أشعار الأراجوز

غنيوة  تطلبي عيني  لو حاسه بملل، طب ايه العمل، أنا عندي حل  ليا تجيني، وتطلبي عيني، وأنا اديكي الدوبل  قوليلي أتصرف، وأنا هعرف، انسيكي الزعل  بلاها خوف، بلاها كسوف، ورايا يا ست الكل  هجيب أخر الفرحة ليكي، مش هنقسمها كلها ليكي، ونسيب كده كل الهم في نفس مكانه، رهيب والله احساسي بيكي، أوعي الشك أشوفه بعنيكي، عيب بقى ده انا واحد حبيب زمانه، تقضي وقت، طب يلا دلوقت، أنا برضه عايز  بس أغمزي لي، في ثانية تلاقيني، بقولك جاهز قلبك هخطفه، وأحطه بمتحفه، بستان ورد لسه هتشوف، بلاها ظروف، قلبي بيوزع جوايز 

أغنية الحد الطيوب  ياعم عادي أخسرك، هو انت ليك قيمة، بكلمة ممكن أكسرك، وأعمل معاك السليمة، كنت معاك جوهرة، كنت معايا بنية لئيمة، روح ربنا ما يعوضك، ولا حتى بجبنة قديمة،  الحد الطيوب واللذيذ، وبيطلع قلوب وبتغيظ  بيه كل قريب وعزيز، طلع بلح مش كريز مفاجأة مش كدة، طب تمام كده  بيضحك عليك الناس، شوف دلوقتي منظرك، كان في أيدك ماس، بعتها فضة انت بتهورك، تتعدم رميا بالرصاص، أو تعيش بتحسرك،  لو شوفتني مع ناس، أوعى تسلم أنا بحذرك،

أغنية  ربنا ما يعودك وفر أعذارك ومجهودك، روح ربنا ما يعودك، كفاية شبعت كلام، كانت نفعتني بأيه وعودك  ياما عشت في غشك، وبقولهالك في وشك، كانت أسود أيام، كانت نفعتني بأيه معلشك لف كل البلاد، ما تلقى زي طيب، ولما بكون قريب، تزيد انت في البعاد ألف مرة يقولي، سماح المرادي طيب،  وهو بأيد يطيب، والتانية يأذيني تملي لو عندك ضمير، جرب كده وأسأله، اللي عملته يستحمله، ويعيش نفس المصير كدبك وليه أبعاد، وكل حرب مدروس، وعلى قصتك بدوس، كرامة مش عناد

أغنية صفر صفر على الشمال دي نتيجة حياتي، صفر كبير وعمال يكبر في حياتي، صفر ثقة وصفر في المشوار والسكة، صفر بقى منور حياتي زي الكحكة، بروح شمال وأرجع يمين، بعيش هما هما نفس اليومين، وأكبر إنجاز أدخل أنام، وأروح في النوم بعد دقيقتين، شوفت قبلي حد من جواه فاضي، لا أتحب من حد ولا اعجاب عادي، شق البحر شق وقال يمكن أنجح، والفشل رد عليه وفيه عمال يبجح، 

غنيوة  ولقينا بنا أنا وهي اتقابلنا، كام مرة ولقينا بنا، حاجات مشتركة كتير حبة كده استلطاف، وشوفنا حتى الاختلاف، بينا مش كبير بنشرب الشاي مولع سخن، وبنحب نفس نوع البن، وبنشربه دايماً في كوباية، مش في الفنجان أبو ودن، بنعشق الشتا ولسعة البرد، ومش بنخاف من صوت الرعد، وتفاصيل كتير جوة الحكاية، بنحب بنفسنا نلف الورد، بنحب نمشي دايماً حافيين، والبحر هو صاحبنا الأمين، حكى لها عني وحكالي كمان، قالنا على بعض اناوا لايقين، أنا شايف فيها مرايتي، وهي شايفه ده دلوقتي، اتنين بالحب بقوا كيان، بقيت كلامها جوة روايتي، 

أغنية  حبيبي  بفتكرك كتير ساعات، وعينيا تدمع  عشت معاك حاجات، ياريتها ترجع  كانت أجمل أوقات، معشتش زيها دلوقتي بقت ذكريات، قد ما بتفرح بتوجع حبيبي أه حبيبي حتى لو مش نصيبي، هيفضل برضه حبيبي، مجاش بعده ومكنش قبله حد في غلاوته عندي  كان حب زمان ولسه لحد دلوقت كمان، هيفضل ليه مكان، المكان لسه مليان بهواه قلبي مش هينساه وده وعدي مش من حقي عارف، أفضل أغنيلك  وأنا بعينيا شايف، غيري بينادي لك  غصب عني خايف، تنساني للأبد حبيبي معلش وأسف، محبتش حد غيرك 

أغنية  أنا مش فرصة أنا مش فرصة، تفكر فيها وتحسبها، أو تستنى غيرها، والأحسن منها، وتقول بكرة هتتكرر، أنا زي العمر، بيجي مرة، وانت حر واللي يقدر يقرر، كل واحد وتفكيره، واللي عنده عقلك كده زيك، مش بأيدي غير ادعي له، كل واحد وهو حر، ولو عايزني أساعدك أحب أقولك، انت معايا راسي ع البر، وكلام في سرك، تشغيل دماغك دايماً بيضر أنا مش فكرة، ولا أنا شو وفقرة، تبسطك فترة، وتنساها بكرة، وتقول عايز تجدد، انا زي العمر، هتعيشه ازاي، ليك الأمر انت اللي تحدد

أغنية  بقولك  مين اللي قال حبيبك بماضيك تصارحه، اللي قال كده معملهاش ولا مرة، لو حكيت له عن زمان بتحس كده بجرحه، وتحس إنك وجعته أوي من جوة، حتى لو كان الماضي عادي الفكرة في شرحه، يفضل يلومك كأنه حصل النهاردة، حبيبي بقولك كان، وكان يعني زمان،  يعني قبل ما أشوفك، مش عايز أشوفك زعلان  حبيبي بقولك ماضي، وعادي كلام فاضي، مش مستاهل دموعك، ولا حتى خوفك للدرجادي ولما تقول هتخبي بلاش نحكي حاجه ليه، وتبدأ معاه من جديد تاني الأيام، يخاف منك ويحلفك تقول على اللي مداريه، وتقوله خلاص خلينا نبص لقدام، يشك فيك ويرسم أوهام عن اللي مخبيه، ليه مصمم يقولك لو مش عايز تمام،

غنيوة  كله إلا انتي وده مين اللي ياخدك مني، لا أمير ولا حتى جني، ولو بحبه زي أبني، هقوله كله إلا انتي ولو كان أخر نفس فيا، عشقك هو وصعب عليا، هقوله إلا البنت ديا، دي حبيبتي قبل بنتي خلاص ياعشقي الصادق، حبتيه وببتكلمي عليه، قوليلي إزاي عرفتيه، وفين انتي قابلتيه، وريني مسمياه ايه، ومين فيكوا بالحب كان بادئ ياناس إزاي حب عمرك، واللي روحك متعلقة بهواه، حد تاني بقى معاه، رايح وجاي وياه، عارف دي سنة الحياة، بس غيران موت من فرحة أمك

أغنية  شايف لك شوفه أنا حاسس، إني تقيل عليك، مش ناقص، غير اقولها صريحة، أنا شايف، الأحسن ليا وليك، نفضها سيرة، ونرتاح من الحيرة، لا باين عليك، حب ولا حتى غيرة، لو قل شوقك ليا، تعالى بص في عينيا، خايف كده معقول، متقولش مكسوف تقول  انت شايف لك شوفه، تانية واضحة ومعروفة، وفي الحالتين دول، أسلوبك مش مقبول طيب ماشي، ويلا نقول سلام، أنا ماشي، والنهاية خلاص جاية، وانت شايف، بسيبك بكل أحترام، وعيش بعديا، حياة مملة عادية، وقول كله تمام، أكدب عليك وعليا،

أغنية  ناشفة انتي لو أغنية هغنيها، هتبقى كده حزينة انتي لو كلمة معانيها، ملهاش أبدا قيمة انتي مشاعر بحس بيها، عندك زي الزينة مش شايفه إلا روحك، مش معترفه غير بجروحك، بس خايفة على شوقك، وقلبك تديه لحد حبك بجد  مش عايشة إلا لنفسك، تملي حايشة عنا مشاعرك  أيوة ناشفة بطريقتك، وحبك بالوقت هتخسري الود انتي في كل صورة، لوحدك زي الشمس  انتي في دور البطولة، عليكي لايق بس  انتي فعلاً واحدة أسطورة، وانا كومبارس 

أغنية نقول من الأول تعالى نقول من الأول، لا أنا عندك الأول، ولا التاني  واحد في حياتك مكمل، فاكره هيتحمل، وهو بيعاني  بشكل ودي وانساني، ومش هطول، بقولك انساني تعالى نشوف أنا ايه اديتك، وانت ايه بقى اديتني، مش هقولك غير اني حبيتك، ومهتمتش وصديتني،  عايز الحساب وماله براحتك، حاسب على الفاتورة،  ده العتاب مش من مصلحتك، ماتعش دور البطولة، وقت ماتتكلم أنا كنت بسمع، وباقي الوقت بعيد،  بتسمعني خمس دقايق لو ينفع، وباقي العمر وحيد، 

غنيوة  بشكل رسمي  عايز تعرف بحبك قد ايه، بضعف قدام عينيك، بحلف بس بعينيك، وبنسى كمان أسمي، بحبك بشكل رسمي، قولي عايز تاني بس ايه بتخطفني لما عليا بتنادي، بدل ما أقولك حاضر أقولك اؤمر  عايزني بس بتنده عادي، برد حبيبك حاضر ليك ومتحضر  بتولعني بنظرة وللدرجادي، أنا بحبك جداً يا روحي يا غالي  ما تدلعني ما انت قصادي، دول الناس اصلاً ادري بحالي 

أغنية  أشبع منك  مش قادر أتخيل، شكلي في يوم وداعنا، وأشبع منك مهما ودعنا، وطولنا في سلامنا، وخدتك في حضني سنين  برضه هيكون قليل، مع إنه اصلاً مش نافع، علاقتنا للحضن مش دافع، مختلفين في الدوافع، بتعزني وبحبك من سنين كنت عارف اليوم ده جاي جاي، مين هيسبق ومين هيبدأ ويقول أنا ماشي، اتفقنا في كله إلا على ده متفقناشي، تسأل عليا وأسأل عليك، عامل ايه ربنا يخليك، ده احنا أصلاً كلامنا مكنش بيطول كل يوم بصحى وأحمد ربنا، فيه لسه باقي للقصة ومش هتخلص النهاردة، وقبل ما حد يلوم عليا أفهم وأهدى، مش جبان أنا ولا خايف، مستحيل يحبني أنا عارف، مكتفي بمعزته ليا وقلبي لازم يتحمل

