  حب الناس نعمة و آه لو تعرفها  و لو بعينك أعمى تحسها و تشوفها و تعيش السلام لحد ما تموت 

قولت كفاية بقى وحدة، خلاص للحب آن الآوان  شوفت أنا أجمل واحدة، حسيت إني في إمتحان  ذاكرت المنهج يجي تلات اربع مرات  افتكرت هجيب أنا أعلى الدرجات  طلع حبها برة التوقعات، دول غيروا المنهج كمان  قالت لي روح إلحق، الصفر منور الشهادة  ياروحي عندك ملحق، و دور تاني و إعادة  شكلك تلميذ خيبان، و بتلعب وقت الدراسة  و ما ليكي عليا حلفان، واكل الكتب يا أستاذة  قولت انا كفاية وحدة، خلاص للحب آن الآوان  لقيت نفسي في إمتحان، و اتفاجئت مرة واحدة طلع حبها برة التوقعات، أصلي محبتش من زمان  و أنا اعمل ايه، و ازاي أحل المسألة  و ازاي أسقط و ليه، و أنا حليت الأسئلة  قالتي طب بص، هذاكرلك أنا المرادي  هتاخد عندي درس، و تعدي الإمتحان عادي  و خلاص أنا نجحت، وأخدت الشهادة كمان  قفلت معاها الإمتحان، حبيتها يا ناس و ارتحت  يادوب شويا مقابلات، و كانت حباني هي كمان 

الحب مالوش مقياس ولا بيتقاس بالسنين  دة حب عمر ناس خسروه بس في يومين  و كتير قالوا خلاص دة أحساس و وقته فاتنا  مسيرك أنت تقابل اللي يحبك  وكأنك  أكبر إنجاز في حياتة او معجزة  يعرفك على نفسك اللي ماتعرفهاش  و تعيش معاه لحظات بكل اللي أتعاش  مسيرك انت هتقابله في حياتك  ولو كنت  أنت على عكاز وهي كبيرة و معجزه  نصيبنا هيصيبنا و يغير لنا حياتنا  أصبر هيجي لنا اللي ينسينا حيرتنا  الحب مالوش مواعيد بالتحديد نستناها  الحب صدفة أكيد قابلناها و سيبناها خلي عينك ع الجديد و هنلقى فيه سعادتنا  الحب مالوش علامات في لحظات يخطفك  و بتكون لسه ف البدايات و تلاقيه مفرحك  بنحس وقت الأختيارات بسعادة حتى لو أتلغبطنا 

كله تمام  وأهي كلمة بنقصر بيها الكلام  لما بتسألونا عن أحوالنا  أنا تمام  بقولها لنفسي قبل ما أنام  دي دايماً على لساننا  انا تمام دي كدبة بريئة  و أنا و أنت عارفين الحقيقة  كل ما أفتكر انا جراح قدام  و لما بفكر في اللي جاي قدام  أنا مش تمام و عايش في ضيقة  كل اللي قال  الكلمة دي عارف جواب السؤال  ما احنا في نفس الدنيا  ونفس الحال  و الحمد لله كلمة دايما بتتقال  يمكن تصبرنا شويا  كدة تمام؟ شوفتوا بقى الحيرة  عايزين نحافظ قدامكوا ع الصورة  بنوهمكم اننا عايشين في سلام  و نوريكم أوهامنا على انها أحلام  و بنقفل أوام على دي سيرة 

خليك فاكر يا حظ، ملكش عليا جمايل بتهز الأرض هز، مع غيري بتسوي الهوايل  خليك فاكر و بس، قد ايه كنت بتحايل  لا بتختشي ولا بتحس، أمال لو مكنتش مايل  خليك فاكر يا حظ خليك فاكر و بس  ناس بتصطاد السمك  من غير صنارة في البلكونة  و أنا ارمي الشبك  لا سمك ولا بساريا يعبرونا  ناس تمسك التراب  يتحول في ايدها دهب  ولو من الألماظ باب  أجي أفتحه يبقى خشب مرة أشرب ماية معدنية  ماية بحر في حلقي تصير  و ناس على بركة معدية من بصة واحدة تبقى عصير  أشقى انا وأتعب بجد  و مرتبي عامل فيها سفاح  و ناس تصحى بنسكافية جولد  والبريك بتاعهم بيبقى تفاح