أغنية  مش سهلة  بكتب كل الكلام ليكي، يمكن يجي وقت عليكي، ومرة تقريه... تفهميه  بكدب على نفسي تملي، وأقول هيجي الوقت وتميل لي، وقلبي تحبيه... تحسيه حبيتها أة حبيتها، وأتمنيتها أكتر من أي حاجة،  وده مش علشان، سكتها المشي فيها صعب،  مش سهلة معرفتها، وطيبتها متعشقهاش أول حاجة، أول سلام بان، حقيقتها وبرائتها دخلت القلب،  بغني بيكي أغاني حلوة، بستنى تيجي ليا مرة، ومعايا تسمعيها... وتغنيها أنا عارف مش هيحصل، ولا قادر احساسي يوصل، عينيكي بتقفليها... وتمنعيها

أغنية  تفتكر هينفع تفتكر هينفع، بعد ما كل واحد فينا، قال لتاني كلام يوجع، وبان اللي جوانا علينا تفتكر ممكن، نعتبر اللي حصل محصلش، وكمل طبيعي وعادي جداً، وكأن اللي أتقال موجعش الكلام مكنش كلام اتنين زمان كانوا أحبة، العتاب بيكون بحساب قاسي شويا بس محبة، نظرة عينيك لعيني وقتها كانت فعلاً تخوف، وأتبنى بينك وبيني حاجز هنعديه ازاي ونتصرف، ده اللي حصل حصل وفين يستخبى أفتكر استحالة، خلاص وصلنا لسكة سد، خلينا نعتبرها من ربنا رسالة، ونجط للوجع جوانا حد

غنيوة  لو عندك وقت  ده اللي عوضني بلمسته، عن عمر قبله فات  ده اللي سحرني بضحكته، من غير خد ولا هات  ده اللي تمشي سكته، معاه كده من سكات بالنسبة ليا انت روحي وشوقي وانت عينيا،  ومش كلام ابدا في اغنية،  ده لو عندك وقت، أقول أنا لسه يادوب بدأت  انت كل حاجة في الدنيا ديا،  وأنا بقولها بجد، حبيبي وحياتك أنا ما صدقت  هو اللي عرفني بحنانه، الدنيا دي لسه جميلة هو اللي غيرني بجنانه، معايا في كل ليلة هو لما حبه آن اوانه، نساني الدنيا القديمة

أغنية  أنا مستعجل عايز تبرر تمام أتفضل، بس هتكتر هقولك أتفضل، يلا أمشي الكلام خلص، فا أحسن لك انك تقصر كل اللي فات متسجل، دقيقة بدقيقة، والحقيقة أنا مستعجل معنديش وقت لحركاتك القديمة، حبك جوايا خلص، ده لو كان حبك زمان ليه قيمة، حبك دلوقتي رخص، كل اللي فات متسجل، وللحساب كنت مأجل هتقدم أعتذار أحب أسمع، هتقول اعذار لأ أسمع، أنا خلاص صبري نفذ، ده بعدك لو هتأثر هتموت وتتكلم وتتعب ليه، بتهددني هندم ملكش فيه، أنا عايش أهو ومبسوط، الدور والباقي عليك يا معلم

أغنية  أعمل حساب حبينا زمان بعض، بس محصلش نصيب، عادي يعني بتحصل، نقول كان لينا حبيب، اتمنيت لك الخير، وبدل ما تتمناه ليا كتير، لقيتك للناس بتوصل، ان كان فيا العيب ما كفاية كلام ودماغ عيال، ونظام قالوا وقولنا اللي شغال، ما الحكاية بسيطة وانت عمال، تتكلم عني طب غير الموضوع  ما كفاية خلاص نفسك ريحها، وكلامك عني في أماكن بتروحها، وقوله الحقايق مش في مطرحها، طب مرة أعمل حساب لرجوع محدش على فكرة، يعرف فين النصيب، ولا نعرف احنا بكرة، لينا ايه ممكن يجيب، بس بأفعالك ديا، هنساك وبعزم ما فيا، وأحاول كمان أكره، وأشوفك واحد غريب 

أغنية  ساعة حنية غريب حالك ياروحي، ولا غريب أنا فيكي، ومنين لفين تروحي، تحوم روحي حواليكي، وتقولي بتعشقيني، طب صدقيني  مش باين عليكي شايفك وطن حسك حضن، ساعة حنية وساعة سجن، والأكيد عقلي منك جن، وبالتأكيد أنا مرتبك بيكي، قاسيت واحتارت معاكي، أسيبك ولا غاويكي، قلبي بنا وعلاكي، عاشق هواكي وعنيكي، تقولي اتحمل وكمل، عملت اللي ما يعمل  وبرضه مش مكفيكي

غنيوة  نغني  روح ياولدي روح،  ياروح ما بعدك روح،  طيبتنا فين تروح في القلب متشاله  ساعة الهم ساعة، اشاعة ومش شجاعة، بتصيبنا كلنا جماعة بتسيب فينا حالة  احنا نحزن نغني احنا نفرح نغني، ولو مرت نموت نغني بلحن حزايني، احنا نرقص نغني ابننا يطلع مغني، ولو مرت نموت نغني بلحن حزايني، سكتنا هتبدأ برحلتنا، شغلنا شريط حياتنا، يلا يا أسطى وحياتنا مش ناقصة فقر هات ياعمر انبساط، فات الوقت بذكريات، ممكن تنقطنا سكات لو مكنش دمك فقر 

أغنية  أنا مش ضدك يا قلبي يا سبب غلبي، والله أنا مش ضدك، بالعكس أنا في صفك، ماهو تعبك هو تعبي، ياقلبي أنا قلبي عندك، زعلان أنا عليك جداً، الغلط فيا أنا يمكن، قصاد جرحك هدافع عنك، خلينا نفكر على مهلنا، مش أول ماحد يقرب لنا،  يسلم علينا ويبتسم لنا، نجري عليه نفتح له قلبنا، وبسرعة نحبه  فيه ناس ميستهلوش مننا، نسيبهم يقولوا حتى أسمنا،  ولا نظرة عين حنينة، زي العيال بيخبطوا على قلبنا، وأوام يجروا 

أغنية  انت مش انت بخاف من المرايا، وأبعد بعيني بعيد، وأخاف من النور، يكشف حزن جوايا، ويقلب القديم والجديد، ويفكرني بكام حكاية أنا عايز أنساها، وكنت فاكر هقدر، لما قولت خلاص، لقتني مكمل معاها، وعرفت إنه مقدر، ومكتوب عليا قساها قولي امتى كبرت أوي انت، ملامحك هي هي حته حته، والسن متغيرش حتى، طب ايه حصل خلاك انت مش انت، أنا وانت عارفين، اللي جاي مش سهل، ولا اللي فات، في جرحنا مكملين، لحد ما نلقى حل، أو نستسلم احنا الاتنين 

أغنية  بشكل مجاني  لما القدر اداني فرصة وعرفته، حبك ملاني وقلبي انت خدته، ولو بأيدي انا اديهولك تاني، حبيته أنا عمياني ولما عرفتك، حبيتك بوجداني عيبوبك قبل طيبتك، ويا خسارة انتي مش حباني بعت قلبي وراه طير وطار وراه وما جاني  خد حبي معاه والخير كله اداه لحد تاني  أشواقي ليكي بتصديها انتي عنها منعاني  أشواق عينيكي بتهديها للكل بشكل مجاني  ده أنا لو أناني يمكن وقتها، تكون شيفاني أستاهل وقتها، وعادي نتكلم وتعرف عنواني  أنا مش عجباني اختيارك لناسك، لو كنت الجاني وقاتل احساسك،  كنت هشوفك بتقولي عيزاني

قصيدة  كله بياكل عيش  ده الواقع فيلم واقع، قصة هابطة فاضي يا شباك التذاكر، وبطل السيما مالوش قيمة، ولا ليه جمهور في حياته زي ما انت فاكر،  كله بياكل عيش، ولو عايز تعيش، بطل تحلل وتذاكر، ولع لنفسك النور، انت البطل والجمهور، متستناش وحياتك تشجيع من حد متستناش في حياتك تاخد دور عيش نفسك مبسوط، دلعها قبل ما تموت، متخليش في نفسك حاجة بجد متخليش منافسك فيك يشوط   عايز تاكل كل، عايز تخس بطل، وبلاش تخاف من نظرات الناس لا عاش الخواف ولا عجب الكل ايه يعني تخين، ولا الوسط شبرين، ماله هو وأهله من الأساس قالوا ما خلوا كده في الاتنين الصورة اللي شايفها، في الفيس ولا انستا، شبعانة فلاتر من كل البرامج  بهتانة يا شاطر بس ليها ناسها بترضى عن نفسك، بكام لايك على صورتك، وتعيش ليالي أسود غامق  مفيش يا غالي غالي منك 

أغنية  مش عادي مش عادي ابدا مش عادي، حبي مفيش زيه في الدنيادي، وبشوفك عندي حد مش عادي،  وانت اصلاً كده مش شايفني، بفرح ويبان عليا وانت قصادي،  بخاف عليك وبشكل لا ارادي،  وللدرجادي شفاف قدامك وعادي، ممكن أعرف انا ايه ناقصني، أنا بعرف أحب وأغير، وانت شوفت بعيونك دول، من ده كتير وكتير، لو هتنكر يبقى بالمعقول،  أنا عندي قلب كبير، ولا ناقصني عين ولا أيد، ليه بتخلي النوم يطير، من عيني وناري تقيد، ممكن أمثل إني تقيل، لو ده يعجب طيب شوف،  ممكن أسهرك أنا الليل، وأخليك انت عليا ملهوف،  بس أنا جايلك من الباب، طالب قربك منك ليا، ليه بتحب الصعب والعذاب، وتسيب حبي وتروح للقسية، 

أغنية يارب تكوني مبسوطة  يارب تكوني مبسوطة، وعايشة ومتهنيه، والأمور كلها مظبوطه، والسعادة مكفية، يارب تكوني بخير، انتي ويا حبيبك، بتمنالك كل خير، ما أنا برضه كنت حبيبك، مش معنى اننا اتسابنا، الحب اللي جوانا، لأهانة يتحول، ونجيب في سيرة حبايبنا، وفي سيرتنا نجمل  مش معنى اننا سيبنا، الحب اللي ملانا، اذانا يكمل، ومنطمنش على بعضينا، ومن غير ما نطول واشمعنا حد فينا اتهنى، احساس ما جاني، بالأمانة من الأول، وزي ما بطمن عليك، تلاقيك برضه بتطمن 

أغنية  أتكلم أنطق انت ساكت ليه، أتكلم أنطق، ولا شاطر بس تحرق، في أعصابي وفي دمي  مشوفتش برود، زي اللي عندك، مالك متعصب ليه قالك، يا بارد أنا زاد همي أقوله بحبك، يرد شكراً جداً ربنا يكرمك، طب أنا زعلان، لا ان شاء الله ربنا يعوضك،  يا ناس يا خلق، بحب لوح تلج  يقولي معلش، ان شاء الله هبقى أسمعك  ماتعمل حاجة، بدل ما انت بسكوتك بتنقط، أقولك حاجة، قوم أرقص كدة ولا اتنطط، حسسني إنك عايش، خليك مرة طايش  هسامحك عادي، لو مرة شوفتك بتغلط،

غنيوة  تعيشي  وهنلاقي فين ضحكة زي ديا، دورت سنين ما شافت عينيا، واحدة في الحلاوة آية تتقارني بمين بولا واحدة، دول غيرانين واخدينك قاعدة، وانتي ولا همك الحكاية أقول أيه تاني فيها هي، قلبه فيه طيبة طبيعية، ومفتاح قلبها بس معايا تعيشي يا عمري وانتي حبيبتي، وأنا هعيش عمري وهمي سعادتك، تعيشي وتجيني بالخير وسعادتي، متشالة في عيني تملي سعادتك، عينيها شباك باصص على الجنة، ترمي الشباك وتقف تستنى، أجيلها مسلم ودايب دوب  كلامها شهد بيهون عليا، حبيتها بجد أيوة في ثانية، أختارنا بعض بأمر القلوب  الشفايف فراولة مرسومه بالحنة، والأولى تحبني سنه سنه، كان حلمي أسلم بس يادوب 

أغنية  أفرح فرح  يا رب تهدينا أرواح تخاف علينا، وكلام من النوع الطيب، في وجع الموجوع يطيب، وناس لما تقرب، تكمل ومتمشيش  يا رب هادينا بحاجات تليق علينا، وأحلام راضية تتحقق، في نفسنا الغالية نصدق، والغنوة لما تبدأ، تطول ومتنتهيش نفسي يجي عليا الصبح، من غير جرح، وقبل ما الليل يليل، أفرح فرح  نفسي يعدي عليا اليوم، من غير لوم، ولا أحس إني قليل، وأشبع نوم ياما دمعنا كتيرة أوقات وداعنا، دي بكت منها السنين، فاكرينها كأنها من يومين، دموع العين، بتكوينا ولا بتطهرنا  يا رب وجعنا عنك ابدا ما يرجعنا، وفي سكتك نكمل، نبدأ تاني من الأول، والوجع ما يطول، ونفضل زي ما احنا 

أغنية  كتير اتكلمت كتير اتكلمت وندمت، ولما سكت مخسرتش ابدا، وايه يعمل الكلام في قلوب مفيهاش اهتمام متأخر أوي عرفت، كلامي كان قلته أحسن، قريبين بالأسم والجسم بس بعاد مسافة أيام يا حضن الحبايب يا غربة، يا احساس عايب وناقص، ده أنا مكنتش ناقص  بتطرح همومي من غير ماية ولا تربة، ده قرب الغايب يخوف، بسلامه دايب بس فاتر، يرمي لي همومه ويسافر وفي همومي يقولي بتعرف تتصرف، كتير اتكلمت ولا اتقدرت، عبرت عن اللي جوايا، يقولوا أحكيلنا أوام ما هما غاويين كلام متأخر بيجيلي الرد، وكأني كنت بكلم المرايا، أو عايش في الأحلام وبحكي بعد ما بنام

وليه يا قلبي وليه يا قلبي، حبيبتك معاك معذبها، وبتسقيها الويل، تملي نهار وليل  اسمع يا قلبي، لو مش حاببها سيبها، تشوف حياتها، وتلحق اللي فاتها لو هي في مكاننا، مكنتش عملت زي ما عملنا، ده احنا ظلمناها كتير، أوامر وبنأمر عليها، لازم تسمعها وتعمل بيها، من غير ما تطلب تفسير، ومن ضعفها استقوينا، ياما عملنا فيها وسوينا، عمرها ما ردت إلا بالخير، وليه ياقلبي، خلصت فيها القديم، ده كل ذنبها، حبتنا من قلبها بص يا قلبي، كانت زي النسيم، قبل ما تحبها، قصدي قبل ما كسرتها

مش هيكفي  يا صباح الفل، على اللي عليا هل، وبضحكته القمر طل، في عز النهار ينورلي الدنيا وفيها يحلي ده اليوم محدود، وقته يادوب معدود، والكلام مالوش حدود، جوانا أقولك وتقولي اللي في نفسك ماتخلي أنا وقلبي، عايزين فوق اليوم يومين كمان بلياليهم، ومش هيكفي، علشان نخلص كلام إمبارح وأول فيهم، عندي لسه كلام حلو لعينيك،  بسرق من الوقت وقت ليك، علشان نقعد ونحكي، يا مساء الخير، ع اللي عنده منه كتير، وحلاوته حلاوة غير، من غير ما يبذل مجهود مية في المية حلو طبيعي  تعالى في حضني، ولدنيتنا احنا خدني، ما انت اللي بتصوني، غيرتني وخليت الناس تحبني وانت سبب تلميعي

عليك إكس  هسيبك وأبيعك وده قرار مفيهوش راجعه، وقعت ونزلت من عيني انت 100 درجة، أسمعني وأفهمني هقولها وباللغة الدارجه، شطبنا هنا خلاص وشطبنا على الأحساس، ليك تعالى بص، بالأحمر عليك إكس، ماهو يا خسارة وألف اخص، على اللي عنده نقص، بيطلع على حبيبه ويطبع النكد بجهاز، أهري وأرغي مش هسمعك ولا أضيع وقتي، أغلي فش غلي واحرق دمك  عادي براحتي، أسمعني وأفهمني هقولهالك مرة بطريقتي،

للأسف بحبك  أنا مش قادر أخد الخطوة، وأقول خلاص أنا هنسى، للأسف بحبك أنا لسه، وعارف ان دي أكبر غلطة أنا ممكن بسهولة أسيبك، بس صابر عليك حبة،  مش ضعف مني دي محبة، بيكدب على نفسه حبيبك عايزك تقسى لأقصى درجة، وبعزم ما فيك هات الناهيه، أيوة حبيبي انت تقدر، بالنسبة لك دي حاجة سهلة ده قلبي عامل زي التلجة، وانت الشمس قدامك قاعدة، ومع انها عارفة الخطر، لسه في الأمل هي ماسكة مفيش فرصة لسه فاضلة، خلصني بأيدك كده النهاردة، بلاش تموتني انت ببطء، اجرحني مرة واحدة وأنا هرضى

من باب الفضول  تعرف تحن مرة،  وتنسى قسوتك المرة، وتتعامل عادي زي كل الناس  تعرف تديني فرصة، فيه حاجة معاك ناقصة، معايا وقصادي ومفيش احساس جاي تثبتني كان غيرك أجدع عايز تثبتلي، ولا تضحك عليا بكلمتين  اتفضل قول أحب أسمع من باب الفضول، عادي اضيع كمان دقيقتين مفيش فايدة فيك، لسه العند ماليك، ومش شايف اني معاك محروم  من الطيبة والحنية، وتطبطب مرة عليا، مش عارف تبقى حبيبي يوم

واحنا مالنا تعالى يا حبيبي ندلع، ونروق ونفوق  نسيب الدنيا تولع، واحنا مالنا تعالى ياروحي نسمع، شوقنا وصوتنا كفاية ضيعنا وقتنا، في التفكير كتير تعالى نضيعه واحنا، بنتزوق ونشوق كلمة منك على كلمة مني، تطلع أغنية وللصبح نغني، نقوم نرقص رقصة تحبس، دم اللي مش عاجبك وعاجبني ناخد أجازة ونسافر بعيد، زي اتنين بيتعرفوا جديد، ندي لنفسنا فرصة تحسنا، ايه هيحصل ما الهم واخد مواعيد 

مقهور  أنا مش مطحون  وحياتي حلوة ورايقة، والنفسية بومب وفايقه، وبغيظ الدنيا العايقه، ياما هنا وياما هناك، أنا زيك يا حظ بستناك،  أعرفك بس بالسمع، ساحر بتاع خدع  ياحلم شاطر مصاحب خايب، يا أمل فاكر انك سايب، وراك راجل قد الوجع، طب والله جدع  أنا مش مكسور، ولا هقول إني معذور، بالكدب زور بعدي سور ورا سور، عايش أيام صنعتها من الأوهام، أنا والله بجد مقهور وبمادة الأحلام صفر ع الشمال بالتمام، أنا فعلا كداب  وحياتي بايظة خالص، والعمر بيجري بالناقص، على أخري مش ناقص،

معندكيش احساس  وأنا اللي فاكرك، معندكيش احساس ولا بتحسي، واتاري طلع قلبك، مجروح جرح صعب يتنسي، طول الوقت شايفك، الكلام قليل يطلع ببرود، ولما بقيت عارفك، شوفت وجع مالوش حدود، أنا أسف صدقيني، ده كان على عيني، أشوف واحدة زيك وحالتها زي حالتك، اللي صعبان عليا،  الحزن يضيع حلاوتك  عارف صعب تحبيني، وانتي مجروحة يا عيني، اديني فرصة أفرحك بالنسيان أنا بنصحك، أكيد ده هيساعدك، دوسي ع اللي يجرحك وإحساسي أنا بيكي، مش جميل عليكي، أهو احساس وخلاص

انت انت صعب، صعب أوي فعلاً، حديد وصلب، ومشاعر من ازاز، بتخبيها ورا وش من الفولاذ،  مش بتعرف تقرب، ولا بتخلينا نقرب، عايش فيلم رعب وهو مش مرعب  ومش لازم تكون سهل جداً،  حاول مرة ومرتين، تبقى فين، تبقى بين البنين، ترسى ع المرسى بدل بحور الوحدة تعرف تدي لمين، عينيك الاتنين، وتدي لمين قلمين، تقسى أو تنسى عيش مرة واحدة  انت انت هتفضل كده لحد أمتى  انت إقفال وعمال تزود فيها،  زي الأطفال، بتجري وتستخبي، لو حد لمح بحنية ولا بكلمة محبة، وشك يحمر بسرعة، ومش سامعة  عايز أقولك حاجة في شعره،  بين الكسوف والخوف أفهميها، انت طيب، طيب أظهر وبان، أرخي وسيب، وأرغي بالساعات، هنفهمك أكتر بالكلام مش بالسكات، دول عملوا الحدود، للي مش ودود، مش للي قريب وعايزك موجود، جنبه بحد مش تسلية ولبان،

شوفتها مرة واقفة، بعيد قومت روحتلها، قولتلها انتي عارفة، انك أجمل واحدة، بصتلي بأستغراب أوام، وعليها علامات استفهام،  سألت الناس الموجودة، كل الناس موافقة، ده انتي تستاهلي أطول سقفة، على جمال عيونك  وذوقك في هدومك، سمعوها السقفة دي مكسوفة كسفة ده انتي تستاهلي اللي حصلي، أول ما أنا شوفتك  رقتك وابتسامتك، امتياز مع الرأفة وسقفة ورا سقفة بتضحك بس خايفة، عايز فرصة نتكلم، ممكن نشرب قهوة، مش بعاكس أنا مسلم، طب قصر عايز ايه، والله أنا أمنت بيه، الحب من أول نظرة، انتي فيه محترفة، 