مالك يا بنتي تقولي مفيش  و في الحال دة يومين نعيش  طب ليه متغيرة مكنتش متصورة  تشوف صورتي و على النبي ماتصليش  مع شويا تكشير على حبة نهنهة  مالها في ايه؟ انا مجتش جنبها  الموقف بقى مشتعل، و البوز طوله مترين  وأهو أشتغل أشتغل، وضع الدراما كوين  ما حد يقول العمل، احنا طب أسفين  ما اللي أتعمل أتعمل، اهلا بالدراما كوين بتحب النكد و مش أخد بالي  اركز شويا و اراقب كلامي  طب بس روقي ليه بتبرقي!!  دة اكيد حسد على رقتي و جمالي  و تبص بغضب في ايه تاني؟  لازم نسيب بعض أنت فعلاً أناني! 

كنا كسبنا منهم أيه  علشان نزعل لما خسرناهم  أعتبره ماضي اتعلمنا فيه  ما نمشيش تاني وراهم كفاية ناس و وجع قلب  أصعب احساس و حاجة غلب  عشناه احنا في هواهم  كفاية خلاص دول مايستهلوش  شوفناهم ماس و هما مايساوش  و جرحنا كان هو دواهم و ليه احنا عليهم زعلانين  و بنسأل تملي مين داواهم  و هما مع غيرنا فرحانين  و الدنيا كلها مش سعياهم 

قلبي واجعني عالجيني  عالي النبض و مش شرط عليكي تحبيني  ممكن بس تلمسيني  او ارسمي لي كدة خط و بعينيكي دليني فين الراحة قلوب دباحة، تدبح بالمحبة  حبة حبة، لا راحة في كدب ولا في صراحة  فين السعادة قلوب كالعادة، يخون الأحبة  حبة أحبة، كدة براحة و بضماير مرتاحة  فين الفرحة قلوب سارحة، و عندها رغبة  والغربة صحبة، مساحة وحدة جواها راحة  الحنين غالبني ساعديني  هدي هد كل سور و سد و ليكي قربيني  غريق أنا انجديني  وبكلمك والله بجد بيكي طمنيني 

عزيزي الكداب بعد التحية قصدي بعد الكدبة المية بكتبلك جواب و عايز أقولك  كفاية اوي كدة عليا  عشت معاك طيب و ملاك  جيت على نفسي اكمني بهواك  و أنت جيت بزيادة عليا  كفاية عذاب قفلت الباب  قدام أي لوم او عتاب  الفرصة التانية مش بأيديا عزيزي الكداب على حقيقتك بان الكدابين عندنا ملهمش مكان  أمضي غياب كدة من حياتنا  بايعينك والله احنا بالمجان  اديك أمان و انت لسه بتخون  دي الغلطة مرة مش مليون  انسى زمان أنا واحد جديد  ارجعلك بس لو مجنون  

خايف أنام و ما أقوم من كتر ما أنا مهموم  في أوضتي ميت مرعوب  من حكايتي مش مرحوم  عايش بحسبة الأيام  ميت بالنسبة للأحلام  واخده عزاه كل ليلة  و حلمه اذاه لما نام  أهو جه أهو راح، أهو نام و أرتاح  وأهو خد ع النوم شويا حسد و لوم  ينام و يقول الصباح رباح  لا حل في نهار ولا أمل في براح  ماشي العمر ولا بيخاف  طب ليه صاحبه خواف  من أمتى بيتحقق طموح  لمجرد امضا بقلم جاف  ثابت كدة عندك السن  الأسم و العنوان السجن  كله مثبوت في الدفاتر  محدش مظبوط قد الحزن 