لو أمري مريب عايز تفهمني، ياريت توضيح مين اللي سائلني، كل واحد فيكوا وليه جواب، ردي غريب أنا عارف صدقني، تهملني انت ازاي وبدون أسباب، وجاي ببرود عايز تفسير مني، أنا بسيط ومنتهى التعقيد، نص عنيد ونص تاني حاجة تاني، مليش وصف كده بالتحديد، لو انت حبيب حقك تحاسبني، الناس ترتيب وانت الكام حاسبني، مكنش عندي غيرك وغيري عندك، مقاسمك الجرح في الفرح مقاسمني، ومش عادي عندي لو عادي عندك، في الضحكة حبيبك وجدي يلزمني، أنا غريب ولحزنك طبيب، وفي حزني كئيب  أحب حاجات أكرهها ساعات،أحسبها ميزة أعتبرها عيب، لو انت صاحب تعالى فكرني، كنت وقت المصاعب بالتيلة فاكرني، صراحتي بتزعل فا مش عايز أطول، عندك الأغلى تملي والأولى مني، خليك معاه هو أكيد أفضل، ليه أرجعلك وانت اللي سايبني، أنا عدو عنه بيبعدوا، بعد ما خدوا كل الإهتمام طب تمام، طبيعي أبعد لما تقربوا، والله انت عجيب و دايماً ظالمني، بتقول لناسك كلام والكلام وصلني، مش ساعات كلامنا ضاعت عليك، مهتمتش دقيقة تعرف حاجة عني، مش كلامنا كله كان داير عليك، ليك عين ازاي بالسوء تتهمني،

أنا اللي ياما غنيت، دور دور ع الناس، من النهاردة بقيت، مليش في الناس، محدش يلوم ياريت، ولا يحكم من الأساس، من النهاردة بقيت، مليش في الناس، أنا رايح كده أهرب لبعيد،  أنا مسامح ف القديم والجديد، أعيش مجروح ولا أعيش جارح، كنت فاكر بالشوق يدوب الحديد، أتاري الحديد هيبقى نار لو سايح أنا اللي ياما حبيت، أوي كده كل الناس، وبأنواع القلوب رضيت، دهب وفضه وماس، ومن ظلمهم اشتكيت، وطلبت منهم الخلاص، معاهم أنا بجد انطفيت، برج والهم كان الأساس،

القاعدة الثابتة اللي مش بتتغير، إن في حياتنا كل حاجة بتتغير، انت وأنا وقصة حبنا وشوقنا لبعض، مكناش بنقدر زمان على البعد، وبقينا بنقدر عادي انت متصور بنقول هنموت لكن بنعيش، وأهو وعد ويفوت  زيه زي اللي كان قبله  بنحلف بالله وبعدها نخلف، وأهي بتكمل الحياة  ونقول كله محصل بعضه شوف كنا زمان واصلين لفين، فاكر كنا انا وانت محسودين،  على حبنا ودرجة قربنا وعايز الحق، مكنتش عايز تبقى دي النهاية لأ،  هفضل أحبك حتى لو روحنا لسكتين 

أنا مش عارف ايه ده اللي قدامي،  بتلخبط ويهرب مني كل كلامي، وأعيده تاني من أوله، ما كل الجمال حولوا،  قسم الذوق لوحدك ليك معمول  ولو هقول  عنك وعن حلاوتك، لازم ناخد اليوم من بدايته،  ما الكلام هيطول، ومش معقول  جمالك ولا أدبك، تستحقي انتي تشتغلي شغلانته،  لو القمر مشغول، أنا مش فاكر أسمي كان ايه، ببص في عينك وتقولي عليه، عايز أعيش عمري جنبك، لو تسمح بعد اذنك،  ما انا حالي انت عنه المسؤل

ليه مش أنا، تقدر انت تجاوبني،  ليه مش شايفني وأنا جنبك هنا، زي زي الهوا انت بجد معتبرني، ايه اللي ناقصني عشان نبقى سوا علشان متاح قدامك، وبشيل الجراح مكانك، بخليك مرتاح وبتمنالك، تعيش هادي البال طول الوقت  تطلبني أقول حاضر، قبلك بكون حاضر، واقولك انت بس تشاور، هتلاقيني في الحال معاك بجد  بس يا خسارة حبيبي، ويا 100 خسارة  أنا مش حبيبك وعندك زي أي حد  ليه مش أنا، غاوي الصعب ليه، دايماً بتدور عليه بقالك كام سنة،  ما أنا اديتك هنا من اللي بتحلم بيه،  وانا يعيبني ايه رد وريحني بقى

أغنية  متطرف  أنا متطرف أيوة متطرف، في المشاعر والأحساس مقدرش أوصف، أه متطرف، حساس بزيادة والحب عادة، جرب وانت تعرف، بحب حب مالوش حدود، ودايماً بعذر وأعطف، على اللي حاسس مالوش وجود، الحياة معايا ألطف، يا أبيض يا أسود في علاقاتي، محدش يتفلسف،  وهو ده طبعي في حياتي، بلاش حد يألف  أنا متطرف  وبغير كتير على اللي مني، غيرة كبيرة غصب عني  حنين ولين مع اللي حاببني، أخلي قلبي ليه متحف  أيوة متطرف  ساكن مساكن قلوب حبايبي، عايش بيناغش فيهم قلبي  تعاركني لو تشاركني حبي، ليهم أنا ساعتها هتصرف أنا متطرف  بقولك بحبك يبقى أتقبل، مش ممكن ابدأ أنا هقبل، ترتيبك وتدبيرك في الأول، أنا اختارتك يعني مستهدف بجد متطرف  لما بكلمة تقدر تشتريني، وجملة عامة تفرح بيها عيني هتعقدها وتحسبها عشان تجيني، هشوفك ساعتها بتخرف  أنا متطرف  عادتي بطريقتي بكتم غضبي، أكمني عارفني واحد عصبي ومسالم وحالم مع صاحبي، ابقى معاه بأهتمامي مصرف  أه متطرف  كارهني ومش طايقني براحتك، بأيديك بديك مفتاح مساحتك  ردي وقتي مش مرتاحلك، ولا معرفتك حاجة تشرف 

أنا مش طالب منك كتير، يادوب بالكتير شويا رحمة، مش عايز تمييز ف المعاملة،  دي حاجة بسيطة مش تعجيز، وزي ما الناس ما هي عاملة، شوفني زيهم من باب التغيير، بلاش حبيبي تيجي عليا، وأعيش  لحد مايجي ليا، اليوم اللي فيه ألوم  عليك مش عليا، وأشوفك بتموتني بأيديك  وعينيك في عينيا، فيها برود بالكوم أنا مش عايز حاجة غير، تفتكرلي الخير وشويا المحبة، دول كانوا باينين في كل جملة، حرام تنكر حبيبي عمر وسنين، حتى جرب وخليها ليا مجاملة، يعني من باب الذوق والتقدير، 

لما يبقى كلامي كله كله عليك، واستني الصبح يجي أشوف عينيك، يبقى بحبك بس لأ لأ ملكش حق،  ده يبقى أنا بموت فيك تعالى أقولك كلمتين، واحدة فيهم انت حبيبي  والتانية في قلبي، انت هتعيش جواه سنين  تعالي وبلاش تخبي، باين عليك أوي يا حبيبي  لما تبقى قدامي وبرضه ليك بشتاق، تغيب عني ثواني تزيد الأشواق، يبقى بحبك عادي مش معقول للدرجادي، مش فاهم إنك استثناء 

انت ليه مبقتش تسمعني، وتفهمني زي ما كنت زمان  ولا بقيت عايز تصدقني، وتعذرني زي ما تكون قاصد ايه بس السبب كلمني، ولا دي بقيت صعبة عليك كمان ممكن أقدر أفهم الناس بتتغير، بس مكنتش متصور، انت حبيبي تغير، معاملتك معايا للدرجادي  ممكن الحب ميبقاش زي الأول، بس الإحترام يفضل، معانا وبنا مكمل، معقول أهون عليك عادي مش ممكن الحب يقل، وتمل منه من يوم وليلة ويبقى اقربلك مني الكل، وتطل وتسلم وانت بارد وايه بس دلوقتي الحل، ممكن تعرفني اعملها بجميلة 

كنت فاكر بالوقت هنبقى أقرب، كنت حابب بجد تشوفني الطيب،  اللي مستنيه واللي بتحلم بيه  وأشوفك بحضني قريب وليه بتهرب ليه مين فينا ليه حكم على قلبه، ونفع لما قاله  مين تسيبه ومين تحبه، ما حبك مش بأيديا  كان نفسي هو يشوفني بقلبه، مش بعقله  ويرتاح قلبي معاه من تعبه، وتعبك يخلص بيا قولت جايز بالوقت تحسني مرة، كنت عايز ترد على كلمة حلوة، قولتهالك وعملت مخدتش بالك، كنت بالنسبة لي غنوة بس مش مناسبة لك 

واخد في نفسك قلم، فاكر نفسك زي الهرم، وعلى ايه ده كله  مش شايف حد غيرك  ياما هنا ياما هناك، بسلامته شايف انه ملاك، غروره ده طبعه  ياريت منه شويا ننحرم مش طايق استحملك، بهداوة أهو بكلمك،  طبعك ده هيقتلك، وهتجيلي تقولي الحقني  وساعتها مش هعبرك، خلي غرورك ينفعك، أشتري مني واسمعنى، حبيبك بيعد لك  شايف نفسه ولا بعديه، لازم الكلام يبقى عليه، ده كتر خيره  بيتنازل ويتعامل معانا عادي  في نفسه بس بيفكر، اللي عايزه لازم يحضر، مش مهم غيره  المهم كلنا نحس بيه 

من وسط عيون كتار عينين اتنين حاوطوني، سلمت أول ما أسروني، سلمت وقولت احموني  رسم لي بعيونه مسار ماقدرت أنا عليه، مهزوم أنا بعينيه، سلمت أسلحتي ليه   ارجعوا يا جنود عيونه كسبوا ارجعوا يا جنود قولت انسحبوا غطوا المدافع ادوها للأطفال  خلاص مش نافع نبقى الأبطال  ارجعوا يا جنود انتهت الحرب  ازرعوا الورود في كل الارض  ارجعوا يا جنود إلى الثكنات  دي كل البنود عشق من سكات  مفيش فايدة من الإنكار  قلبي بدري اتغلب، سحر وعلينا انقلب، قلبنا مننا انسلب دة كان أحلى استعمار ولا معركة وقتال، رحبنا احنا بالاحتلال  خدناه بالحضن حلال 

شوفت أنا عملت ليك ايه، وضحيت بأيه علشان خاطرك، اديتك أهتمام وكل وقتي، سمعت كلام بيقل قيمتي، عملت انت ساعتها ايه، سكت وخوفت على نفسك  أنا متأكد انك بعدي حبيبي هتعرف تعيش،  وأيوة عادي مجيش ولا مرة في بالك، شيء مؤكد أسمي لو اتقال هتعمل متعرفنيش،  ده قصادي كنت بتخاف على حالك، بجد أنا معرفتش أجبن منه، عايزني بس خايف على صورتك،  ليك مصالح معايا بقربي، الطيب المسامح كان قلبي، خايف تصارحه وتقوله، مبتحبهوش تخسر مصلحتك

انت تحبني أنا أحبك، أشيلك بقلبي دايماً،  متحبنيش دي حاجة بقى تخصك  تنساني لحظة يبقى أنسى، أفتكر اسمك اصلاً،  متجيش وقتها تسأل ليه سايبك أبقى الأول عندك أو مبقاش، ده شرطي الأول والأخير، فكر الأول وبقولك بلاش، تستعجل وهقدر التأخير، أنا الأول دايما متنساش، لو التاني مش هيحصل خير تعاملني حلو زي ما بعاملك، مش أكتر ولا أقل، أو متكلمنيش وده هيبقى أحسنلك سوء المعاملة يبان بكلمة، ويمكن ساعات أقل، ومتقوليش حاجة أنا أهو حذرتك 

أيوة لسه بنتكلم، من فترة لفترة،  ونطول واحنا بنسلم، لو اتقابلنا صدفة، لسه بنتعود ونتعلم، محدش يقول حبيبي، لسه احنا بنتألم، لما بنتعامل طبيعي، ما اللي كان جوايا وجواه، ميتحكيش  كنت بتنفس هواه، وهو كان بيا بيعيش  ده كان ليا قصة معاه، حب كبير يجي مرة ف الحياة، لناس مش كتير أيوة لسه بنتكلم، عن بعض كتير، ناس تيجي ولا تعلم، تاخد يومين بالكتير، حالنا شكله مطول، وأيوة احنا راضيين، لا هنرجع زي الأول، ولا هننسى بعدين 

اللي بتحلو دي كل يوم، تعبنا كده من حلاوتها، حلوة لما تقوم من النوم، وأحلى في كل أوقاتها، سكر وحلى حياتي، وأنا بجد وحياتي، محلمتش بأكتر من كده  حلوة أوي روحها، وأنا مطلع روحها، وبتستحملني بحب ورضا في قلبي انتي يا حياتي  ومن حبي انتي متأكدة بنعمل كل حاجة سوا، وتشاركني بكل تفاصيلي، حتى الوقت بيعدي هوا، وانتي ياروحي بتبصيلي، مش مهم فين بنروح، المكان بيحلى بيها، يا قلبي وروح الروح، اللي بتسند عليها،

عشنا وشوفنا المعقد، واللي للأسف رضينا بيه وحبيناه، دلوقتي علينا بيتنك، وبيختار ويحدد، وكل شويا يتلكك، الله يرحم زمان،  كان شرف كبير ليه لو عبرناه كان الكل بيخاف منه، واحنا طمناه، كان الكل بيبعد عنه، ولقلبنا قربناه،  دلوقتي شم نفسه علينا، مش عجبينه ابن اللذين، واحنا جنبه ومعاه،

علي قد ما كنت بحبك دلوقتي انا فعلأ بكرهك، انت خلتني احبك وانت خلتني برضه اكرهك، أمشي وسيبني في حالي  لسه حاببني طب وانا مالي  اللي خاف زمان عليك دلوقتي عادي جداً يجرحك، غيب من قدامي، انت بكرة هتترحم على أيامي، هشوف حالك وأضحك بصوت، خاف على نفسك مني  روح من وشي، وعلى فكرة حتى كلمة معلشي، مش هقولهالك وحتى لو بتموت، لا أعرفه ولا يعرفني عمري ما كنت متقدر لا في رد الفعل او الردود، بتقول مكسوف مش أكتر وانت قمة ف البرود، في حب لطيف كان نفسي  وانت يا لطيف سديت نفسي  لو بتدور على أبو قلب طيب مبقاش خلاص موجود،

قال عليا إني أحسن واحد عرفه بقى الايام دي يشوفني يدور وشه بنسيب بعض بشكل مش قادر على وصفه كان بنا حب بجد وراح لحاله  كان بنا ود وجت جراح بداله  كان مساحتي فيها راحتي ودلوقتي  أنا خايف منه هو ايه بس اللي جراله  حد يقوله ليه ده كله مصمم على نهايتي وعده في الاول طلع كله كلام  وده اتحول وبقى مفيش اهتمام  عايش لنفسه وبس والله اللي بيعمله حرام

عايزك تحبني بطريقتي مش على طريقتك، عايزك تشاركني وقتي وابقى كل حكايتك، عايزك متخبيش أي تفاصيل  تحكيلي كل حاجة بالتفصيل  أحب أسمع ده من بختي ومن بختك، انت بالنسبة لي الوحيد الغالي، بلاش نضيع ثواني واحنا بعيد خليني عندك بقلبك هو بيحلالي  انا شايفك يا روحي وحسك، اعتبرني انت نفسك وافديك بروحي وابقى ليك عينيك قمرك وشمسك  

عايز الجد، اللي بيفرق حد عن حد،  رد الفعل وقت الجد طلعت ورق، وأملي فيك أتحرق، وجودك لا نفع ولا سد اللي هيعمل كان عمل من زمان أكيد، أيوة خلاص مالوش لازمة نعيد ونزيد، أوعى تفهم كلامي عتاب، قفلت الباب  وبقت صورتك بعيني مش ولابد  محسوب عليا حبيب ومعاك أنا وحيد، كل الناس كانوا جنبي وانت اللي بعيد، أوعى تفهم أنك تلزمني، أنا مستغني  وخلاص شايفك شوك مش ورد، 

بحب فيك إخلاصك لكدبك، وبيعجبني إنه كله من تأليفك، والله فعلاً بحب قصصك، بتشدني ودي حاجة ولا تعيبك، مش هتبطل ابدا كدب، مش هتبطل بتكدب بقلب، موهوب يا حبيبي ومعروف بالخطب  مش بتفكر ابدا بجد، دايماً جاهز عندك رد،  مكتوب يا حبيبي بحروف دهب  بحس يا روحي عايش بفيلم، قصته اثارة وتشويق ومتعة،  بيألف حتى وهو في حلم،  صحته بتيجي ع الكدب والمماطلة، يتأخر على ميعادي ٦ مرات، يقولي معلش عملت حادثة، كنت فين طول الشهر اللي فات،  حبيبي معلش كنت في كارثة،

لو كان البوح مسموح، كانت هتهدى الروح، ولا هتزيد الجروح، وتؤام الروح يفهم الإجابات، مكناش لسكتين هنروح، وتبعد المسافات السؤال والإجابة صحاب، حقيقة ولا سراب، الاتنين صعبين، والحياة إمتحان، الله المعين  ده كلام كتير جوايا، بيلعب استغمايه، وفي الحالتين، انت وأنا، والله خسرانين لو كان الأمر سر، هيتعرف مفيهاش مفر، ونرسى ع البر، خير أو شر هيبان هوا، ده احنا بينا عمر، نتفاهم سوا

أنا ممكن أعمل كده أي حاجة ليكي،  علشان بس أشوف مرة في عينيكي، ضحكة ليا مبسوطة بيا، مشوفهاش غير ليا عليكي، وده كفاية عليا انا زي كتاب مفتوح معنديش أسرار، الا انتي سري الوحيد عن الكل، في كل حاجة إلا الحب احنا احرار، مش بيدي أختارك من وسط الكل، أنا ممكن أطلع للقمر واحكيله عنك، أنا ممكن أمنع الورد يغير منك، جملة بتقوليها أسمي فيها، انت عارف شكلي هحبك، والاستحالة نعديها

فكرت كتير أسيبك وأمشي وأبعد بعيد، ومهانش عليا تتوه بعدي من جديد، بس انت مصمم تبعدني وتفضل عنيد، دي كل حاجة كنت بتحبها مني، بعمل أكتر منها وبرضه مش حاسسني، بتغير معاك أوام ومش كلام، عايز أقولك سيبني لو مش حاببني، حبيتك أكتر من نفسي وقلبي فضلتك عليه، وانت استهونت بيا وقلبي بتلعب بيه، وهفضل لحد أمتى أستني منك تراضيه،  بأقل حاجة زمان بيها كنت بتفرح، ولو وصفت دلوقت احساسك كلامي هيجرح،  مش مالي عينيك ولا ايه فيك ما توضح، 

أيوة بحبك أوي، بس مش هحبك أكتر مني  تعبت معاك أوي، ولو مش عارف أبعد عني مين اللي قال، اللي يحب بدل الحنية، يعيش في عذاب وقسية، ويميل بيه الحال  في عرف مين، اللي يخلص كده لحبيبه، يشوفه ضعيف ويسيبه، بنص السكة حزين لسه بحبك راضي، لسه شايلك غلاوة كبيرة مرة تاني تعادي، هتبقى هي دي الغلطة الأخيرة 

راجع بعد ما ضاع، بيقولي يا بياع،  بيلومني ع المشاع، ويعاتبني على جراحه  سنين في حبي، وهو متعلق بقلبي،  بيقول انه ذنبي، وبيحاسبني انهم راحوا أنا مش عارف وحياتي، بيلومني على ايه، أنا مش لاقي خالص، سبب واحد مقنع، قولي وعدتك بايه، قولي عايز أسمع، قولتلي خليني جنبك، قولتلك براحتك لو عايز خليك  عشمت نفسك بنفسك، وبحبك مقولتهاش ولا مرة ليك عاملتك أحسن معاملة، قولتلك كلمتين مجاملة،  ومهما طالت المكالمة، كانت نيتي بريئة دلوقتي قصر الكلام، انت اللي لازم تتلام، أحلامك طلعت أوهام، وأسف دي الحقيقة

روق ياقلبي روق  بكرة جاي متزوق  ولو مجاش  ما يهمناش  ادينا عشنا ومزاجنا مفوق  روق روق ما تروق  الدنيا مش ع الكيف  الدنيا ماشية على مزاجها وعارف ايه هو علاجها  روق روق وعيش خفيف  روق قلبك روق  حبيبك جاي وبيشوق  ولو مجاش اوعى بلاش تنده للحزن وفيك يدوق  روق روق ما تروق

مفيش وقت  مفيش وقت لأيه؟  مش عارف! بس الأكيد مفيش وقت  يمكن لأي حد يمكن لجد لجزر والمد للقرب والبعد  تفرز وتعد حبايبك بالتحديد وخلص العد  بالصفر أكيد  مفيش وقت  ممكن للوقت  لكلام لصمت  تشوف كسبت  وايه خسرت  لما روحت  هناك بعيد لما خوفت  تفضل وحيد مفيش وقت  حتى لدلوقت  حتى لو خلصت  مكان ما بدأت  صبرت تنحت  عافرت وأوحت  برضه عبيط مهما فكرت  إنك سعيد مفيش وقت  لهجرة ومحبة  يجري ويستخبى  القلب حبة  من الأحبة  مفتاح وضبة  القفل عنيد  عملوا مربى  بطعم جديد مفيش وقت  ولو مفيش وقت! ليه خايف؟! مش عارف! بس مفيش وقت

أنا متغير، طب والله برافو عليك إنك خدت بالك  مش متصور، انك تلاحظ التغيير اصلاً ولا يجي ببالك  ركزت دلوقت، لما أتغيرت،  وباين بكلامك، إنك قلقت، انت بتهزر، طب ليه مكنتش مركز لما قلبي حبه ادالك الكلام معاك حاجة تزهق، ومهما أقول ترد ببرود، أنا اللي لازم دايماً أبدأ، وبرد فعل ممل  منك موعود ماهو مكنش ينفع ولا يصح، أجي على كرامتي وصحتي، كنت فاكر انك بتعمل الصح، من وجهة نظرك  مش من نظرتي 

انتي حادة في الطباع والمزاج،  وسده كل الطرق للقرب والكلام، جادة جداً لدرجة محتاجه لعلاج، وساذجة مهما بينتي حكمتك بالكلام، ده العمر بيفوت وأمتى تخرجي للنور  وتشوفك شمسك، بتموتي في سكوت وب 1000 سور  انتي محاوطة نفسك،  وأسمعي مرة لصوت حواليكي بيدور  زي الفارس حارسك، انتي قافله كل الشبابيك والبيبان،  مكتفية بالدايرة الصغيرة حواليكي،  خايفة فعلاً لما حد يظهرلك ويبان، مش شايفة فيه واحد بيخاف عليكي،