ناس كتير حبيتهم و كانت خير معرفتهم  و الدنيا عنا فرقتهم  على حبايب غيرنا فرقتهم عرفت حقيقتهم  ويارتني ما حبيتهم ولا اديتهم أي اهتمام  ناس بالنسبة لنا أسطورة كانوا عندي أيقونة  علقت لهم بقلبي صورة  دلوقتي يا غاليين مكسورة حاجة مجنونة  ياريتهم ماجونا ولا بنا قوله ولا أي كلام  دي قلوبنا اللي سايبنها على أساميكوا مسمينها كنا تجار و حبكم الحمولة  دي قلوبنا دهب عمولة  بيوت و ليكوا معمولة  ما تسكنوها نهار بالقسوة فيكوا   و تحرسوها بنني عينيكوا   ما احنا بانينها ليكوا   تعلوها أدوار هديتوها بأيديكوا ناس و طيرت بيهم لربنا قولت أحميهم  لقتني اتغشيت فيهم  كسروني و ماحبيت أعاديهم و حبي ليهم  ما قدر عليهم وعينيهم قويت أوام 

مفيش حاجة اتمنيتها... و مرة لقيتها مهما أسبق انا خطوتها... تغير سكتها تعكس مشيتها  و انا قلبي داب و حس بضياع  و أنتي كنتي المستحيل... زي النيل  قدامي بيجري و طويل... منظر "جميل" مالوش مثيل  لو مرة غاب ياريتني شجاع   أنتي كنتي زي الطبيعة و انا البشر لو مرة خدتك في حضني  دة هيبقى حدث دة هيبقى خبر  و بسرعة في كل العالم ينتشر  أنتي كنتي الواحد اللي ف المليون  اللي مش ممكن ابدا يحصل  واللي يصدق فيه و يستناه مجنون  و لكني هستناه لنهاية الكون  أنتي كنتي تملي أكبر من أكبر حلم  و مازلتي ملكيش تفسير في العلم  دة أنا لو هموت عادي بجد اموت  و أشوفك معايا حتى في حلم  بتمنى كتير حاجات... و بعد ساعات  بنساها من سكات... بعصر المعجزات  معجزتنا بالذات  مش هتتحقق ولا يمكن تحصل  قضبان قطر ماشيين... ف سكة متلازمين  طول العمر قريبين... بس مش متقابلين  لو اتقابلنا ثانيتين  الناس لسكتها بالسلامة مش هتوصل  انتي كنتي زي السما و انا الارض  محتاجين اكتر من الصلاة  عشان نعيش العمر و...

أرتحت له، أول ما عيني شافته  فيه حاجات في قلبي نورت، و في عقلي حاجات أتغيرت  و لقتني كل اللي روحي خبته، سنين طويلة عليها قولت له  ارتحت له بالسرعة دي  وامنت له أنا اوام  ومالوش لازمة الكلام  ما انا قلبي خلاص فتحت له  الحلم حقيقي المرادي  سلمت له و بقيت ليه مش زي اللي قبليه  خليته يملكني خلاص و سمحت له  أرتحت له لما أتكلمنا  و استغربت له ازاي صدق  قبل ما أحكي او أبدأ  طمني بأبتسامة فا ضحكت له  خدنا وأدينا ف أحلامنا لقيته ضهر و سند  و فعلا مش بالعدد  و من يومها خلاص عشت له 

طيارة طيرتها حاطت احلامي فيها توصلها لنجمي  ع الارض فاتتني أنا وحلمي  وهي طارت ف السما  سنارة طوحتها عشان اصطاد بيها راحت اصطادتني  قمت أكلت أنا طعمي  وهي قالتلي بالهنا احلامي قطر أسباني وسبقاني  بالمتر والكيلو والميل  بحاول أمد بالعجلة اللي شايلاني  بسابق بيها نهار وليل   أستني بقى يا احلامي علشاني  وحياة خاطري أنا  حكاية عشتها طول عمري بحكيها لحد ما كرهتني  وقالتلي بطل تناديني  بينك وبيني 100 سنة 

بنخاف لما بنشوفهم في منامنا، ونقول الله ما اجعله خير  بنخاف ليه مش هو دة طلبنا، نطمن عليهم ان هما بخير نشوفهم بالابيض بس نادولنا، نصحى من نومنا والنوم يطير طبع الإنسان عايش حيران  سبع جعان كسبان خسران  لا بيشبع ولا كدة بيستكفى  طبع الحياة اه وراها اه  شمع الصلاة دوبنا معاه وعلينا هي تملي بتستعفى  شوف ازاي بتقول أسفة   نجري ورا أطماعنا واحلامنا، ونقول هنوصل يعني هنوصل  نجري احنا وقلبنا من مخاوفنا، ينقطع نفسنا قبل مانكمل مشينا وشغلنا دماغنا فا اداسنا، دوسنا كتير وعرفنا ان دة هيحصل  داخلين عركة لابسين ماركة  رايحين قال نفتح عكا  نلقى نفسنا واقفين ع الحفة الدنيا عكة حفرة و شبكة حافظين كام كلمة وحركة  وراها احنا كدة بنتخفى  وأدي الدنيا فينا بتتشفى   