تضحك ليا وتبتسم الدنيا قدامي تترسم، وتتلون بالألوان بعد ما كانت بلون رمادي  فجأة بلاقيك وزي حاجة اتحولت فيك، تنساني أوام وتكلمني زي أي حد عادي  قولي اللي انت فيه ده كسوف، ولا احساس بالخوف  أعمل خير وفهمني ورسيني يوم  أعمل فيا معروف  قولي هو انت عايز بجد تقرب، ولا مني بتهرب  وهم كبير مخوفني ومنسيني النوم ما تيجي نجرب ونشوف بتقولي انت ليا أقرب واحد في الدنيا ديا، جميل أوي أثبت أبوس أيدك على كده في ثانية تعرف أشوف منك معاملة تخوف، جامد أوي في مشاعرك طب ليه كده 

ده بعد كتير راجع كأنه ملاك، بيقولي واحشني كتير،  طمني حبيبي عليك  ده بعد زمن راحع عشان يعترف، كان قصده خير، سامحني جيت عليك أنا فاهم كويس نواياك، نهايتي اللي كانت على ايده، الظاهر مش عجباك  راجع تاني عايزنا نعيده، مقهور عشان نسيته  محضرلي نهاية على هواك، ده كان فاضي قال لما نتسلى، وفي جرحي المرادي، ينبسط بيه ويتفنن  ده أكيد مريض كل مرة يقسى، ويشوف قساه عادي، عايز يخليني أتجنن

خلاص يا قلبي النهاردة أخر يوم تشوفه فيه،  أيوة صحيح هو وعدني يسأل علينا ونسأل عليه، بس الحال ده هيفضل لحد أيه، مهما طول هيحي يوم وننهيه، سلم أوي عليه وملي عينك بيه، طول السنين اللي فاتت، وفضلت بنا حدود ولا عمرها دابت، القرب موجود بس محدود شوق من طرف واحد، بسكوت هيموت خلاص يا قلبي مش هنتكلم احنا تاني معاه، أيوة صحيح كان الكلام قليل ودايماً بينساه، بس هيفضل أحلى كلام ف الحياة، أشوف وشك بخير ده اللي بتمناه، سؤالك أنا هستناه والله هستناه،

مش انت ياما قولت، انك قبليا كنت، واحد تاني مختلف  وانك معايا اتظلمت، وقد ايه تعبت، وبخونك وخايف أعترف أيوة أنا بياع، وكل الصفات اللي مش عجباك، أيوة فيا طب ما تقول وداع، والله مستني أنا من زمان، اللحظة ديا أيوة مش تمام، طب قولي انت بس ليه، متعلق بيا ده كل الكلام، منك ولا ليه قيمة ولا يهز، شعرة فيا ما أنا ياما حبيتك، ومن قلبي واديتك، وانت ولا مقدر مهما أديك سعادة، تملي كدة كالعادة، في وشي تكشر قول شايفلك شوفة، دي واضحة ومعروفة وخايف مش أكتر 

أنا سامع كلام انك بتحبني، وده اسمه كلام ينفع عني تخبي، أنا بحبك من أيام ما قابلتني، حتى تعالى أوام هنا واسأل قلبي، يا أغلي الغاليين بحبك من سنين  مين زيك عندي مين ما انت أكيد شايف  انت غير التانيين وحنين حبتين  أنا معاك بقول كلمتين وأكمل مش عارف  أهمس بس همسة عندك تلاقيني، هنستنى ايه لسه ونضيع تاني وقت، هنعيش احلى قصة وبكل سنيني،  من أول لمسة منك أنا بيها روقت،

عملت علشانك حاجات لغيرك متعملتش، وكل ما أعمل أكتر انت مبتقدرش، وقت حزنك تجري عليا ومتفكرش، ولما تفرح تفتح قلبك وتنسى أنا مين وبعد ده كله بتقول عليا مش مهتم، طب حد يقوله كلامك ميدخلش عقل، وايه هو الإهتمام أحب منك أفهم، انت بتحب الإهتمام ازاي وبأي شكل، ده أنا تملي بحس بيك قبليك، والوحيد اللي بيفهمك من عينيك، حافظ بتحب ايه وايه لايق عليك، وبرضه بتقولي انك مش سعيد تعالى واجهني وحط عينيك بعينيا، وقولي انت كام مرة حسيت بيا، بحب لون ايه ولا انهي أغنية، لو بصراحة هنتكلم أنا معاك وحيد

خليكي كده متنمرده، على ده وده، وانتي فاكرة نفسك متمردة، مستنية حب كده، شبه الأفلام في أول ليلة عرض انتي واحدة عادية، لا نجمة يعني ولا هدية  مملة جداً وأيوة فعلأ، كان فيه حاجة بعينيا  لما أختارتك وحبيتك بدون أي مقابل  انتي محتاجه أدوية، عشان العقد ديا  بس براحتك ومسيرنا انا وانتي نتقابل  خليكي مش عاجبك، حد زي حبك، برافو شاطرة هتعيشي لوحدك، وهتفضلي متعلقة،  طول الأيام لا طايله سما ولا أرض

ونزعل ليه لما سابنا، ده قبل ما يجي لينا، كان مع غيرنا، وسابهم علشانا، ولينا أهو جالنا عادي يسيبنا ويروح لغيرنا، عادي يتعمل فينا، زي ما عملنا، مينفعش ساعتها، تقول احنا مالنا ونزعل ليه، أيام ودايره، وأحلام رايحة وجاية، تتمناها متجيش، تنساها تلقاها بتعيش بلاش نسأل عن الأسباب، ليه حبيبنا غاب عنا، مسألناش بأيامنا، حبيبنا كان، سايب ولا متساب  فتحنا ليه لما دق الباب، وفرحنا بيه وعنه قولنا، ده أغلى الأحباب، وفاتنا أوام، ودوقنا العذاب 

الوردة الحلوة دي علشانك  والرقصة دي على ألحانك  ما الدنيا بترقص بكلامك  أمال لو بس غنيت  والضحكة دي طالعة ليك  معرفتهاش أنا أبدا قبليك  ما الحنية دي اللي فيك  خلتني أقول حبيت الأيام اللي جاية كلها بتاعتنا نقلب سوا الدنيا عادي براحتنا نسهر لصبح بنغني في اغنيتنا دي حياتنا وحكايتنا ماشي بغني في كل حتة وبشاور عليك أيوة انت  بقيت حبيبي من أمتى  أنا بجد ميهمنيش  أنا أكتر واحد ف الدنيا  فرحان وباين في عينيا بقيت ياحبيبي خلاص ليا ومعاك هبدأ أعيش 

بتسألني عن حالي، عامل ايه بعديك، طب تعالى انت، وشوف كده بعنيك  ده أنا حالي، يكسف وتقولي أوصف، طب أقولك ايه، ارجع وحياة عينيك قلبي ده انت كنت كل حياته، ولو العمر كله فاته  وهو بيستناك هيستنى ويتمناك، ترجع له وترجع معاك دقاته بتسألني عن حالي، عايش ازاي بعديك، وحياتك اللي بحلف، بيها دايماً ليك  هقولك أنا مالي، بكلمة حياتي ضلمة، أصلي كنت بشوفها، تملي من عينيك 

وصلني كلامك عني، كان كلام جميل، بتوصفني أحسن مني، وتملي فيا بتشكر بتجر ناعم وماله، مش هيأثر فيا، وأنا ردي على كلامه، من غير ما أفكر شكراً جداً الله يخليك، كلك ذوق على راسي فوق، طب عايز تسمع أكتر لأ خلاص كفاية عليك، ياريت تفوق من وهم الشوق، ياعم فكك وشويا كبر مثل الطيبة والرقة، وأنا هقولك على حاجة، دي عليك مش لايقه، بلاش منها تكتر أعمل حنين وملاك، أنا فاهمك كويس، رجوعنا أوهام جواك، مقدميش غير أشكر 

وبقيت مليش في الناس، ولا ليهم عندي احساس،  البحر أيوة أحلى، وأمن أكتر منكم، السما كده أصفى، أكتر من قلوبكم، الناس بتعشق اللي منها بيخاف، ودي بقت حاجة عادي ومفهومه، لكن الناس تعشق اللي ظالمها، ده بقى اكتشاف مش معلومة، عشان القاسي الحلو منه بجميلة، تتشال وتتحكي في كل نميمة، بس الطيب الحلو منه يتشاف، عادي يعني لانه كتير بالكومة، الناس بتعشق كل واحد خان، تلاقي له عشان بتحبه أعذار، لكن المخلص زي حالاتي هان، لما قال لحبيبه كلمة مرة بهزار، لو حبيت نفسك أكتر تتقدر، من كل الناس ويتعملك مزار، لو حبيت الناس أكتر تنكر، لا يمكن في عز وجعك تتزار،

من أول ما أتكلمنا كلمتين، وأنا بخيالي بسرح، هنبقى احنا احلى اتنين، لو بس انت تسمح، انت اللي مستنيه سنين، أنا اللي بيه هتفرح الحب تاني ده كان مستبعد بالنسبة لي، صعب أوي أحب عايش وراضي بحالي، طب ما طلع موجود أهو اللي بخيالي، كنت فين يا حبيبي تعالى لي، وأنا هقولك وأشرح  أنا فعلاً كنت نسيت إن ليا قلب، والله فعلاً كنت مقضيها جد ولعب، كله عادي يعني البعد زيه زي القرب، كنت فين يا حبيبي بكل الحب، ده ف الورد بيفتح 

لسه فاكر دلوقتي تودني، لسه فاكر تقرب وتحن لي، انت فاكر لما تقول بتحبني، هجري عليك  وأقولك أخيراً أنا بين ايديك، وحشتني انت عارف شوقي ليك بقاله قد ايه، انت متصور أنا استنيتك كام سنة، حسستني إني قليل ولا ده مش أنا، دلوقتي جاي متخيل أنا هقولك ايه، جاي بتراهن كده على قلبي، وازاي فاهم إني مخبي، ولسه محافظ على حبي، وليك بشتاق  والله قلبي لما صدق فاق، من تعبي 

محدش يقدر يحرحك غير اللي بتأمن له، مهما تعمله  ينسى أوام ويوجعك وقلبك يقوله، أخسره كله  خليه يتألم والمرادي يتعلم هو ده حله اللي عارف سرك، هو ده عدوك، مش حبيبك اللي على  راحتك يدلك  اللي خايف عليك، هو اللي هيأذيك، وغير حبيبك مين  هيجي عليك  اللي فاهم طبعك، خبزك وعجنك، معاه نصيبك من  العذاب جايلك 

مش عادي وقت ما انتي عايزة تحبيني،  وتناديني وقت ما تحتاجيني، تلاقيني  ومش للدرجادي سهلة تمشي كدة وتنسيني، وتغيريني  زي ما انتي خليتيني أحبك بشروطك،  يبقى حقي لما تسيبيني تسيبي بمزاجي، هاتي أخرك وزهقيني احرقي كروتك، ماهو عند بعند وأنا كمان مش باقي،  ده على قد ما حبيتك أنا هخليكي تكرهيني،  وتشوفيني تخافي من عيني، وتترجيني  أنا حد مش لعبة في أيدك بتلاعبيني، على سنيني 

الحب دق والقلب رق مقالش لأ ولا عمره ابجا هيقول  الشوق حن والمشتاق أحن حبة ويتجن هو فين كان يطول جمال الدنيا كلها في عينيه،  حبيت الدنيا عشان هو فيها، روحي ملك ايديه يعمل اللي عاوزه فيها، أجيبله الدنيا هو بس يأمر ويقول القمر بص ليا بنص عين وبس حبيته بثانية على طول  هات وخد كلمة في رد قالي بجد بحبك بشكل مش معقول 

فينك يا براح وفين مكانك، سيبت الجراح تاخد مكانك، قولي ده أنا عايز أعرف، فين الأفراح زمانها و زمانك هو العمر ايه، غير إمبارح والنهارده وبكرة، إمبارح عدى والنهارده، ولا هدى وعلى بكرة، خايف أنا على فكرة وأنا هتمنى ايه، غير يبقى لي مع حد ذكرى، أعيش بيها وعليها، هو مين يكره، لحلوه الناس تفضل فاكره قولي يا غرام يعني لو حابب، عدت أيام وانت غايب، هتيجي أمتى ده ربيع العمر، عدى أوام وبقيت شايب  العمر محطات وليها أوانها، وكل الحاجات راح زمانها، جت في وقت مش وقتها، وكل الأمنيات فضلت مكانها القلب الشجاع بجد جبان، ف الضلمة شعاع يظهر ويبان، ويرجع يتطفي ويختفي جوايا، ليه باع وصيت ف التوهان 

كنت شوفتها مرة، وقولت مش محتاج حاجة بعدها، علقت صورتها فيا، وقت كتير خدته عشان أوصلها، روحت كلمتها ردت هي وقالتلي لأ من الأول كانت زي الحلم تتمناه يطول، وتصحى تلاقيه حقيقة بتكمل، بس مفيش حقيقة زي الأحلام بريئة، الواقع أمر واقع هو اللي مكمل، فضلت أبعتلها ناس، عشان يجسوا نبضها كل شويا، وترد عليهم برد، واحد مش هينفع أسفة مش بأيديا، والفرحة بعينيا خلاص أهي بتنطفي و بتتحول  ده الحلم كبر وبقى، زي الأفلام وانتي فيهم البطلة، وليه ينتهي الكلام، كل الكلام قبل ما يبدأ بفترة، وفي لحظة أصحى وعلى حالي أفضل 

ما كفاية يا ناس، أنا اللي فيا مكفيني، أيوة يا ناس، الدنيا مدياني على عيني، نا كفاية خلاص، أنا بجد فاض بيا، حبة احساس، مش انتوا والدنيا عليا، أنا أعتزلت الدنيا وقفلت قلبي وبابه، عشان ترتاحوا وكل واحد يهدى باله، متساويش حياتي معاكوا دي متلزمنيش  ومن النهاردة كل واحد في حاله، متفكرونيش هزعل عليكوا مهما أعيش زودتوا الضغط، وقلبي يقولي أصبر شويا، ومع الوقت، بتغيير أوام ومش بأيديا، الحزن والكبت، وغيرهم باينين في عينيا، وخلاص تعبت، مش عايزكوا تاني حواليا،

مش مصدق نفسي يا حبيبي، أخيراً أنا وانت هنا، استنيتك كتير مرة تجيني، وتقولي بحبك أنا، يلا نبدأ أغنيلك وتغني لي، عن حبنا طول عمرنا ياما استنينا الليلادي، ف الوقت نستعجل وننادي، تعالى يا جميل وهادي، نفرح بنفسنا  حط ايدك في ايديا، مش هنام احنا عادي، دي الدنيا كلها جاية، تفرح لنا  ده أنا ياما قولتهالك، هتبقى ليا وهبقى لك،  مين ينافس جمالك، غيرك هنا  خلاص بقيتي حلالي، يا حلو في كل حالاتك، طب تعالي تعالي، في حضني كده  ايه ده الدنيا ساكتة، يلا نولعها أنا وانت، تعالى نوريهم رقصتنا، وتبقى بأسمنا 

أنا الحبيب اللي قلبه بين  الحب والوحدة أتقسم، والغريب إن أمره  في الهوا اتحسم، دول اللي من قلبي أرتوا، راحوا حبوا غيري  أنا الطبيب اللي عالج قلوب  جرحها عليها أترسم، والعجيب بعد ما قلوبهم  تطيب تبتسم، ودي محبتي اللي بيها اتملوا، حبوا بيها غيري دي كل حكاية بتبتدي مهما اختلفت بتخلص، والجرح واحد ليه طيب مبيختلفش  والقلب أمتى يهتدي لحب على كل ده يخلص، حب واحد يطبطب ويقولي معلش أنا الغرقان كده تملي في  هموم الناس وأحزانهم، ياللي مليان قلبك  بالحب أشفي آلامهم  ومقولش أنا غير كلمة حاضر، إكمنى قلبي طيب  من زمان نفسي أشوف  فرحي جوة فرحهم، واللي كان كان قلبي  بس اللي فرحهم  بدور في العيون مين قادر، يفرحني أنا طيب 

سيبتك ليه،  طب خلي حد غيرك يسأل، وأنا أرد عليه  سيبتك ليه، ابدا دي شويا أسباب بسيطة، وانت المجني عليه بطل كلام لا يودي ولا يجيب، كفاية عكننة وقله راحة، بقولهالك أنا زهقت بصراحة بطل وتمام انت لما تخيب، كفاية بهدلة وقله قيمة، وشغل زمان وحركات قديمة سيبتك ليه، وحياتك عندي حتى سؤالك، أنا شاكك فيه  سيبتك ليه، جربت مرة تشوف أفعالك، يمكن تفهم ليه 

العمر علمني ف المحبة نفرح ونتوجع،  وقلبي مني خايف ياما معايا أتوجع، ف الفرحة دمعة وبعد الضحكة خوف  الفرح ما صاحبني زي الصاحب الجدع، تدور عليه وتفتش عنه وتوشوش الودع، تسأل ليه مش بتلاقيه ولا وشه تشوف مهما تتعب من المحاولة، قوم وأقف حاول تاني  الراحة دي زي دولة، محدش فيها شبه التاني وايه يعني لو زعلت وقلبك حس بندم، لو اتسألت عن البكا بكل فخر رد بنعم، ده الحزن حافر وعافر مع كل القلوب  بس انت لو تعبت وسيبت نفسك للألم، أفتكر غيرك فرح فرحة جاتله من العدم، ده للكون شروق هيروق بعد الغروب

ايوة من حقك تعمل كل اللي انت عايزه، ما انت ابدا مش زيهم، فيه بشكلك وبجمالك كتير انت غايظه، أول ماتهل يتحرق دمهم، يا حبيبي أسطورة، أسم وصوت وصورة وبروحك الحلوة انتي تملي مشهورة  الله على طبعك والله كمان مرة ويا سلام، عندك طيبة مش عندهم، بيغيروا منك حتى لو جت سيرتك بالكلام، هيحبك الكل ومحدش يحبهم،  

تفتكر يا قلبي أنا صح، وشايف الصورة أوضح، عارف إنك خايف تلمح، بنوايا القريبين  تفتكر يا قلبي أنا أقدر، أواجه لوحدي المقدر، وأكمل من غير ما أتغير، وأشبه الباقيين بقولكم ايه، هكمل لوحديا، دي الوحدة مفيهاش لوم ولا عتاب، وشك في اللي حواليا وعيشة عذاب  بقولكم ايه، ف الدنيا ديا، معاكوا الجراح بالكوم مش أسرار، ماهو باين عليا أهو قلبي محتار ياللي عايز مني تقرب، بكرة تتحجج مني وتهرب، بقولك أنا أصلي مجرب، هتعمل مشوفتنيش  تنسى عملت إيه لقلبك، ولو مرة صدفة أقابلك، تدور وتبعد عني وشك، كأنك متعرفنيش 

مش واخد بالك، المسافات بنا بتزيد، مستغرب حالك، وإزاي بقيت بعيد، ومش فاهمين، ايه بيحصل وليه، وزي اتنين، بيتعرفوا ببعض جديد تعالى نتكلم ومن اللي فات نتعلم، ونحافظ على حبنا ولو الحب قل تعالى نشوف لنا حل، بلاش نخسر كلنا لو الشوق راح، تعالى نفتكر الأفراح، اللي عشناها عمرنا  مش واخد عليك، تزعل ومتقوليش، بسأل عينيك، هي بترد مبتخبيش، مش نافع يفضل، حالنا بالشكل ده، يا حبيبي الأفضل، نتعاتب انت وأنا 

لو تزعل مني مرة مني، شمس النهار تخاصمني،  لو بتسأل ليه محيرني، هقولك ايه يمكن لإني، لما بتبتسم مرة ليا، الروح تترد كده فيا، حقك حبيبي عليا، واحد بيحبك اعتبرني، روحك جوايا ساكنه،  وليه الحزن ماسكنا، ليه وقت الخصام، أطول من ضحكتنا كل يوم بيعدي، الجفا يزيد تحدي، وليه زعلتي من الكلام، والله ما كان قصدي ليه تملي مش فاهمني، بص لي كده وفهمني، وقولي ليه شايفني، زي باقي الناس حاسبني، ليه بتمسك في كلمة، وتسيب باقي الجملة، دي حتى المجاملة، عليها حبيبي بتحاسبني،

بلي ريقي حلي جوفي  بكلمة منك يرقص الكون  دلي طريقي حلي خوفي  قربي منك حل ومضمون  نسيت ضيقي غيرتي ظروفي  وبجد حقيقي بيكي مجنون  رايحة جاية قدام عينيا، بس بعيدة أوي عليا كلمة منك كلمة عنك، بكلمة وحيدة تلاقيني جايلك  رايحة جاية همسة هادية، نظرة سعيدة عني راضية  بلي ريقي حلي جوفي  على شواطئ الهوا غرقان  أملي ابريقي و بيا طوفي  كل المناطق أنا عطشان  يا زيتي ودقيقي حتى شوفي  بقيت صوفي ودرويش كمان 

أنا فعلاً طيب، بس ساعات بقلب، تشوفني تلقاني سهل، تقرب أبقى أصعب، ف الشبه أقرب، لشخصية البحر، بحضن سفن وأهل، تخاف منه لو قريب اللي عاشقني شايفني، ب 100 صورة، واللي حاببني فاكرني، إني هادي الطباع  اللي سايبني حاسبني، واحد بياع، وأنا كل دول ودول، لسه الصورة تساع  اللي قالي قولي، على سرك، واللي تملي بيسألني، عني وحالي ايه دلني ياللي سألني، شايف إيه، قبل السؤال بحال، وحال تاني بعديه 

سامحوني لو قولت، في حقكم كلمتين حلوين، أنا أسف أتسرعت، وحكمت عليكوا في يومين، اعذروني إني غلطت، طلعتوا مش زي ما باينين بنشوف الناس بقلبنا، أه وحياة ربنا، ومن جوة قلوبهم مش بنشوفهم  بنحبهم وكأنهم مننا، ونحب لهم زينا، وهما عيوبهم دي ماليه قلوبهم  يقولوا علينا حبايب، وكل الكلام العايب، ده جوة عيونهم أهو فاضحهم سامحوني مبتعلمشي، ما أنا فاتح قلبي للناس، والقسية مبتخيبشي، مانحرمشي يا أحلى ناس، بقول كل مرة معلشي، أهي غلطة وعدت وخلاص 