 خليني أجدع ترجع هرجع تعند هبعد  ولا يمكن تاني أسمعلك  بعرف أوجع و هخليني أجدع هسيبك تفكر على مهلك  كتر الكلام خسرنا كتير  مرة تسمع لحبيبك وبرضه بتسمع للي بيأذيك  راسم لنفسك شخصية قوية و أنت كلمة تجيبك وبرضه أنت كلمة توديك و أنا عداني العيب بكتير  و معاك انا كأني بحفر في ماية  كتر التفكير و الشك و الغيرة  دي حاجات تعيبك يعني مش ميزة فيك  راسم لنفسك هالة و هيبة  خايف الناس تسيبك وتجيب اللوم عليك بتشك في الصغيرة و الكبيرة  والله صعبان عليا و حالتك دي خيبة

 الولد جوة المدينة بالسمع يقولوا زينة زحمة شوارع هموم بيوت، وجع مشاعر والقلوب  على طول حزينة خرج الولد دق ع البيبان  خرج وحده أصله مالوش صاحب فضل يدق لا خاف ولا حاسب واقف على بابها زي الدادبان  وجاله الرد معناش مفتاح أختار بيبان مالهاش صاحب  بس هو سمعها يا مراحب  خش يا ولدي تعالى ارتاح  رافض الرفض يكون العنوان أنت يا أخ ليه تملي ساكت  دي الأعمار محتاجه إعمار  والكل بجد واخدها هزار  وهقول ايه خليني ساكت  لو رجعت أيام و سنين كتير  هتروح تاني زي اللي راحت  امتى الدنيا يا ولد ضاقت  لما قالولي أنت بقيت كبير  وكنت مفكرها خلاص راقت   لو أنت زي بتدور ع الراحة  صدق اللي لقاها بتغيير المكان  و صدق اللي ملهاش كمان  أشرب على مهلك أشرب براحة  أطلع برة عدى البوابات  ميهمش منين جاي او رايح  فاحت من سنين عمرك روايح  التمني كدة في تملي حاجات  لا ارتحت بالكدب على نفسك ولا بالصراحة   وأهي كام عين انت حبيتها وفضلت وحيد طول السنين لا تقدر تنكر شوفان المرين  وأهي كل عين شافت سكتها...

عايزني ارجعك طب بلاش  وخليني ساكت لو اتكلمت هوجعك  عايزني أسامح ونعيد اللي أتعاش  أسكت ساكت مش طايق أسمعك  طب و العشرة دول قولي قول  أنت واحد مايساويش  بطل تلف و تدور و تعيش الدور  أمشي وكل عيش  كفاية تأنيب ضمير صحتك يا كبير  اصل مامنوش فايدة  لا يصح إلا الصحيح وأنا صريح  أمشى بلاش معاندة 

 اللي سيبته  كنت أنت فرحته وكل سيرته  قمت كسرته  علشان واحد أهم  وهو سابك  كانت أسبابه هي نفس أسبابك  فات عذابك  تعيش ايامك في هم  ايام بتتعاش وكله دين عليك  مفيش حاجة ببلاش  احلام بتروح منها نتعلم الصح  باين القلم بوضوح  ازاي تعاتبه  ما هو عمل بالظبط اللي عملته  واللي اتعلمته  كان درس مهم 

روق ياقلبي روق  بكرة جاي متزوق  ولو مجاش  ما يهمناش  ادينا عشنا ومزاجنا مفوق  روق روق ما تروق  الدنيا مش ع الكيف  الدنيا ماشية على مزاجها وعارف ايه هو علاجها  روق روق وعيش خفيف  روق قلبك روق  حبيبك جاي وبيشوق  ولو مجاش  اوعى بلاش  تنده للحزن وفيك يدوق  روق روق ما تروق