أنا متغيرتش، أنا لسه زي ما أنا، انت اللي مقدرتش، وفاكرني ملاك من السما عايزني أنا اللي أتساهل، حاببني كده لو هتنازل، معتبرني ضحكة تعدل مزاجك، عايزني فرحة تبقى بحياتك، أنا متغيرتش، بس أنا برضه إنسان، وفعلاً مقدرتش، أكمل كده زي زمان  ما أنا لو معملتش، تقول بايعك هوا  أنا اللي أتحاسب، وممنوع أعاتب أو أتكلم، ليه محاولتش، تحسني مرة وعليا تحاسب  أنا اللي جارح، واللي يسامح وهو متألم، أنا معرفتش، أكون الظالم والمظلوم سوا انت تملي الأول، وحياتي تتحول وماله أجي بعده، مشاعري عادي كده تتأجل أنا اللي أستحمل، حزنه لو طول وحاله وفي فرحه، يعيشه مع الكل إلا أنا 

حبيبي بالحب لا يجوز، تبقى تملي بغزالة  ده أنا مش محظوظ، وحالتك كده حالة بيرد وقت ما يعوز، و يسرح مني بكيفه  الود ده لو بفلوس، أملى له أنا جيبه  عاشق أنا عاشق  وسهم الحب راشق، وهو مش من هنا  قلبي آه يا قلبي  ورسم القلب قالي، هو ده بس الدوا بيجي وقت ما يحب، ويغيب شويا بالأيام  حبيبي زي ما تحب، يقولي أهو ده الكلام  عقلي قرب يخف، من كل العمايل ديا  وشكلي مش هخف، وصحتي ترجع ليا

ماتحاولش تبقى حد تاني، عشان تعجب حد تاني، لو عايزك يحبك عمياني، لو يقبل بيك زي ما انت، يتفضل جداً اهلا وسهلاً، يشوف حقيقتك يقول عجباني انت حلو من جواك، دي كل الحكاية باصص في مرايا مش بتاعتك  أختار صح اللي معاك، أستنضف المرايا تشوف بالنهاية تعجب بصورتك  محدش يكره يبقى أحسن، كل القلوب فيها كده عيوب مين ينكر طب ما يتغير هو يمكن، قلبه معيوب تعدله انت المقلوب وفيك يشكر 

مهاجر من قلوب الأحباب، ده اذا كانوا اصلاً أحباب، شوفت معاهم العجاب، ادوقهم الحلو يسقوني مرار مفارق كل قعدات الصحاب، توهت وسطهم بدون أسباب، اعتبرتهم أنا أغراب، بعيد عني انتوا بقى أحرار شكيت فيا العيب بيا ولا ف اللي حواليا مبيسألوش عليا ولا مرة حتى بهزار مليش في الناس  وبعيش في عزلة وفي وحدة مليش في الناس  ومش ندمان أنا دقيقة واحدة بقيت وطن لكل التايهين، يطيبوا فا يسيبوا ويغيبوا سنين، ينسوا ومش فاكرين، ويتوهوا تاني فا نعيد الحوار زعلان على روحي حبتين، قولت أعيش يوميني الفاضلين، دول بس يومين، لا عذاب ولا أتساب وأنهار قصاد عينيا بالانانية أتهموني وبالقسية لاموني وأنا الضحية مش الجزار

أنا عايز حبيبي أقولك أمشي، أخرج برة حياتي كده كفاية، مش عايز أتعلق بأمل مكنشي، موجود هو اصلاً من البداية، انت عارف حبيبي أنا مبنامشي، خايف ف الحلم تبقى برضه معايا، كنت ليك السند، كنت إيه ليا، بجد شايفني إزاي  وأبقى إيه عندك حد كمالة عدد، وبتسأل عليا، لو عايزني ومحتاج  واحد يقف جنبك مش غصب عني هو ده قراري، مش قادر أشوفك جنبي وبعيد، صعبان عليا نفسي وحالي، بالأسم بحب بس عايش وحيد، وانت حبيبي بأيدك تبرد ناري، وتساعدني أنسى وأحب من جديد،

يوم من بعد يوم كنت بطلب من الحب علاوة،  شاف غلبي لبى طلبي،  أهداني غريب يبقى حبيب، بس الحبيب أمره عجيب،  يشوفني ما يسمي ولا طايق اسمي، جيت ع الحب ألوم قالي العشق مفيهوش نقاوة دوبت فيه دوب ماهو دة المحبوب  وكل اللي راح يتداوى داب فيا دوب بعد الدبش والطوب  وكل يوم بزيد غلاوة  لما سلمت القلوب صدق المكتوب  ما محبة الا بعد عداوة  عشت معاه سنين والعمر عمره ما يتساوى،  باللي قبليه ولا بعديه، عرفني وعرفته عشقني وعشقته، قلبي بسيرته تزيد حلاوته، أنا عايش بيه ربنا يهديه،  عليا كدة حبتين دي ما محبة الا بعد عداوة 

عايز الحقيقة  اللي مش قادر أصارحك بيها، طب دقيقة  هتستحملها يعني وتتبسط بيها، أنا اللي أهتم، وشال الهم، بدالك والوقت بيعدي  أنا اللي قال، حاضر ف الحال، طلباتك أوامر عندي  ولا مرة هزيت، نفسك وجيت، تطيب فيها خاطري عايز الحقيقة معنديش أبدا مانع هقولك عليها، وبأي طريقة مش فارقه معايا أشبع بيها، انت مش حاسس، بحاجة خالص، معقول بتتكلم بجد انت مش شايف، ولا بجد خايف، وبتسبق العتاب بالرد انت كنت حاسب، إني هحاسب، وأطبطب لأ فوق بجد حلوة الحقيقة يارب تكون عجبتك واتبسطت بيها، هي دي الحقيقة كنت ظالم نفسي وجيت عليها،

يا حبيبي ساكت ليه على طول، خايف السكات بينا يطول، وأفضل أقول وأقول، ملاقيش أي حاجة بتعجبك أنا مش هطلب أهتمامك ولا حنيتك، ولو مكنتش أنت تحس بيا لوحدك، يبقى ايه لازمة إني أفضل أعاتبك، أنا مش هشحتك يا حبيبي لو انت عايز تروح،  مش همنعك أمشي روح، وبلاش تيجي وتروح، وتخليني كده تحت رحمتك انت عايز مني كل الأهتمام، أسمعك لما يكون عندك كلام، تسمعني وقت السلام،  متخلقتش عشان أحلي دنيتك  

مركبي البيضا يا مركبي  مش مكتوبلك من البحر تهربي  ع الشط واقفة وشايفة،  الموج منك خايف وانتي خايفة تبحري في وسطه وتجربي  تشقيه نصين وعلى موجته تركبي  يا مركبي البيضا يا مركبي قوم وشد شراعك يا قلبي، ايه هيجرى  أكتر من اللي حصل مثلاً  قوم وسيبها ع المولى يا مراكبي، يمكن ترسى ع الفرح و ماترجعش تحزن دي مركب وسط المراكب واقفة وزينة، لو شقيت  البحر وغرقت مش هنزعل أحسن ماتغرق ع الشط ويضحكوا علينا، انت ابتديت  الرحلة كمل مهما يحصل  دي المركب مصيرها ومسيرها للبحور، أحسن لها ياجدع من انها تتركن وتصدي  بحر شرق وغرب وأحضن النور، انت قدها  مهما يا بحور تردي فيا وتصدي 

الليل أهو قفل بيبانه، والفجر قرب يقفل عيونه، والشروق بيشق السما بلونه  وانت مشاعرك ليا، عليا حايشهم ومش شايفهم  ولا ظهروا ولا بانوا... حب حبة، شويا محبة، انت حبة وانا حبة،  تطرح أرضنا بلمسة وردنا حب وأرضى، زود مودة، أنا وانت ولاد النهاردة،  يفرح قلبنا بقصة تلمنا العيال أهي خلصت دروسها، ف المرواح العيون تتلاقى، يمشي الولد بحبيبته يتباهى  وكبرنا أنا وانت، وأمتى ياخواف تبان وتتشاف  مشاعرك ليا وسوا ندرسها 

كل الوقت اللي راح ده معاكوا....فداكوا  كل الحب والجراح في هواكوا.... فداكوا  اللي طلب السماح انا سامحته  دلوقتي وقت المرواح وهنسى سيرته  وأعيش من تاني ليا روحوا أتهنوا انتوا  وسيبوني لحالي، وأنا مالي  ولا بهتم كدة بأخباركم، الدنيا شموس حواليا بعدتوا خلاص؟ يا هناكوا لما الأيام والبراح مرة عليا....ضاقوا طلبت منكم أفراح بس عليا... ولا لاقوا  أتاري الأفراح اللي عيشتوهاني كانت كدة أفراح ناس تاني  خدتوها منهم ليا  زي ما خدتوا انتوا  كدة هنايا بكل عناية عشان خاطر عيونهم، لا فرحهم لاق عليا ولا هنايا خلاهم فاقوا 

مفيش فايدة كلمة بنقولها لما بنعمل كل حاجة ممكن تتعمل  مفيش فايدة لما بنشوف  في حبيبنا خلاص ولا ذرة أمل تلوم كدة نفسك وتعاتبها، قولت مرة من نفسك  إنك حاببها  وطلع ده أسوء قرار  تلوم كدة نفسك وتحاسبها، قولت واثق في نفسك  وكويس حاسبها  ازيك دلوقتي وايه الأخبار  مفيش فايدة ياعم خلاص  اللي حبيناه طلع مش بيحس  وهتعمل ايه ده الأحساس  نعمة ف القلوب الطيبة وبس

قلبي يا مودع  ف الماضي والحاضر  كل الأحباب أهل وصحاب  وحالك بقى كده صعب  قلبي يا موجع  اللي راضي والحاضر  واللي غاب واللوم والعتاب  عليك ومن غير ذنب بتضيف ع اللستة، كل يوم  من أسامي الحبايب  اللي نسيوك يجي ستة  طب وايه اخرتها، يا مهموم  انت اللي عايب  ولا حاسبوك هما بالحتة  بتسامح كتير انت، طب ليه  قلبك مش فاكر  أخر مرة سامحوك أمتى  دي ناس حبتها، وحصل ايه  كله دلوقتي ناكر  ولا مرة عذروك حتى 

أول مرة أحس بحد بيخاف اوي عليا، أول مرة ودي بجد مش مصدق عينيا، أول مرة أحس بحاجات حلوة جداً،  ومن قلبي كل الأوقات بقولك شكراً  أول مرة دي بتبقى غير  تحس إنك بخير، حتى لو بعد تأخير  تحمد ربنا عليها، تفرح بيها وليها أول مرة دي كانت معاك حسيت بأيد ملاك، وأتمدت لي من هناك من أخر الدنيا، شدتني بحنية للجنة   أول مرة أحس أنا كدة حب وشوق ورضا، وأشوف الفرحة متأكدة  تقصدني أخيراً أنا، عيشلك شويا هنا